ଜଙ୍ଗଲ ଛାଡ଼ି ଜନବସତିରେ ହାତୀ

ବଅଁରପାଳ, ୧୨।୧୨(ଡି.ଏନ୍‌.ଏ.)  ଜଙ୍ଗଲରେ ମିଳୁନି ପର୍ଯ୍ୟାପ୍ତ ଖାଦ୍ୟ କି ପୂରୁନି ପେଟ। ଫଳରେ ବନାଞ୍ଚଳ ଛାଡ଼ି ଏବେ ଜନବସତିରେ ଇତଃସ୍ତତଃ ହୋଇ ବୁଲୁଛନ୍ତି ବଣୁଆ ହାତୀ। ଖାଦ୍ୟ ଅନ୍ବେଷଣରେ ବାଡ଼ି ବଗିଚାରେ ପଶୁଛନ୍ତି। ଯେତିକି ଖାଉନାହାନ୍ତି, ତାହାଠାରୁ ଅଧିକ ଦଳିଚକଟି ନଷ୍ଟ କରିଦେଉଛନ୍ତି। ହାତୀ ହାବୁଡ଼ରେ ପଡ଼ି ଅକାଳରେ ଝରିପଡୁଛି ଜୀବନ। ହାତୀ-ମଣିଷ ସଂଘର୍ଷର ଏଭଳି ଉଗ୍ରରୂପ ଦେଖିବାକୁ ମିଳିଛି ଅନୁଗୋଳ ଜିଲା ବଅଁରପାଳ ଅଞ୍ଚଳରେ। ହାତୀ ଆକ୍ରମଣରେ ସପ୍ତାହକ ମଧ୍ୟରେ ୨ଚାଷୀଙ୍କ ଜୀବନ ଯାଇଥିବାବେଳେ ଏହାକୁ ନେଇ ଅସନ୍ତୋଷ ତୀବ୍ର ହେବାରେ ଲାଗିଛି।
ଢେଙ୍କାନାଳ ଜିଲା ହିନ୍ଦୋଳ ବନାଞ୍ଚଳରୁ ୪୬ ହାତୀ ବଅଁରପାଳ ଅଞ୍ଚଳକୁ ୧୦ଦିନ ହେଲା ଚାଲିଆସିଛନ୍ତି। ଉକ୍ତ ହାତୀପଲ ସନ୍ତ୍ରୀ, ନଳଚନ୍ଦ୍ରପୁର ନୂଆହତା, ଗଣ୍ଠିଗାଡ଼ିଆ, ତୁଳସୀପାଲ, ଆଲୁମିନିୟମ ପାର୍କ, ଝଜିରିବାହାଳ ଅଞ୍ଚଳରେ ବିଚରଣ କରି ବ୍ୟାପକ ଧାନଫସଲ, ପରିବା ଚାଷ, ଫଳ ଚାଷ ନଷ୍ଟ କରିସାରିଲେଣି। ବନ ବିଭାଗ ପକ୍ଷରୁ ହାତୀଙ୍କୁ ଘଉଡ଼ାଇବା ଦିଗରେ ଆବଶ୍ୟକ ପଦକ୍ଷେପ ନିଆଯାଉ ନ ଥିବାରୁ ଉପଦ୍ରବ ବଢ଼ିବାରେ ଲାଗିଛି। ଗତ ୬ତାରିଖରେ ନଳଚନ୍ଦ୍ରପୁରର ଧନେଶ୍ୱର ଭୁକ୍ତ ଏବଂ ୯ତାରିଖରେ ଝଜିରିବାହାଳର ଜଳନ୍ଧର ପ୍ରଧାନ ନାମକ ଦୁଇଜଣ ଚାଷୀଙ୍କ ହାତୀ ଆକ୍ରମଣରେ ମୃତ୍ୟୁ ଘଟିଛି। ସେହିପରି ଏକାଧିକ ବ୍ୟକ୍ତି ଆହତ ହେଲେଣି।
ହାତୀ ଆତଙ୍କ ପାଇଁ ଘରୁ ବାହାରିବାକୁ ଲୋକେ ଭୟ କରୁଛନ୍ତି। ସନ୍ଧ୍ୟା ହେଲେ ରାସ୍ତା ଶୂନ୍‌ଶାନ ହୋଇପଡୁଛି। ଲୋକେ ତାଟିକବାଟ ପକାଇ ରହୁଛନ୍ତି। ଜରୁରୀ କାର୍ଯ୍ୟରେ ବାହାରକୁ ଯିବା କାଠିକର ପାଠ ହେଉଛି। ବନ ବିଭାଗ ଏଭଳି ସମସ୍ୟାକୁ ଅତି ହାଲୁକା ଭାବେ ନେଉଥିବାରୁ ଅସନ୍ତୋଷ ତୀବ୍ର ହେବାରେ ଲାଗିଛି। ଏହାର ପ୍ରତିକାର ନ ହେଲେ ଜନ ଆନ୍ଦୋଳନ ତୀବ୍ରତର କରାଯିବ ବୋଲି ହାତୀ ଉପଦ୍ରୁତ ଅଞ୍ଚଳବାସୀ ଚେତାବନୀ ଦେଇଛନ୍ତି। ଏ ସମ୍ପର୍କରେ ଅନୁଗୋଳ ରେଞ୍ଜର ରାଜେନ୍ଦ୍ର ସାମନ୍ତରାୟ କୁହନ୍ତି, ପ୍ରତିଦିନ କର୍ମଚାରୀମାନେ ଯାଇ ହାତୀଙ୍କୁ ଘଉଡ଼ାଉଛୁ। ହେଲେ ସେମାନେ ଧାନ ଖାଇବା ଆଶାରେ ପୁଣି ଚାଷଜମିକୁ ପଳାଇ ଆସୁଛନ୍ତି। ହାତୀଙ୍କ ଉପରେ ନଜର ରଖାଯାଇଛି।

