Posted inଖେଳ

ୟୁରୋକପ୍‌ ଫୁଟ୍‌ବଲ: ବେଲ୍‌ଜିୟମର ହ୍ୟାଟ୍ରିକ ବିଜୟ

ସେଣ୍ଟ ପିଟର୍ସବର୍ଗ,୨୩।୬: ୟୁରୋକପ୍‌ରେ ବେଲ୍‌ଜିୟମ ତା’ର ଆଧିପତ୍ୟ ବଜାୟ ରଖିଛି। ଗ୍ରୁପ୍‌ ବି’ରେ ବେଲ୍‌ଜିୟମ ସବୁ ୩ଟି ଯାକ ମ୍ୟାଚ୍‌ରେ ବିଜୟୀ ହୋଇ ହ୍ୟାଟ୍ରିକ ଅର୍ଜନ କରିଛି। ମୋଟ ୯ ପଏଣ୍ଟ ହାସଲ କରି ବିଶ୍ୱର ଏହି ୧ ନମ୍ବର ଦଳ ଗ୍ରୁପ୍‌’ ବି ପଏଣ୍ଟ ତାଲିକାର ଶୀର୍ଷରେ ରହିଛି। ସୋମବାର ସ୍ଥାନୀୟ କ୍ରେସୋଭସ୍କି ଷ୍ଟାଡିୟମରେ ଖେଳାଯାଇଥିବା ମୁକାବିଲାରେ ବେଲ୍‌ଜିୟମ ୨-୦ ଗୋଲରେ ଫିନ୍‌ଲାଣ୍ଡକୁ ପରାସ୍ତ କରି ଗ୍ରୁପ୍‌ ଚାମ୍ପିୟନ ହୋଇ ପୂରା ଢଙ୍ଗରେ ନକ୍‌ଆଉଟ ପର୍ଯ୍ୟାୟରେ ପ୍ରବେଶ କରିଛି। ବେଲ୍‌ଜିୟମକୁ ବାଦ୍‌ ଦେଲେ ଇଟାଲୀ ଓ ନେଦରଲାଣ୍ଡ୍ସ ଯଥାକ୍ରମେ ଗ୍ରୁପ୍‌ ଏ ଓ ଗ୍ରୁପ୍‌ ସି’ରେ ସବୁ ମ୍ୟାଚ୍‌ ଜିତି ୯ ପଏଣ୍ଟ ହାସଲ କରି ନକ୍‌ଆଉଟ ପର୍ଯ୍ୟାୟରେ ପ୍ରବେଶ କରିଛନ୍ତି। ଅନ୍ୟପଟେ ପରାଜୟ ସହ ଫିନ୍‌ଲାଣ୍ଡ ୩ଟି ମ୍ୟାଚ୍‌ ଖେଳି ଗୋଟିଏ ବିଜୟ ଓ ଦୁଇଟି ପରାଜୟ ସହ ୩ ପଏଣ୍ଟ ହାସଲ କରି ତାଲିକାର ତୃତୀୟ ସ୍ଥାନରେ ରହିଛି। ଏବେ ଫିନ୍‌ଲାଣ୍ଡ ନକ୍‌ ଆଉଟକୁ ଉଠିବାର ସମ୍ଭାବନା କମ୍‌ ରହିଛି। ବିଭିନ୍ନ ଗ୍ରୁପ୍‌ରେ ତୃତୀୟ ସ୍ଥାନ ଅଧିକାର କରିବାକୁ ଥିବା ଶ୍ରେଷ୍ଠ ଦଳଗୁଡିକ ମଧ୍ୟ ନକ୍‌ ଆଉଟ ପ୍ରବେଶ କରିବେ।
ଫିନ୍‌ଲାଣ୍ଡ ବିପକ୍ଷରେ ବେଲ୍‌ଜିୟମ ପୂରା ଆଧିପତ୍ୟ ବିସ୍ତାର କରି ଖେଳିଥିଲା। ବଲ ପଜେଶନ, ପାସ୍‌ ଓ ପାସ୍‌ ଆକ୍ୟୁରେସିରେ ବେଲ୍‌ଜିୟମ ବହୁ ଆଗରେ ରହିଥିଲା। ତେବେ ପ୍ରଥମାର୍ଦ୍ଧରେ କଡ଼ା ସଂଘର୍ଷ ଦେଖିବାକୁ ମିଳିଥିଲା। ଦ୍ୱିତୀୟାର୍ଦ୍ଧରେ ୭୪ତମ ମିନିଟ୍‌ରେ ଫିନ୍‌ଲାଣ୍ଡ ଗୋଲକିପର ଲୁକାସ ରାଡେକିଙ୍କ ଦ୍ୱାରା ଦୁର୍ଭାଗ୍ୟଜନକ ଭାବେ ଏକ ଆତ୍ମଘାତୀ ଗୋଲ ହୋଇଥିଲା। ଫଳରେ ବେଲ୍‌ଜିୟମ ଅଗ୍ରଣୀ ହାସଲ କରିଥିଲା। ବେଲ୍‌ଜିୟମ ଡିଫେଣ୍ଡର ଥୋମାସ ଭେର୍ମାଲେନ ହେଡ୍‌ କରିଥିଲେ ଓ ବଲ୍‌ ପୋଷ୍ଟରେ ବାଜି ଫେରିଥିଲା ଏବଂ ଲୁକାସଙ୍କ ହାତରେ ବାଜି ପୋଷ୍ଟକୁ ଯାଇଥିଲା। ଏହାପରେ ୮୧ତମ ମିନିଟ୍‌ରେ ରୋମେଲୁ ଲୁକାକୁ ଗୋଲ ଦେଇ ବେଲ୍‌ଜିୟମକୁ ୨-୦ରେ ଅଗ୍ରଣୀ କରାଇଥିଲେ। ଏହି ପରାଜୟ ଦ୍ୱାରା ଫିନ୍‌ଲାଣ୍ଡ କୋଚ୍‌ ମାର୍କୁ କାନେର୍ଭା ଅସନ୍ତୋଷ ଜାହିର କରିଛନ୍ତି। ରବିବାର ରାଉଣ୍ଡ ଅଫ୍‌ ୧୬ରେ ବେଲ୍‌ଜିୟମ ତୃତୀୟ ସ୍ଥାନରେ ଥିବା ଶ୍ରେଷ୍ଠ ୪ଟି ଦଳ ମଧ୍ୟରୁ ଗୋଟିଏକୁ ଭେଟିବ। ଏହାପୂର୍ବରୁ ବେଲ୍‌ଜିୟମ ରୁଷିଆକୁ ୩-୦ରେ ଓ ଡେନ୍‌ମାର୍କକୁ ୨-୧ ଗୋଲରେ ହରାଇଥିଲା। ଗ୍ରୁପ ପର୍ଯ୍ୟାୟରେ ବେଲ୍‌ଜିୟମର ପ୍ରଦର୍ଶନ ଐତିହାସିକ ସାବ୍ୟସ୍ତ ହୋଇଛି। ତେବେ ବିଳମ୍ବିତ ଗୋଲ ବେଲ୍‌ଜିୟମ ପାଇଁ ଚିନ୍ତା ସୃଷ୍ଟି କରିଥିବ। ଏବେ ଲୁକାକୁ ମୋଟ ୩ଟି ଗୋଲ ସ୍କୋର କରି କ୍ରିଷ୍ଟିଆନୋ ରୋନାଲ୍ଡୋ, ଜିଓଜିନିଓ ଓ୍ବିଜନାଏଡମ ଓ ପାଟ୍ରିକ ସିକଙ୍କ ସମକକ୍ଷ ହୋଇଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ସାମିଙ୍କ ୟୁଏସ୍‌ଏ ଭିଜା ରଦ୍ଦ, ବିସିସିଆଇର ହସ୍ତକ୍ଷେପ

