ମଧୁରଜଳ ପାଇଁ ଚାହିଁଛନ୍ତି ୬ ପଞ୍ଚାୟତ ଚାଷୀ

ମହାକାଳପଡ଼ା,୩/୬(ପ୍ରତାପ ଚନ୍ଦ୍ର ସ୍ବାଇଁ):ଚାଷୀ ଓ ଚାଷର ବିକାଶ ପାଇଁ କେନ୍ଦ୍ର, ରାଜ୍ୟ ସରକାର ଚିନ୍ତା କରୁଛନ୍ତି। ଚାଷଜମିରେ ଜଳସେଚନର ପ୍ରମୁଖ ଭୂମିକା ରହିଛି। ହେଲେ ଜଳସେଚନ ପରି ମୌଳିକ ସୁବିଧା ସୁଯୋଗ ନ ଥିବାରୁ ଚାଷ କାମ ଆଗେଇ ପାରୁନାହିଁ ବୋଲି ଚାଷୀମାନେ କହିଛନ୍ତି। କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍‌ର ୬ ପଞ୍ଚାୟତର ମଙ୍ଗଳପୁର, ବରକନ୍ଧା, ପେଟଛେଲା, ରାମନଗର, ବଉଳକଣି ଓ ବାରଡାଙ୍ଗ ଚାଷୀମାନଙ୍କ ୩ ହଜାର ହେକ୍ଟର ଚାଷଜମିରେ ଜଳସେଚନ ସୁବିଧା ପାଇଁ ମହାନଦୀ ଶାଖା ଗୁପ୍ତଗିରି ନଦୀରେ ଆଖଡ଼ାସାହିଠାରେ ତତ୍କାଳୀନ ବିଜୁ ପଟ୍ଟନାୟକଙ୍କ ସରକାର ୧୯୯୫-୯୬ ମସିହାରେ ୫୫ ଲକ୍ଷ ଟଙ୍କା ବ୍ୟୟରେ ସ୍କୁଇସ କ୍ରିକ୍‌ ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା। ହେଲେ ୨୦୦୧-୦୨ରେ ପ୍ରକଳ୍ପଟି ଭୁଶୁଡ଼ି ପଡ଼ିଥିଲା। କାରଣ ଉପଯୁକ୍ତ ଜ୍ଞାନକୌଶଳ, ବୈଷୟିକ ତ୍ରୁଟି ଓ ଅଧିକ ଗଭୀର ପଙ୍କୁଆ ସ୍ଥାନ ଯୋଗୁ ପ୍ରକଳ୍ପଟି ଭୁଶୁଡି ପଡ଼ିଥିବା କୁହାଯାଉଛି। ପରବର୍ତ୍ତୀ ସମୟରେ ଅଞ୍ଚଳର ଚାଷୀଙ୍କ ଦୁଃଖ ଦେଖି ଭୁଶୁଡ଼ି ପଡ଼ିଥିବା କ୍ରିକ୍‌ଠାରୁ ୨ ଶହ ମିଟର ଦୂର ମଧ୍ୟରେ ଜଳସେଚନ ବିଭାଗ (ନଦୀ ତଟବନ୍ଧ ବିଭାଗ) ପକ୍ଷରୁ ୨୦୧୩ ମେରେ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ୭ କୋଟି ଟଙ୍କା ବ୍ୟୟ ଅଟକଳରେ ମହାନଦୀ ସଂଲଗ୍ନ ପିତାପାଟଠାରେ ଏହି ସ୍କୁଇସ୍‌ କ୍ରିକର ଶିଳାନ୍ୟାସ କରିଥିଲେ। ତେବେ ପ୍ରକଳ୍ପଟି ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ ୨୦୧୮-୧୯ରେ ସରିଥିଲା। ହେଲେ ପ୍ରକଳ୍ପ ଉଭୟପାର୍ଶ୍ୱରେ ଘରୋଇ ଜମି ଥିବାରୁ ଅଧିଗ୍ରହଣ କରାଯାଉ ନ ଥିବା ଜଳସେଚନ ହେବାରେ ବାଧକ ସାଜିଛି। ଅପରପକ୍ଷରେ ଭୁଶୁଡ଼ି ଥିବା କ୍ରିକ୍‌ ଦେଇ ମହାନଦୀରୁ ଖରାଦିନେ ଲୁଣି ଜଳ ପ୍ରବେଶ କରି ୬ଟି ପଞ୍ଚାୟତର ୩ ହଜାର ହେକ୍ଟର ଜମିରେ ଖରାଦିନେ ଖରିଫ୍‌ ଋତୁରେ ଚାଷ ଜମିରେ ପ୍ରବେଶ କରି ସାବିନି, କିଆବାରିଆ, ବାଛୁରିଆ, ମଧୁବନ, ଚଣ୍ଡିଗୋଜ, ମହୁଲା, ବାରାଖିଆ, ଚଡ଼କମରା, ଶଙ୍ଖ ଗୋଜ, ପୋଖରିଆ ଗୋଜ ଆଦି ଚାଷ ଜମି ଭେଡ଼ା ଅଞ୍ଚଳରେ ପ୍ରଭାବିତ ହେଉଛି ବୋଲି କୁହାଯାଉଛି। ଏହି ସମସ୍ୟା ଦୀର୍ଘବର୍ଷ ପୂର୍ବରୁ କିପରି ସମାଧାନ ହେବ ସେଥିପାଇଁ ରାଜ୍ୟ ଭାଜପା ସରକାର ସ୍ବତନ୍ତ୍ର ଦୃଷ୍ଟିଦେବା ପାଇଁ ସ୍ଥାନୀୟ ବୁଦ୍ଧିଜୀବୀ, ସାମାଜିକ କର୍ମୀ, ଚାଷୀ ସଙ୍ଗଠନ କର୍ମକର୍ତ୍ତା ପ୍ରମୁଖ ନିବେଦନ କରିଛନ୍ତି।
