ଓ୍ବାଶିଂଟନ୍,୨୬।୪:ଦୁନିଆର ସବୁଠାରୁ ଧନୀ ବ୍ୟକ୍ତି ତଥା ଟେସଲାର ସିଇଓ ଏଲନ ମସ୍କ ଟୁଇଟର କିଣିଛନ୍ତି। ଏହି ସମୟରେ ଏଲନଙ୍କ ଏକ ପାଞ୍ଚ ବର୍ଷ ପୁରୁଣା ଟୁଇଟ୍ ଭାଇରାଲ ହେଉଛି। ସେ ସେହି ଟୁଇଟ୍ରେ ଟୁଇଟର୍ କିଣିବାକୁ ଇଚ୍ଛା ପ୍ରକାଶ କରିଥିଲେ। ଡିସେମ୍ବର ୨୧, ୨୦୧୭ରେ, ଏଲନ ମସ୍କ ଟୁଇଟ୍ କରି କରି କହିଥିଲେ ଯେ, ସେ ଟୁଇଟ୍ରକୁ ଭଲ ପାଆନ୍ତି। ଜଣେ ୟୁଜର୍ସ ଏହି ଟୁଇଟ୍କୁ ଉତ୍ତରରେ କହିଥିଲେ, ଆପଣ ଏହାକୁ କିଣିଦିଅନ୍ତୁ। ମସ୍କ ଏହି ୟୁଜର୍ସଙ୍କୁ ପଚାରିଥିଲେ ଏହାର ମୂଲ୍ୟ କେତେ ହେବ? ଏବେ ପାଞ୍ଚ ବର୍ଷ ପରେ ସେ ଟୁଇଟର୍ କିଣି ଦେଖାଇଛନ୍ତି।
କିଛି ଦିନ ପୂର୍ବରୁ ଟୁଇଟ୍ରରେ ୯.୨ ପ୍ରତିଶତ ଅଂଶଧନ କ୍ରୟ କରି ଏଲନ ମସ୍କ କମ୍ପାନୀର ଦ୍ୱିତୀୟ ବୃହତ୍ତମ ଅଂଶୀଦାର ହୋଇଥିଲେ। ଏହା ପରେ ଟୁଇଟର୍ ତାଙ୍କୁ ଏହାର ବୋର୍ଡର ସଦସ୍ୟ କରିବାକୁ ପ୍ରସ୍ତାବ ଦେଇଥିଲା, କିନ୍ତୁ ଏକ ସର୍ତ୍ତ ରଖିଥିଲା ଯେ ବୋର୍ଡ ସଦସ୍ୟମାନେ କମ୍ପାନୀକୁ ନେଇପାରିବେ ନାହିଁ। ଏହି ସର୍ତ୍ତକୁ ଗ୍ରହଣ ନ କରି, ଏଲନ ମସ୍କ କିଛି ଦିନ ପରେ ଟୁଇଟର୍କୁ ୪୪ ବିଲିୟନ ଡଲାରରେ କିଣିଛନ୍ତି।