ହଜାରିବାଗ, ୮।୮: ଖେଳିଲା ବେଳେ ପିଲାଏ ପାଟି କରିବା ଚିଲେଇବା ସ୍ବାଭାବିକ କଥା। ତେବେ ଝାଡ଼ଖଣ୍ଡର ହଜାରିବାଗ ଅଞ୍ଚଳରେ ଥିବା ଦାରୁ ଅଞ୍ଚଳର ଦାରୁବକସିଡ଼ିହ ଗାଁରେ ପିଲାମାନେ ଖେଳିବା ସମୟରେ ପାଟିତୁଣ୍ଡ କରି ନ ଥାନ୍ତି। ଏହି ପିଲାମାନେ ଜନ୍ମରୁ ଶୁଣିବା ଏବଂ କଥା କହିବା ଶକ୍ତି ହରାଇ ବସିଛନ୍ତି। ଗାଁର ୧୨ରୁ ଅଧିକ ପିଲାଙ୍କଠାରେ ଏଭଳି ସମସ୍ୟା ଦେଖାଯାଇଥାଏ। ସେହିପରି ଗାଁରେ ୩୦ଜଣରୁ ଅଧିକ ମହିଳାଙ୍କ ସ୍ବାମୀଙ୍କ ମୃତ୍ୟୁ ଘଟିଛି। ମଦ୍ୟପାନ ଯୋଗୁ ଏଭଳି ଘଟିଛି। ସମ୍ପୃକ୍ତ ମହିଳାମାନଙ୍କ ବୟସ ୨୨ରୁ ୩୦ ବର୍ଷ ମଧ୍ୟରେ ହେବ ବୋଲି କୁହାଯାଉଛି। ଗାଁ କାହିଁକି ଜନ୍ମ ନେଉଥିବା ଅଧିକାଂଶ ଶିଶୁ ଜନ୍ମରୁ ଶୁଣିବା ଏବଂ କଥା କହିବା ଶକ୍ତି ହରାଇ ବସୁଛନ୍ତି ତାହାର ସମାଧାନର ପଥ କିମ୍ବା କାରଣ ଜାଣିବା ପାଇଁ ସରକାରୀସ୍ତରରେ କୌଣସି ଉଦ୍ୟମ ହେଉ ନ ଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ମଦ୍ୟପାନ ଯୋଗୁ ବାରମ୍ବାର ମୃତ୍ୟୁ ଘଟୁଥିଲେ ମଧ୍ୟ ଏନେଇ କୌଣସି ଆଖି ଦୃଶିଆ ପଦକ୍ଷେପ ସରକାର ନେଉ ନ ଥିବା ଲୋକେ କହିଛନ୍ତି।