ବ୍ୟାପକ ଫସଲ ନଷ୍ଟ ହେଲାଣି
ହାତୀପଲ ବ୍ୟାପକ ଚାଷ ନଷ୍ଟ କଲେଣି। ଫସଲ ସୁରକ୍ଷା କରିବାକୁ ଯାଇଥିବା ବେଳେ ୨ ଚାଷୀ ହାତୀ ଆକ୍ରମଣରେ ମୃତ୍ୟୁମୁଖରେ ପଡ଼ିଲେଣି। ରାତିରେ ଜମିକୁ ଯିବାକୁ ଭୟ ଲାଗୁଛି। ଏହାର ସ୍ଥାୟୀ ପ୍ରତିକାର କରିବା ଜରୁରୀ।
-ବିଭୂତି ଦଳବେହେରା, ନୂଆହତା

ଚାଷୀଙ୍କୁ କ୍ଷତିପୂରଣ ଦିଅ
ଧାନ ଫସଲ ଅମଳ ସମୟରେ ହାତୀପଲ ଉପଦ୍ରବରେ ଚାଷୀଙ୍କ ବ୍ୟାପକ କ୍ଷତି ହୋଇଛି। କ୍ଷୟକ୍ଷତି ଆକଳନ କରି ତୁରନ୍ତ କ୍ଷତିଗ୍ରସ୍ତ ଚାଷୀଙ୍କୁ କ୍ଷତିପୂରଣ ଦିଆଯିବା ବ୍ୟବସ୍ଥା କରାଯିବା ଉଚିତ।
-ଦୁଷ୍ମନ୍ତ ସେନାପତି, ଆଇନଜୀବୀ

ଭୟଆତଙ୍କରେ ଜୀବନ ବିତୁଛି
୪୬ ହାତୀ ବିଭିନ୍ନ ପଲରେ ବିଭକ୍ତ ହୋଇ ଜନବସତିରେ ପଶୁଛନ୍ତି। ହାବୁଡ଼ରେ ଯିଏ ପଡୁଛି ତାକୁ ଆକ୍ରମଣ କରୁଛନ୍ତି। ଭୟଆତଙ୍କରେ ଜୀବନ ବିତୁଛି। ବନ ବିଭାଗ ଏହାର ପ୍ରତିକାର କରିବା ଜରୁରୀ ହୋଇପଡ଼ିଛି।
-ନର୍ମଦା ମାଝି, ସନ୍ତ୍ରୀ ସରପଞ୍ଚ


Enter your email to get our daily news in your inbox.

All Right Reserved By Dharitri.Com

ଲକ୍‌ଡାଉନ୍‌ରୁ ଲାଭ

ଅନୁଗୋଳ ଅଫିସ, ୧୧।୪ – କରୋନା ବିପତ୍ତିରୁ ବର୍ତ୍ତିବା ପାଇଁ ଦେଶକୁ ଲକ୍‌ଡାଉନ୍‌ କରାଯାଇଥିଲେ ବି ଅନୁଗୋଳ ସହର ଉପକଣ୍ଠରେ ଘର ନିର୍ମାଣ କରୁଥିବା କେତେଜଣ...