ଟୋକିଓ,୨୭।୭(ପି.ଟି.)- ଖରାପ ପୋଲିସ ରେକର୍ଡ ଯୋଗୁ ଭାରତୀୟ ପେସର ମହମ୍ମଦ ସାମିଙ୍କ ଆମେରିକା ଭିଜାକୁ ପ୍ରାଥମିକ ଭାବେ ରଦ୍ଦ କରାଯାଇଥିଲା। ଫଳରେ ସାମି ଭାରତୀୟ ଦଳ...

କମ୍‌ ବୟସରେ କରିଥିଲେ ବିବାହ

କ୍ରିକେଟରେ କେତେକ ଖେଳାଳି ଥିଲେ, ଯେଉଁମାନେ ଖୁବ୍‌ କମ୍‌ ବୟସରେ ବିବାହ କରିଥିଲେ। ସେହି ଖେଳାଳିଙ୍କ ବିଷୟରେ… କପିଳ ଦେବ ଭାରତୀୟ କ୍ରିକେଟ ଦଳର ପୂର୍ବତନ...

କ୍ରିକେଟ୍‌ ପରାମର୍ଶଦାତା କମିଟିରୁ କପିଳଙ୍କ ଇସ୍ତଫା

ନୂଆଦିଲ୍ଲୀ, ୩।୧୦ (ପି.ଟି.)- ବିଶ୍ୱକପ୍‌ ବିଜୟୀ ଭାରତୀୟ କ୍ରିକେଟ୍‌ ଦଳର ପୂର୍ବତନ ଅଧିନାୟକ କପିଳ ଦେବ ବୁଧବାର କ୍ରିକେଟ୍‌ ପରାମର୍ଶଦାତା କମିଟି (ସିଏସି)ରୁ ଇସ୍ତଫା ଦେଇଛନ୍ତି।...

