ନୂଆଦିଲ୍ଲୀ,୧୩।୧୦: ମନିଲଣ୍ଡରିଂ ମାମଲାରେ ସାମ୍ବାଦିକ ରାଣା ଆୟୁବଙ୍କ ବିରୋଧରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଗାଜିଆବାଦର ଏକ ସ୍ବତନ୍ତ୍ର ଅଦାଲତରେ ଚାର୍ଜଶିଟ୍ ଦାଖଲ କରିଛି। ‘କେଟ୍ଟୋ’ ଅନ୍ଲାଇନ କ୍ରାଉଡ୍ ଫଣ୍ଡିଂ ପ୍ଲାଟ୍ଫର୍ମ ଜରିଆରେ ସେ ଏକ ଚ୍ୟାରିଟି ନାମରେ ଲୋକଙ୍କଠାରୁ ବେଆଇନ ଭାବେ ପାଣ୍ଠି ସଂଗ୍ରହ କରୁଥିଲେ। ଜନସାଧାରଣଙ୍କୁ ଠକିବା ଉଦ୍ଦେଶ୍ୟରେ ସେ ପାଣ୍ଠି ସଂଗ୍ରହ ଅଭିଯାନ ଚଳାଇଥିବା ତଦନ୍ତରୁ ଜଣାପଡ଼ିଥିଲା। ସଂଗୃହୀତ ୨.୬୯ କୋଟି ଟଙ୍କାରୁ ମାତ୍ର ୨୯ ଲକ୍ଷ ଟଙ୍କାକୁ ସେ ରିଲିଫ କାର୍ଯ୍ୟରେ ବିନିଯୋଗ କରିଥିଲେ। ଅବଶିଷ୍ଟ ଅର୍ଥକୁ ବିଭିନ୍ନ ବ୍ୟାଙ୍କରେ ତାଙ୍କ ବାପା ଏବଂ ଭଉଣୀଙ୍କ ନାମରେ ଜମା ରଖିବା ପରେ ନିଜର ବ୍ୟକ୍ତିଗତ ଆକାଉଣ୍ଟକୁ ଟ୍ରାନ୍ସଫର କରିଥିଲେ ବୋଲି ଇଡି ଜାଣିବାକୁ ପାଇଛି।
