Posted inଫୁରସତ

ଦାମୀ ଖଟ

ଖଟ ବା ବେଡ୍‌ ଉପରେ ଟିକେ ଶୋଇପଡ଼ିଲେ ଶରୀରକୁ ବେଶ୍‌ ଆରାମ ଲାଗିଥାଏ। ହେଲେ ଏମିତି ବି କିଛି ଖଟ ଅଛି, ଯାହାକୁ ଅତ୍ୟାଧୁନିକ ଟେକ୍ନୋଲୋଜି ଦ୍ୱାରା ଏପରି ତିଆରି କରାଯାଇଛି, ଯେଉଁଥିରେ ଶୋଇଲେ ଆରାମ ମିଳିବା ସହ ତପାହାନ୍ତାରେ ବହୁତ କିଛି ସୁବିଧା ପାଇହେବ। ସେଥିପାଇଁ ଏହି ଖଟଗୁଡ଼ିକର ଦାମ୍‌ ସାଧାରଣ ଖଟ ତୁଳନାରେ ଢେର୍‌ ଅଧିକ ହୋଇଥାଏ।
ସେମିତି କେତୋଟି ଦାମୀ ଖଟ ସମ୍ପର୍କରେ…

* ସ୍ଫେୟର୍‌ ବେଡ୍‌: କରିମ୍‌ ରସିଦ୍‌ଙ୍କ ଦ୍ୱାରା ଡିଜାଇନ୍‌ କରାଯାଇଥିବା ଏହି ଖଟରେ ୩୨ ଇଞ୍ଚର ଏକ ଏଲ୍‌ସିଡି ଟିଭି ଲାଗିଥିବା ସହ ମୁହଁ ଦେଖିବା ପାଇଁ ଏକ ଆକର୍ଷଣୀୟ ଦର୍ପଣ, ଖଟକୁ ଆଲୋକିତ କରିବା ପାଇଁ ଏକାଧିକ ଏଲ୍‌ଇଡି ଲାଇଟ୍ସ, କୋଲ୍ଡଡ୍ରିଙ୍କ୍ସ କିମ୍ବା ସାମ୍ପେନ୍‌ ରଖିବା ପାଇଁ ଏକ ହୋଲ୍ଡର ତଥା ସାଉଣ୍ଡ ସିଷ୍ଟମ୍‌ ଆଦିର ସୁବିଧା ରହିଛି। ତା’ସହିତ ଶରୀରର ଥକ୍କାପଣକୁ ଦୂର କରିବା ପାଇଁ ଏହି ଖଟରେ ରହିଥିବା ଗଦିରେ ଏକ ସ୍ବତନ୍ତ୍ର ଧରଣର ମସାଜ୍‌ ୟୁନିଟ୍‌ ମଧ୍ୟ ଲଗାଯାଇଛି। ଏଥିସହିତ ପ୍ରେମୀଯୁଗଳ ବା ନବଦମ୍ପତିଙ୍କ ଜୀବନରେ ପ୍ରେମର ଗୋଲାପୀ ରଙ୍ଗ ଭରିଦେବା ପାଇଁ ଏହି ଖଟକୁ ସମ୍ପୂର୍ଣ୍ଣ ନାଲି ରଙ୍ଗରେ ଡିଜାଇନ୍‌ କରାଯାଇଛି; ସେଥିପାଇଁ ଏହାର ଦାମ୍‌ ପ୍ରାୟ ୫୦ ହଜାର ଡଲାର୍‌ ରଖାଯାଇଛି।

