ରାଞ୍ଚି,୧ା୬: ଝାଡ଼ଖଣ୍ଡରେ ନୂତନ ବିଦ୍ୟୁତ ଶୁଳ୍କ ଆଂଶିକ ବୃଦ୍ଧି କରାଯାଇଛି। ତେବେ ନୂତନ ଶୁଳ୍କରେ ବିଦ୍ୟୁତ ଦର ବର୍ତ୍ତମାନ ୪ ଦିନରେ ୨୫ରୁ ୩୦ ଟଙ୍କାକୁ ବୃଦ୍ଧି କରାଯାଇଛି। ଘରୋଇ ଗ୍ରାମୀଣ ବିଦ୍ୟୁତର ସ୍ଥିର ହାର ୨୬ ଟଙ୍କାରୁ ୫୦ ଟଙ୍କାକୁ ବୃଦ୍ଧି ପାଇଥିବା ବେଳେ ଘରୋଇ ସହରାଞ୍ଚଳର ଫିକ୍ସ ହାର ୭୫ ଟଙ୍କାରୁ ୧୦୦ ଟଙ୍କାକୁ ବୃଦ୍ଧି କରାଯାଇଛି।
ଝାଡ଼ଖଣ୍ଡ ରାଜ୍ୟ ବିଦ୍ୟୁତ ନିୟାମକ ଆୟୋଗର ଅଧ୍ୟକ୍ଷ ଜଷ୍ଟିସ ଅମିତାଭ କୁମାର ଗୁପ୍ତା ଏ ସମ୍ପର୍କରେ ସୂଚନା ଦେଇଛନ୍ତି। ସେ କହିଛନ୍ତି, ଯଦି ଆମେ ବିଦ୍ୟୁତ ହାର ବୃଦ୍ଧି ବିଷୟରେ ଆଲୋଚନା କରିବା ତେବେ ଘରୋଇ ଗ୍ରାମାଞ୍ଚଳ ଏବଂ ସହରୀ ବିଦ୍ୟୁତ ହାର ୟୁନିଟ୍ ପିଛା ୫ ପଇସା ବୃଦ୍ଧି କରାଯାଇଛି। ଘରୋଇ ଗ୍ରାମୀଣ ହାର ୟୁନିଟ୍ ପିଛା ୫ଟଙ୍କା ୭୫ରୁ ୫ଟଙ୍କା ୮୦ ପଇସାକୁ ବୃଦ୍ଧି କରାଯାଇଛି। ଘରୋଇ ସହରାଞ୍ଚଳର ହାର ୟୁନିଟ୍ ପିଛା ୬ଟଙ୍କା୨୫ ପଇସାରୁ ୬ଟଙ୍କା ୩୦ ପଇସାକୁ ବୃଦ୍ଧି କରାଯାଇଛି। ଏହି ଦର ଜୁନ୍ ୧ ଅର୍ଥାତ୍ ଆଜିଠାରୁ ଲାଗୁ ହୋଇଛି।
ବାଣିଜି୍ୟକ ବିଦ୍ୟୁତ୍ ଗ୍ରାମାଞ୍ଚଳରେ ୫ କିଲୋଓ୍ବାଟ୍ରୁ ଅଧିକ ୟୁନିଟ୍ ପିଛା ୫ଟଙ୍କା ୭୫ ପଇସାରୁ ୟୁନିଟ୍ ପିଛା ୫ଟଙ୍କା ୮୦ ପଇସାକୁ ବୃଦ୍ଧି କରାଯାଇଛି। ସହରାଞ୍ଚଳର ଏହି ହାର ୬ ଟଙ୍କାରୁ ୬ଟଙ୍କା ୧୫ ପଇସାକୁ ବୃଦ୍ଧି କରାଯାଇଛି।
