ବାଲିଅନ୍ତା,୫।୮ (ଡି.ଏନ୍.ଏ.): ବାଲିଅନ୍ତାସ୍ଥିତ କୁଶଭଦ୍ରା ନଦୀ ଓ ପାଣ୍ଡରା ହାଇଟେକ ହସ୍ପିଟାଲ ନିକଟସ୍ଥ କୁଆଖାଇ ନଦୀରେ ହେବାକୁ ଥିବା ୨ଟି ବ୍ୟାରେଜ ନିର୍ମାଣ ପାଇଁ ବିଭାଗୀୟ ଅଧିକାରୀ ବୁଧବାର କ୍ଷେତ୍ର ପରିଦର୍ଶନ କରିଛନ୍ତି। ଜଳସେଚନ ବିଭାଗ ମୁଖ୍ୟଯନ୍ତ୍ରୀ, ଡିଜାଇନର ଡାଇରେକ୍ଟର ଓ ଅତିରିକ୍ତ ଡାଇରେକ୍ଟ ସମେତ ୪ଜଣିଆ ଟିମ ବ୍ୟାରେଜର ଆକ୍ସିସ ପଏଣ୍ଟ ସ୍ଥଳକୁ ଆସି ବୁଲି ଦେଖିଛନ୍ତି। ଏହି ଟିମ ଉଭୟ ନଦୀର ଆକ୍ସି ପଏଣ୍ଟକୁ ଗସ୍ତ କରି କ୍ଷେତ୍ରସ୍ଥଳକୁ ଅନୁଧ୍ୟାନ କରିଥିଲେ।
ବାଲିଅନ୍ତା ଜଳସେଚନ ଉପଖଣ୍ଡର ସହକାରୀ ଯନ୍ତ୍ରୀ ଭୀମସେନ ବେହେରା ସମସ୍ତ ଡାଟା ଓ ବ୍ୟାରେଜ ମ୍ୟାପକୁ ଡିଜାଇନ ଟିମ୍ର ସଦସ୍ୟମାନଙ୍କୁ ଦେଖାଇବା ସହ ଲାଇନ ପଏଣ୍ଟକୁ ନେଇ ଏ ସମ୍ପର୍କରେ ବୁଝାଇଥିଲେ। ଏହି ସମୟରେ ସହକାରୀ ଯନ୍ତ୍ରୀ ସିଦ୍ଧାନ୍ତ ଷଡ଼ଙ୍ଗୀ ଓ ଅନ୍ୟ ଅଧିକାରୀମାନେ ଉପସ୍ଥିତ ଥିଲେ।