*ଦ ଷ୍ଟାରି ନାଇଟ୍‌ ସ୍ଲିପ୍‌ ଟେକ୍ନୋଲୋଜି ବେଡ୍‌: ଅତ୍ୟାଧୁନିକ ଜ୍ଞାନକୌଶଳ ଦ୍ୱାରା ପ୍ରସ୍ତୁତ ଏହି ବେଡ୍‌ ବା ଖଟରେ ସ୍ବତନ୍ତ୍ର ଆଣ୍ଟି ସ୍ନୋର୍‌ ଟେକ୍ନୋଲୋଜିର ବ୍ୟବହୃତ କରାଯାଇଛି; ଯଦ୍ଦ୍ବାରା ଘୁଙ୍ଗୁଡ଼ି ମାରୁଥିବା ଲୋକ ଏହି ଖଟରେ ଶୋଇଲେ ଆପେ ଆପେ ତାଙ୍କର ଘୁଙ୍ଗୁଡ଼ି ମାରିବାର ଅଭ୍ୟାସ କମିଯିବ। ତା’ଛଡ଼ା ଏହି ଖଟରେ ଆଇପଡ୍‌ ସ୍ଲଟ୍‌, ଇଣ୍ଟରନେଟ୍‌ କନେକ୍‌ସନ୍‌, କମ୍ଫର୍ଟ ସେଟିଙ୍ଗ୍‌ ତଥା ଘରର ତାପମାତ୍ରାକୁ ନିୟନ୍ତ୍ରଣରେ ରଖିବାରେ ସ୍ବତନ୍ତ୍ର ଫିଚର୍ସ ଇତ୍ୟାଦି ମଧ୍ୟ ଉପଲବ୍ଧ ରହିଛି। ସେହିପରି ଉକ୍ତ ଖଟରେ ଏକ ଭିଡିଓ ପ୍ରୋଜେକ୍ଟର ବି ଲାଗିଛି, ଯାହାକୁ ଚାଲୁ କରିବା ମାତ୍ରେ ଘରର ସିଲିଂରେ ନୀଳ ଆକାଶର ପ୍ରତିବିମ୍ବ ଦେଖାଯିବ, ଯେଉଁଥିରେ ସୁନେଲି ରଙ୍ଗର ତାରାଗୁଡ଼ିକ ଝଲସୁଥିବେ। ଥରେ ଭାବିଲେ କେମିତି ଥିବ ଉକ୍ତ ଦୃଶ୍ୟଟି! ନିହାତି ମନଲୋଭା ହୋଇଥିବ ନା! ସେଥିପାଇଁ ତ ଏହି ଖଟର ଦାମ୍‌ ବି ରହିଛି ପ୍ରାୟ ୫୦ ହଜାର ଡଲାର।

*କୋସ୍ମୋଭୋଏଡ୍‌ ବେଡ୍‌: ଅଣ୍ଡାକୃତି ଆକାରର ଦେଖାଯାଉଥିବା ଏହି ଖଟଟିର ଡିଜାଇନ୍‌ ଉତ୍ତର ଫ୍ରାନ୍ସରେ ହୋଇଛି। ଖଟଟିକୁ ଆଲୋକିତ କରିବା ପାଇଁ ଏହାର ଉପରପାର୍ଶ୍ୱରେ କେତେଗୁଡିଏ ଏଲ୍‌ଇଡି ଲାଇଟ୍‌ ବି ଲାଗିଛି। ତା’ସହିତ ଉକ୍ତ ଖଟରେ ହୋମ୍‌ ଥିଏଟର୍‌ ସିଷ୍ଟମ୍‌, ଡିଭିଡି ପ୍ଲେୟର୍‌, ଟିଭି ସେଟ୍‌ ତଥା ଟେଲିଫୋନ୍‌ର ସୁବିଧା ମଧ୍ୟ ଉପଲବ୍ଧ ରହିଛି। ଶରୀରକୁ ଆରାମ ପ୍ରଦାନ କରିବା ପାଇଁ କମ୍ଫଟେବଲ୍‌ ମଖମଲିଆ ଗଦି ମଧ୍ୟ ଏଥିରେ ବ୍ୟବହୃତ ହୋଇଛି। ତେଣୁ ଏହି ଖଟଟିର ଦାମ୍‌ ପ୍ରାୟ ୬୦ ହଜାର ଡଲାର୍‌ ରହିଛି।

*କ୍ୱାଣ୍ଟମ୍‌ ସ୍ଲିପର୍‌ ବେଡ୍‌: ଏହି ଖଟଟି ଦେଖିବାକୁ ଏକ ବଡ଼ ବକ୍ସ ପରି, ଯାହା ମଧ୍ୟରେ ଗୋଟିଏ ମଖମଲିଆ ଗଦି ପଡ଼ିଥିବା ସହ ଅନେକ ଅତ୍ୟାଧୁନିକ ସୁବିଧା ଉପଲବ୍ଧ ରହିଥିବାର ଦେଖିବାକୁ ମିଳିଥାଏ। ଯେମିତିକି ରେଫ୍ରିଜରେଟର୍‌, ମାଇକ୍ରୋଓ୍ବେଭ୍‌, ଟିଭି, ବ୍ୟାକ୍‌ଅପ୍‌ ପାଓ୍ବାର୍‌, ଏମର୍‌ଜେନ୍ସି କମ୍ୟୁନିକେଶନ୍‌ ସିଷ୍ଟମ୍‌, ଭେଣ୍ଟିଲେଶନ୍‌ ସିଷ୍ଟମ୍‌, ମୋସନ୍‌ ସେନ୍ସର୍‌ ତଥା ଶୌଚାଳୟର ବ୍ୟବସ୍ଥା ବି ରହିଛି। ସେହିପରି ଏହି ଖଟଟିରେ ବୁଲେଟ୍‌ ପ୍ରୁଫ୍‌ର ସୁବିଧା ମଧ୍ୟ ଉପଲବ୍ଧ ଅଛି, ତେଣୁ ଏହାର ଦାମ୍‌ ପ୍ରାୟ ୧ ଲକ୍ଷ ୬୦ ହଜାର ଡଲାର୍‌ ରଖାଯାଇଛି।