କୋଚ୍‌ ଷ୍ଟୁଆର୍ଟ ବକ୍ସଟରଙ୍କୁ ବିଦା କଲା ଓଡ଼ିଶା ଏଫ୍‌ସି: ମହଙ୍ଗା ପଡ଼ିଲା ରେପ୍‌ ମନ୍ତବ୍ୟ

ନୂଆଦିଲ୍ଳୀ,୩।୨(ପି.ଟି.): ଇଣ୍ଡିଆନ ସୁପର ଲିଗ୍‌ (ଆଇଏସ୍‌ଏଲ୍‌)ର ଅନ୍ୟତମ ଦଳ ଓଡ଼ିଶା ଏଫ୍‌ସି ମଙ୍ଗଳବାର ହେଡ୍‌ କୋଚ୍‌ ଷ୍ଟୁଆର୍ଟ ବକ୍ସଟରଙ୍କୁ ଦାୟିତ୍ୱରୁ ହଟାଇଛି। ସୋମବାର ଗୋଆର ବାମ୍ବୋଲିମ୍‌ରେ...

ନୂଆ ରୂପ ନେବ ରାଉରକେଲା

ଭୁବନେଶ୍ୱର,୧୬।୧୨- ହକି ବିଶ୍ୱକପ୍‌  ପୁଣି ଥରେ ଓଡ଼ିଶାରେ ଅନୁଷ୍ଠିତ ହେବ। ଭୁବନେଶ୍ୱର ସହ ରାଉରକେଲାରେ କେତେକ ବିଶ୍ୱକପ୍‌ ମ୍ୟାଚ୍‌ ଖେଳାଯିବ। ଏଥିନେଇ ନୂଆ ରୂପରେ ସଜେଇ...

ଅଭ୍ୟାସ ମ୍ୟାଚ୍‌: ବର୍ଷା ଯୋଗୁ ପ୍ରଥମ ଦିନର ଖେଳି ବାତିଲ

ବିଜୟନଗରମ,୨୬।୯(ପି.ଟି.)- ସ୍ଥାନୀୟ ଡ. ଭିଭିଜି ରାଜୁ ଏସିଏ ସ୍ପୋଟର୍‌ସ କମ୍ପ୍ଲେକ୍ସରେ ବୋର୍ଡ ସଭାପତି ଏକାଦଶ ଓ ଦକ୍ଷିଣ ଆଫ୍ରିକା ମଧ୍ୟରେ ୩ ଦିନିଆ ଅଭ୍ୟାସ ମ୍ୟାଚ୍‌...

ଏଫଆଇଏଚ୍‌ ସିରିଜ ଫାଇନାଲ୍ସ,ସେମିଫାଇନାଲ: ଭାରତ ଫେଭରାଇଟ

ଭୁବନେଶ୍ୱର, ୧୪।୬(କ୍ରୀଡ଼ା ପ୍ରତିନିଧି)-କଳିଙ୍ଗ ଷ୍ଟାଡିୟମରେ ଚାଲିଥିବା ଏଫଆଇଏଚ୍‌ ସିରିଜ ଫାଇନାଲ୍ସ ହକି ଟୁର୍ନାମେଣ୍ଟର ରୋମାଞ୍ଚକ ସମୟ ଉପନୀତ। ପୁଲ୍‌ ପର୍ଯ୍ୟାୟ ଓ କ୍ରସ୍‌ ଓଭର ପରେ...

ବିଜୁ ପଟ୍ଟନାୟକ ଗୋଲ୍ଡ କପ୍‌: ଫୁଟବଲ ଫୁଲବାଣୀ ସ୍ପୋଟର୍‌ସ ହଷ୍ଟେଲ ଚାମ୍ପିୟନ

ଭୁବନେଶ୍ୱର, ୩୦।୧୨(କ୍ରୀଡ଼ା ପ୍ରତିନିଧି)- ୟୁନିଟ-୬ ଆଥଲେଟିକ୍‌ ଆସୋସିଏଶନ ଆନୁକୂଲ୍ୟରେ ଆୟୋଜିତ ବିଜୁ ପଟ୍ଟନାୟକ ଗୋଲ୍ଡ କପ୍‌ ଫୁଟବଲରେ ଫୁଲବାଣୀ ସ୍ପୋଟର୍‌ସ ହଷ୍ଟେଲ ଚାମ୍ପିୟନ ହୋଇଛି। ୟୁନିଟ-୬...

Advertisement
Ten Cric Info


Archives

Model This Week