ମୁମ୍ବାଇ: ନିଜର ବୋଲ୍ଡ ଅନ୍ଦାଜକୁ ନେଇ ସବୁବେଳେ ଚର୍ଚ୍ଚାରେ ଥାଆନ୍ତି ବଲିଉଡ୍ ନାୟିକା ଦିଶା ପାଟନି । ନିକଟରେ ତାଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଦର୍ଶକେ କିନ୍ତୁ ତାଙ୍କୁ ନାପସନ୍ଦ କରିଛନ୍ତି । ୨୬ ନଭେମ୍ବରରେ ରିଲିଜ ହୋଇଛି ଆୟୁଷ ଶର୍ମା ଓ ସଲମାନ ଖାଁଙ୍କ ଅଭିନୀତ ଫିଲ୍ମ ‘ଅନ୍ତିମ: ଦ ଫାଇନାଲ ଟ୍ରୁଥ‘ । ଏହି ଫିଲ୍ମର ସ୍କ୍ରିନିଂ ସମୟରେ ବହୁ କଳାକାର ଏକାଠି ହୋଇଥିବା ବେଳେ ସଲମାନଙ୍କ ଅଭିନୀତ ‘ରାଧେ’ ଫିଲ୍ମର ସହ କଳାକାର ଦିଶା ପାଟନି ବି ପହଞ୍ଚିଥିଲେ । ସେଠାକୁ ସେ ୟୋଲୋ କଲର ଟପ୍ ସାଙ୍ଗକୁ ଲାଇଟ ବ୍ଲୁ କଲର ଜିନ୍ସ ପିନ୍ଧି ପହଞ୍ଚିଥିଲେ । ଏହି ସମୟରେ ସେ ଫଟୋଗ୍ରାଫରଙ୍କୁ ପୋଜ୍ ଦେଇଥିଲେ । ଏବେ ଏହାର କିଛି ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ହେଲେ ଏଥିରେ ଦିଶାଙ୍କ ଲୁକ୍ସ ଦର୍ଶକଙ୍କୁ ଆଦୌ ପସନ୍ଦ ହୋଇନାହିଁ । ଏଥର ଦିଶା ପ୍ଲାଷ୍ଟିକ ସର୍ଜରୀ କରି ତାଙ୍କ ନାକକୁ ଆଉଟିକେ ମୋଟା ଓ ଲମ୍ବା କରିଛନ୍ତି ବୋଲି ଆଲୋଚନା ହେଉଛି । ଯାହ ଫଳରେ ସେ ଟିକେ ଭିନ୍ନ ଦେଖାଯାଉଛନ୍ତି । କେହି କେହି ୟୁଜର୍ସ ତାଙ୍କୁ ଏହି ଲୁକରେ ଜିରାଫ ଭଳି ଦେଖାଯାଉଛନ୍ତି ବୋଲି କହି ଟ୍ରୋଲ କରିଛନ୍ତି ।