*ମ୍ୟାଗ୍‌ନେଟିକ୍‌ ଫ୍ଲୋଟିଂ ବେଡ୍‌: ଏହି ଖଟଟିକୁ ଦେଖିଲେ ଲାଗିବ ସତେ ଯେମିତି ଏହା ଶୂନ୍ୟରେ ଝୁଲିଛି। କିନ୍ତୁ ପ୍ରକୃତରେ ସେୟା ନୁହେଁ, ଉକ୍ତ ଖଟଟିର ଚାରିପଟେ ପାଓ୍ବାରଫୁଲ୍‌ ମ୍ୟାଗ୍‌ନେଟ୍‌ ରହିଛି। ଆଉ ସେହି ମ୍ୟାଗ୍‌ନେଟ୍‌ ସହ ସରୁର ଚାରୋଟି ଲୁହା ତାରକୁ ସଂଯୋଗ କରାଯାଇଥିବାରୁ ଖଟଟି ଶୂନ୍ୟରେ ଆରାମରେ ଝୁଲି ରହିପାରୁଛି। କିନ୍ତୁ ହଠାତ୍‌ ଯିଏ ଦେଖିବ ସିଏ ଭାବିବ ଯେ, କାଳେ ଏହି ଖଟ ଉପରେ ଶୋଇପଡ଼ିଲେ ଖଟଟି ହୁଏତ୍‌ ଛିଡିକି ତଳେ ପଡ଼ିଯିବ! ହେଲେ ଜାଣିଲେ ଆଶ୍ଚର୍ଯ୍ୟ ହେବେ ଏଥିରେ ଲାଗିଥିବା ପାଓ୍ବାର୍‌ଫୁଲ୍‌ ମ୍ୟାଗ୍‌ନେଟ୍‌ ଯୋଗୁ ଏହି ଖଟଟି ପ୍ରାୟ ୯ ଶହ କି.ଗ୍ରା.ର ଓଜନକୁ ସମ୍ଭାଳିବାରେ ସକ୍ଷମ ହୋଇପାରିବ। ସେଥିପାଇଁ ଏହି ଖଟର ଦାମ୍‌ ପ୍ରାୟ ୧.୬ ମିଲିୟନ୍‌ ଡଲାର୍‌ ରଖାଯାଇଛି।

*ବଲ୍ଡାଚିନୋ ସୁପ୍ରିମ୍‌ ବେଡ୍‌: ଷ୍ଟୁଆର୍ଟ ହୁଘେସ୍‌ଙ୍କ ଦ୍ୱାରା ଡିଜାଇନ୍‌ ହୋଇଥିବା ଏହି ଆଲିଶାନ୍‌ ଖଟକୁ ଆକର୍ଷଣୀୟ ଭାବେ ସଜାଇବାକୁ ଏଥିରେ ପ୍ରାୟ ୯୦ କି.ଗ୍ରା. ଓଜନର ୨୪ କ୍ୟାରେଟ୍‌ ସୁନାର ବ୍ୟବହୃତ ହୋଇଛି। ଏଥିସହିତ ଏହି ଖଟର ଫ୍ରେମ୍‌ଗୁଡ଼ିକୁ ଆସ୍‌, ଚେରି ଭଳି ଦାମୀ କାଠରେ ତିଆରି କରାଯାଇଥିବାରୁ ଏହାର ଦାମ୍‌ ପ୍ରାୟ ୬.୩ ମିଲିୟନ୍‌ ଡଲାର ରଖାଯାଇଛି।


Enter your email to get our daily news in your inbox.

All Right Reserved By Dharitri.Com

ବିବାହ କଲେ ବିଲ୍‌ ଗେଟ୍‌ସଙ୍କ ଝିଅ

ଲଣ୍ଡନ,୧୯।୧୦: ବିଲ୍‌ ଗେଟ୍‌ସଙ୍କ ଝିଅ ଜେନିଫର୍‌ ଗେଟ୍‌ସ ବିବାହ କରିଛନ୍ତି। ଶନିବାର ସେ ତାଙ୍କର ପୁରୁଷ ବନ୍ଧୁ ନାଏଲ ନାସାରଙ୍କ ସହ ବିବାହ ବନ୍ଧନରେ ବାନ୍ଧି...

ଶାନ୍ତିଦୂତ ମଣ୍ଡେଲା

ନେଲ୍‌ସନ ମଣ୍ଡେଲା ଅନ୍ତର୍ଜାତୀୟ ଦିବସ ଅର୍ଥାତ୍‌ ମଣ୍ଡେଲା ଦିବସ ହେଉଛି ନେଲ୍‌ସନ ମଣ୍ଡେଲାଙ୍କ ସମ୍ମାନାର୍ଥେ ବାର୍ଷିକ ଅନ୍ତର୍ଜାତୀୟ ଦିନ, ଯାହା ପ୍ରତିବର୍ଷ ୧୮ ଜୁଲାଇ, ଶାନ୍ତିଦୂତ...