୨ ପଞ୍ଚାୟତକୁ କରାଗଲା ସାନିଟାଇଜ

ବଇଣ୍ଡା,୧୫।୫(ଡି.ଏନ.ଏ.)-ବାମୁର ଅଗ୍ନିଶମ ବିଭାଗ ପକ୍ଷରୁ ଶୁକ୍ରବାର ହଣ୍ଡପା ଓ ଉରୁକୁଳା ପଞ୍ଚାୟତର ପଞ୍ଚାୟତ ଗୃହ, କ୍ୱାରାଣ୍ଟାଇନ ସେଣ୍ଟର, ଥାନା, ମେଡ଼ିକାଲ, ହଣ୍ଡପା ବଜାର ସହ ବିଭିନ୍ନ...

ବିପଦ ମୁଣ୍ଡାଇ ବିଦ୍ୟୁତ୍‌ କାମ

କଣିହାଁ, ୨୫।୪(ଡି.ଏନ.ଏ.): କଣିହାଁ ବ୍ଲକ ଅନ୍ତର୍ଗତ ରେଙ୍ଗାଲିସ୍ଥିତ ଓଡ଼ିଶା ଜଳ ବିଦ୍ୟୁତ୍‌ ନିଗମ (ଓଏଚ୍‌ପିସି) ପ୍ରକଳ୍ପରେ କାର୍ଯ୍ୟରତ ଠିକା ଶ୍ରମିକମାନେ ବିନା ସୁରକ୍ଷା ଉପକରଣରେ ଜୀବନକୁ...

ସଂକ୍ରମିତ ଅନୁଗୋଳ ଯୁବକ ଜୀବନବୀମା ଏଜେଣ୍ଟ

ଅନୁଗୋଳ ଅଫିସ, ୧୧।୫: ସକାଳେ ରିପୋର୍ଟ ଆସିଥିବା ୧୩ ପଜିଟିଭଙ୍କ ମଧ୍ୟରୁ ଜଣେ ଅନୁଗୋଳ ସହରର ଯୁବକ ବୋଲି ଜଣାପଡ଼ିବା ପରେ ପ୍ରଶାସନ, ପୋଲିସ ଓ ସ୍ବାସ୍ଥ୍ୟ...

ବଦଳିବ ଅନୁଗୋଳ ଷ୍ଟାଡିୟମ ରୂପ:ଭିତ୍ତିଭୂମି ପରଖିଲେ ଆର୍କିଟେକଚର୍‌

ଅନୁଗୋଳ ଅଫିସ, ୧୩।୮ ବଦଳିବ ଅନୁଗୋଳ ଷ୍ଟାଡିୟମ ରୂପରେଖ। ଅତ୍ୟାଧୁନିକ ଜ୍ଞାନକୌଶଳରେ ଏହାର ନବକଳେବର କରାଯିବ। ଏଥିସହ ବିଭିନ୍ନ ଖେଳ ସୁବିଧାରେ ଏଠାରେ ଯେପରି ଆୟୋଜନ...

ଅନ୍‌ଲାଇନରେ ଚାକିରି ଖୋଜି ହରାଇଲେ ୩ ଲକ୍ଷ

ଅନୁଗୋଳ ଅଫିସ, ୨୨।୬  – ଅନୁଗୋଳ ଜିଲାରେ ସାଇବର ଅପରାଧୀମାନେ ଦିନକୁ ଦିନ ଅଧିକ ସକ୍ରିୟ ହେଉଛନ୍ତି। ଜଣେ ଯୁବତୀ ଅନ୍‌ଲାଇନ୍‌ରେ ଚାକିରି ଖୋଜିବା ବେଳେ...

ସ୍କୁଲରେ ଶିକ୍ଷା ପୂର୍ବରୁ ଦକ୍ଷତା ଟେଷ୍ଟ

ଅନୁଗୋଳ ଅଫିସ, ୧୦।୧୦ କରୋନା କାରଣରୁ ଗତ ମାର୍ଚ୍ଚରୁ ସ୍କୁଲ ବନ୍ଦ ହେବା ପରେ କେବଳ ଅନ୍‌ଲାଇନ୍‌ ଶିକ୍ଷା ହିଁ ଏକମାତ୍ର ଭରସା ପାଲଟିଛି। ହେଲେ...

ବାଡ଼ି ଖେଳରେ କମ୍ପିଲା ଗାଁ

ଖମାର,୧୪ା୩(ଡି.ଏନ.ଏ.): ପାଲଲହଡ଼ା ବ୍ଲକ ଖମାର ଥାନା ଶଙ୍ଖମୁର ଗ୍ରାମରେ ଫଗୁ ଦଶମୀ ପାଳିତ ହୋଇଯାଇଛି। ବିଗତ ୨ ବର୍ଷ ଧରି କୋଭିଡ୍‌ କଟକଣା ଯୋଗୁ ଫଗୁ...

Advertisement
Archives

Model This Week