ଭୁବନେଶ୍ୱର,୨୩ା୧୧(ସ୍ପୋର୍ଟ୍ସ ବ୍ୟୁରୋ)-ଓଡ଼ିଶାର ବିଶିଷ୍ଟ କ୍ୟୁ ସ୍ପୋର୍ଟ୍ସଖେଳାଳି ଏହସାନ ଉଲ୍ ହକ୍ଙ୍କର ରବିବାର ପରଲୋକ ହୋଇଯାଇଛି। ତାଙ୍କୁ ୫୫ବର୍ଷ ବୟସ ହୋଇଥିଲା। ସେ ଗତ କିଛିଦିନ ହେଲା ଅସୁସ୍ଥ ଥିଲେ ଏବଂ ସ୍ଥାନୀୟ ଏକ ହସ୍ପିଟାଲରେ ଚିକିତ୍ସିତ ହେଉଥିଲେ। ସେ ହକ୍ ଭାଇ ନାମରେ ପରିଚିତ ଥିଲେ। ସେ ଓଡ଼ିଶାର ପ୍ରଥମ କ୍ୟୁଇଷ୍ଟ ଥିଲେ ଯିଏକି ଜଣେ ଟପ୍ କ୍ୟୁଇଷ୍ଟ ଭାବେ ଫୁଲ୍ ଟାଇମ୍ କ୍ୟାରିୟର କରି ଉଦାହରଣ ସୃଷ୍ଟି କରିଥିଲେ। ସେ ଓଡ଼ିଶାରେ ଅନେକ ଖେଳାଳି ସୃଷ୍ଟି କରିଛନ୍ତି। ହକ୍ଙ୍କ ଜନ୍ମସ୍ଥାନ ଯଦିଓ ପଶ୍ଚିମବଙ୍ଗରେ ସେ ଭୁବନେଶ୍ୱରରେ ବାସ କରିଆସୁଥିଲେ। ପୂର୍ବତନ ଜାତୀୟ ଟପ୍ ୧୬ ଖେଳାଳି ୯ଥର ରାଜ୍ୟ ସ୍ନୁକର ଏବଂ୧୦ଥର ରାଜ୍ୟ ବିଲିୟାଡର୍ସ ଚାମ୍ପିୟନ ହୋଇଥିଲେ। ହକ୍ଙ୍କୁ ନାଲ୍କୋ ଓଡ଼ିଶାରେ ଫୁଲ୍ ଟାଇମ୍ ପେରୋଲ୍ କ୍ୟାରିୟର ସୁଯୋଗ ମିଳିଥିଲା। ହକ୍ଙ୍କ ବିୟୋଗରେ ଗୋବିନ୍ଦ ଶର୍ମାଙ୍କ ସମେତ ଓଡ଼ିଶା କ୍ୟୁ ସ୍ପୋର୍ଟ୍ସ ସମୁଦାୟ ଏବଂ ବିଲିୟାଡର୍ସ ଓ ଓଡ଼ିଶା ସ୍ନୁକର ଆସୋସିଏଶନ ପକ୍ଷରୁ ଗଭୀର ଶୋକ ପ୍ରକାଶ କରାଯାଇଛି। ତାଙ୍କ ଅନ୍ତ୍ୟେଷ୍ଟିକ୍ରିୟା ପଶ୍ଚିମବଙ୍ଗସ୍ଥିତ ତାଙ୍କ ଜନ୍ମସ୍ଥାନରେ ସମ୍ପନ୍ନ ହୋଇଛି।