ଗଙ୍ଗାଜଳ ବ୍ୟବହାର କରୁଥିବା ୯୦ ପ୍ରତିଶତଙ୍କୁ ହୋଇନି କରୋନା ସଂକ୍ରମଣ: ଆମେରିକା ପତ୍ରିକା

ନୂଆଦିଲ୍ଲୀ, ୨୧।୯: ଗଙ୍ଗାଜଳ ବ୍ୟବହାର କରୁଥିବା ୯୦ ପ୍ରତିଶତ ଲୋକଙ୍କୁ କରୋନା ସଂକ୍ରମଣ ହୋଇନି। ଏନେଇ ଆମେରିକା ବିଜ୍ଞାନ ପତ୍ରିକା ଇଣ୍ଟରନ୍ୟାଶନାଲ ଜର୍ନାଲ ଅଫ୍‌ ମାଇକ୍ରୋବାୟୋଲୋଜିରେ...

ନାଗୁଣୀକୁ ବଞ୍ଚାଇବାକୁ ଯାଇ ଜୀବନ ହାରିଲା ନାଗ, ଚର୍ଚ୍ଚାରେ ଅନନ୍ୟ ପ୍ରେମକାହାଣୀ

ମଣିଷର ପ୍ରେମକାହାଣୀ ବିଷୟରେ ଆପଣ ଶୁଣିଥିବେ, ହେଲେ ବିହାରର ଗୋପାଳଗଞ୍ଜ ଜିଲାର ଭୋରେ ବ୍ଲକ ଅଞ୍ଚଳରେ ନାଗ-ନାଗୁଣୀଙ୍କ ପ୍ରେମକାହାଣୀ ଚର୍ଚ୍ଚାର ବିଷୟ ପାଲଟିଛି। ଜିଲାର ଭୋପାଟପୁରା...

୨୫ ହଜାର ଟଙ୍କା ସହ ସୁନା ଗହଣା ନେଇଗଲେ ମାଙ୍କଡ଼ ପଲ

ଚେନ୍ନାଇ, ୧୯।୮: ତାମିଲନାଡ଼ୁରୁ ଏକ ନିଆରା ମାମଲା ସାମ୍ନାକୁ ଆସିଛି। ଯେଉଁଠାରେ ଏକ ମାଙ୍କଡ଼ ପଲ ଜଣେ ୭୦ ବର୍ଷୀୟା ବୃଦ୍ଧାଙ୍କ ଘରେ ପଶି ନଗଦ...

ମଡେଲ ଜାଆଁଳା ଭଉଣୀ

୨୦୧୦ରେ ଜ୍ୟାକି ଓ ତାଙ୍କ ସ୍ବାମୀ କେଭିନ କ୍ଲିମେଣ୍ଟସ୍‌ ଜାଆଁଳା ଝିଅର ମାତାପିତା ହେଲେ। ଦୁଇ ଝିଅ ବହୁତ ସୁନ୍ଦର ଥିଲେ। ବଡ଼ ହେବା ସହ...

ସ୍ମୃତିରେ ୨୦୧୯: ଅନନ୍ୟା

ଶେଷପାଦରେ ଉପନୀତ ୨୦୧୯। ଚଳିତବର୍ଷ ଚର୍ଚ୍ଚାର ପରିସରକୁ ଆସିଥିବା ଏବଂ ବିଭିନ୍ନ କ୍ଷେତ୍ରରେ ନିଜକୁ ଅନନ୍ୟ ପ୍ରମାଣିତ କରିଥିବା ପ୍ରମୁଖ ମହିଳାଙ୍କ ସମ୍ପର୍କରେ… ଚର୍ଚ୍ଚାରେ ଅନୁପ୍ରିୟା:...

ବ୍ୟକ୍ତିତ୍ୱ: ହଣ୍ଟର ଏସ୍‌. ଥମ୍ପସନ୍‌

ହଣ୍ଟର ଏସ୍‌. ଥମ୍ପସନ୍‌! ମାର୍କିନ୍‌ ସାହିତ୍ୟ ତଥା ସାମ୍ବାଦିକତା ଜଗତରେ ଜଣେ ସୁନାମଧନ୍ୟ ବ୍ୟକ୍ତିତ୍ୱ ବୋଲି ବିବେଚନା କରାଯାଇଥାଏ। ସେତିକିନୁହେଁ ଜର୍ନାଲିଜମ୍‌କୁ ନେଇ ତିରିଶ ଦଶକରେ...

Advertisement
Archives

Model This Week