ଭୁବନେଶ୍ବର, ୨୭ା୭(ବ୍ୟୁରୋ): ରାଜ୍ୟ ସରକାର ଓଏଏସ୍ ସ୍ତରରେ ଏକ ବଡ଼ ଧରଣର ଅଦଳବଦଳ କରିଛନ୍ତି। ପର୍ଯ୍ୟଟନ ବିଭାଗର ଅତିରିକ୍ତ ସଚିବ ରୀନା ମହାପାତ୍ରଙ୍କୁ ଡବ୍ଲ୍ୟୁଓ ସିଡି ବିଭାଗର ଅତିରିକ୍ତ ସଚିବ ଭାବେ ନିଯୁକ୍ତି ମିଳିଛି। ସେହିପରି ଭଦ୍ରକ ପିଡି, ଡିଆର୍ଡିଏ ଇନ୍ଦ୍ରମଣି ନାଏକ ପରିବହନ ବିଭାଗର ଅତିରିକ୍ତ କମିଶନର ହୋଇଛନ୍ତି। ବଲାଙ୍ଗୀର ଅତିରିକ୍ତ ଜିଲାପାଳ ଅନନ୍ତ ନାରାୟଣ ସିଂ ଲଗୁରିଙ୍କୁ ପର୍ଯ୍ୟଟନ ବିଭାଗ ଅତିରିକ୍ତ ସଚିବ ଭାବେ ନିଯୁକ୍ତି ମିଳିଛି। କେନ୍ଦୁଝର ଜିଲା ଚମ୍ପୁଆ ଉପଜିଲାପାଳ ପ୍ରତାପ ପ୍ରୀତିମୟଙ୍କୁ ଭଦ୍ରକ ପିଡି, ଡିଆର୍ଡିଏ ଭାବେ ନିଯୁକ୍ତି ମିଳିଛି। ବଲାଙ୍ଗୀର ଉପଜିଲାପାଳ ଲମ୍ବୋଦର ଧାରୁଅଙ୍କୁ ବଲାଙ୍ଗୀର ଅତିରିକ୍ତ ଜିଲାପାଳ ଭାବେ ନିଯୁକ୍ତି ମିଳିଛି। ଖୋର୍ଦ୍ଧା ଏପିଡି, ଡିଆର୍ଡିଏ ଶକ୍ତିକାନ୍ତ ରାଏଙ୍କୁ ଓଟିଡିସି ଜେନେରାଲ ମ୍ୟାନେଜର ଦାୟିତ୍ୱ ଦିଆଯାଇଛି। ପଞ୍ଚାୟତିରାଜ ଏବଂ ପିଇବା ପାଣି ବିଭାଗ ଯୁଗ୍ମ ସଚିବ ତ୍ରିଲୋଚନ ମହାନ୍ତି ଓଡ଼ିଆ ଭାଷା, ସଂସ୍କୃତି ବିଭାଗ ଯୁଗ୍ମ ସଚିବ ହୋଇଛନ୍ତି। କୁମାର ନାଗଭୂଷଣଙ୍କୁ ବଲାଙ୍ଗୀର ଉପଜିଲାପାଳ ଭାବେ ନିଯୁକ୍ତି ମିଳିଛି। ତେବେ ପରବର୍ତ୍ତୀ ନିର୍ଦ୍ଦେଶ ଜାରି ନ ହେବା ପର୍ଯ୍ୟନ୍ତ ନାଗଭୂଷଣ ତାଙ୍କ ପୁରୁଣା ଦାୟିତ୍ୱ ଲୋୟର ସୁକତେଲ ଜଳ ସମ୍ପଦ ପ୍ରକଳ୍ପର ସ୍ପେଶାଲ ଏଲ୍ଏଓ ଭାବେ ଅତିରିକ୍ତ ଦାୟିତ୍ୱ ତୁଲାଇବେ। ଝାରସୁଗୁଡ଼ା ଏପିଡି, ପିଡି ଡିଆର୍ଡିଏ ସୁକାନ୍ତ ମାଝିଙ୍କୁ ଚମ୍ପୁଆ ଉପଜିଲାପାଳ କରାଯାଇଛି। ତାରାଣି ସୁନାଙ୍କୁ ଆଠମଲ୍ଲିକ ଉପଜିଲାପାଳ ଭାବେ ଦାୟିତ୍ୱ ମିଳିଛି। ଆନନ୍ଦପୁର ତହସିଲଦାର ତପନ କୁମାର ମଲ୍ଲିକଙ୍କୁ କେନ୍ଦୁଝର ପିଏ, ଆଇଟିଡିଏରେ ନିଯୁକ୍ତି ମିଳିଛି।