ଏ ସମ୍ପର୍କରେ ୨୦୨୪ ବିଧାନସଭା ମୌସୁମୀ ଅଧିବେଶନରେ ସ୍ଥାନୀୟ ବିଧାୟକ ଡ. ଦୁର୍ଗାପ୍ରସନ୍ନ ନାୟକ ବାଚସ୍ପତି ଓ ବିଭାଗୀୟ ମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଥିଲେ। ଜିଲା ପ୍ରଶାସନର ଆନ୍ତରିକତା ଅଭାବ ଯୋଗୁ ଅଦ୍ୟାବଧି ଜମି ଅଧିଗ୍ରହଣ କରାଯାଉ ନ ଥିବାରୁ ପ୍ରକଳ୍ପର ଭବିଷ୍ୟତ ଅନିଶ୍ଚିତତା ମଧ୍ୟକୁ ଠେଲି ହୋଇଯାଉଛି। ଏହି ପ୍ରକଳ୍ପଟି କାର୍ଯ୍ୟକାରୀ ହେଲେ ବ୍ୟାପକ ଅଞ୍ଚଳରେ ବର୍ଷସାରା ମଧୁରଜଳ ଜଳସେଚନରେ ବିଭିନ୍ନ ଚାଷ ତଥା ଖରିଫ୍‌, ପନିପରିବା ଫସଲ ଉତ୍ପାଦନ ହେବ ବୋଲି ହରେକୃଷ୍ଣ ଗୋଚ୍ଛାୟତ, ଶିଶିର ରାଉତ, ବୀରବର ସ୍ବାଇଁ, ଲକ୍ଷ୍ମୀକାନ୍ତ ସ୍ବାଇଁ, ସଦାଶିବ ରାଉତ ଓ ନାଥ ଭୋଳ ପ୍ରମୁଖ କହିଛନ୍ତି। ଅପରପକ୍ଷରେ ଏହି ଅଞ୍ଚଳର ଚାଷ ଜମିର ଉଦ୍‌ବୃତ୍ତ ବର୍ଷା ଓ ବନ୍ୟା ଜଳ ଗୁପ୍ତଗିରି ଶାଖା ନଦୀ ଦେଇ ମହାନଦୀକୁ ଜଳ ପ୍ରବେଶ ଓ ନିଷ୍କାସନ ହୋଇଥାଏ। ପ୍ରକଳ୍ପ କାର୍ଯ୍ୟ ୬ରୁ୭ ବର୍ଷ ହେଲା ସମ୍ପୂର୍ଣ ହେଇଥିଲେ ମଧ୍ୟ କ୍ରିକ୍‌ ଲୁହା ପ୍ଲେଟ କଳଙ୍କି ଲାଗିଲାଣି। ୨୦୦୨ରେ ଭୁଶୁଡି ପଡିଥିବା ଭଗ୍ନ ସ୍ଲୁଇସ କ୍ରିକ୍‌ ଦେଇ ମହାନଦୀର ଲୁଣା ପାଣି ଶତାଧିକ ହେକ୍ଟର ଜମିରେ ପ୍ରବେଶ କରୁଛି। ଫଳରେ ଖରିଫ ଋତୁରେ ଚାଷ ଜମି ନଷ୍ଟ ହେଉଛି। ଚାଷୀ ମୂଲିଆ କୃଷକ ସଂଘ ଜିଲାସ୍ତରୀୟ ନେତା ଅକ୍ରୂର ପଲେଇ କହିଛନ୍ତି, ଏହି ପ୍ରକଳ୍ପଟି ଆମ ଅଞ୍ଚଳର ଚାଷୀ ଓ ଚାଷର ଜୀବନ ରେଖା ସହିତ ଭାତହାଣ୍ଡି। ପ୍ରକଳ୍ପଟି କାର୍ଯ୍ୟକାରୀ ହେଲେ ମଧୁର ଜଳରେ ବର୍ଷ ସାରା ବିଭିନ୍ନ ଫସଲ ଉତ୍ପାଦନ ହେବା ସହ ଚାଷୀଙ୍କ ଦୁଃଖ ରହିବ ନାହିଁ। ଏ ସଂକ୍ରାନ୍ତରେ ଆଳିସ୍ଥିତ ନଦୀ ତଟବନ୍ଧ ବିଭଗ ଅଧୀକ୍ଷଣ ଯନ୍ତ୍ରୀ ସନ୍ଦୀପ ସାହୁଙ୍କୁ ପଚାରିବାରେ ଉକ୍ତ ପ୍ରକଳ୍ପଟିର ଜମି ଅଧିଗ୍ରହଣ ଶେଷ ପର୍ଯ୍ୟାୟରେ ପହଞ୍ଚତ୍ଛି। ଖୁବ୍‌ଶୀଘ୍ର ସମସ୍ୟା ସମାଧାନ ହେବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି: ପ୍ରଥମ ମ୍ୟାଚ୍‌ରେ ମାଲେସିଆକୁ ଭେଟିବ ଭାରତ

