ଜି. ଉଦୟଗିରି, ୩।୧୦(ଡି. ଏନ୍. ଏ .): କନ୍ଧମାଳ ଜିଲା ଜି. ଉଦୟଗିରି ସହର ସମେତ ଗ୍ରାମାଞ୍ଚଳରେ କିଛି ଦିନ ହେବ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଛି। ଏ ନେଇ ଜି. ଉଦୟଗିରି ବ୍ୟବସାୟୀ ସଂଘ ଜି. ଉଦୟଗିରି ସହରରେ ଥିବା ସମସ୍ତ ବ୍ୟବସାୟ ପ୍ରତିଷ୍ଠାନକୁ ଅକ୍ଟୋବର ମାସର ପ୍ରଥମ ଶନିବାର ଓ ରବିବାର ବନ୍ଦ କରିବାକୁ ନିଷ୍ପତ୍ତି ନେଇଛି। ଆଜି ଶନିବାର ହେତୁ ସହରର ସମସ୍ତ ଦୋକାନ ବଜାର ବନ୍ଦ ରହିଛି । ଗାଡି ମୋଟର ଚଳାଚଳ ସ୍ବଭାବିକ ରହିଥିଲେ ମଧ୍ୟ ବଜାର ସୁନସାନ ହୋଇ ଯାଇଛି । ସେପରି ଅକ୍ଟୋବର ମାସର ପ୍ରତ୍ୟେକ ରବିବାର ଦୋକାନ ବଜାର ବନ୍ଦ କରିବା ପାଇଁ ଠିକ ହୋଇଛି। ଅନ୍ୟ ଦିନ ମାନଙ୍କରେ କେବଳ ସକାଳ ୭ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ଦୋକାନ ଖୋଲା ରହିବ ବୋଲି ଜି. ଉଦୟଗିରି ବ୍ୟବସାୟୀ ସଂଘ ସଭାପତି ସମୀର କୁମାର ପାଢୀ କହିଛନ୍ତି ।