ଭୋପାଳ,୧୮।୧୧: ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି ଟୁର୍ନାମେଣ୍ଟ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। ଚଳିତ ସିଜନରେ ଚମତ୍କାର ଫର୍ମରେ ଥିବା ଭାରତୀୟ ଦଳ ଟୁର୍ନାମେଣ୍ଟ ଜିତିବା…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

ହକି ଇଣ୍ଡିଆ ନିର୍ବାଚନ ସ୍ଥଗିତ: ଅନ୍ତରୀଣ ରହିତାଦେଶ ହଟାଇବାକୁ ହୋଇଥିବା ଆବେଦନ ଖାରଜ କଲେ ହାଇକୋର୍ଟ

କଟକ,୧୮।୧୧: ହକି ଇଣ୍ଡିଆ ନିର୍ବାଚନ ପ୍ରକ୍ରିୟାକୁ ସ୍ଥଗିତ ରଖିଛନ୍ତି ମାନ୍ୟବର ଓଡ଼ିଶା ହାଇକୋର୍ଟ । ନିର୍ବାଚନ ଉପରେ ପୂର୍ବରୁ ଲାଗିଥିବା ଅନ୍ତରୀଣ ରହିତାଦେଶକୁ ପ୍ରତ୍ୟାହାର କରିବା ପାଇଁ…

ସାନ ନଦୀରେ ବଢ଼ିଛି ଜଳସ୍ତର, ଗାଧୋଇବାକୁ ଯାଇ ନିଖୋଜ ସନ୍ତୋଷ

ଗୁଡାରି,୧୮।୧୧(ପ୍ରମୋଦ କୁମାର ପତି): ଗୁଡାରି ବ୍ଲକ ଅନ୍ତର୍ଗତ ଏମ କେ ରାଇ ଗ୍ରାମପଂଚାୟତର ମେରିଆପାଙ୍ଗା ଗ୍ରାମରେ ଅଭାବନୀୟ ଘଟଣା ଘଟିଯାଇଛି । ସନ୍ତୋଷ ପାଲକା (୩୯) ଗ୍ରାମ…

ମାଡ଼ି ଆସୁଛି ବାତ୍ୟା: ହାଇ ଆଲର୍ଟରେ ରାଜ୍ୟ ପ୍ରଶାସନ,୨୪ ଘଣ୍ଟିଆ ଡ୍ୟୁଟିରେ ୧୦ ବରିଷ୍ଠ IAS ଅଧିକାରୀ

ଭୁବନେଶ୍ୱର,୧୮ା୧୧: ସମ୍ଭାବ୍ୟ ବାତ୍ୟା ‘ଅକ୍ୱାନ’ର ସଫଳ ମୁକାବିଲା ତଥା ଜରୁରୀକାଳୀନ ପରିସ୍ଥିତିକୁ ଦୃଷ୍ଟିରେ ରଖି ରାଜ୍ୟ ସରକାରଙ୍କ ପକ୍ଷରୁ ତ୍ୱରିତ ପଦକ୍ଷେପ ଗ୍ରହଣ କରାଯାଇଛି । ପରିସ୍ଥିତି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?