କେତେକ ରୋଗ ପାଇଁ ନିର୍ଦ୍ଦିଷ୍ଟ ଔଷଧ ସହ ଆଣ୍ଟିବାୟୋଟିକ ଖାଇବାକୁ ପଡିଥାଏ। ତେବେ ଏହି ସମୟରେ ଡାକ୍ତରଙ୍କ ସହ ପରାମର୍ଶ କରିବାକୁ ଆଦୌ ଭୁଲନ୍ତୁ ନାହିଁ। ଆପଣଙ୍କ ରୋଗ ବିଷୟରେ ପରାମର୍ଶ କରୁଥିବା ଡାକ୍ତରଙ୍କୁ ବିଷଦ ଭାବରେ କୁହନ୍ତୁ। କାରଣ ତାହାକୁ ଅନୁଧ୍ୟାନ କରି ଡାକ୍ତର ଔଷଧ ଏବଂ ବେଳେବେଳେ ତା’ସହ ଆଣ୍ଟିବାୟୋଟିକ ଖାଇବାକୁ କହିଥାଆନ୍ତି। ହେଲେ କେତେକେ କିଛି ଦିନ ଔଷଧ ଏବଂ ଆଣ୍ଟିବାୟୋଟିକ ଖାଇବା ପରେ ଏବଂ ରୋଗରୁ ଆରୋଗ୍ୟ ଲାଭ କରିବା ପରେ ଏହାକୁ ଖାଇବା ବନ୍ଦ କରିଦିଅନ୍ତି। ହେଲେ ଯେତେଦିନ ପର୍ଯ୍ୟନ୍ତ ଡାକ୍ତର ଏଗୁଡିକୁ ଖାଇବାକୁ ପରାମର୍ଶ ଦେଇଛନ୍ତି ସେ ପର୍ଯ୍ୟନ୍ତ ଖାଆନ୍ତୁ। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଡାକ୍ତରଙ୍କ ବିନା ପରାମର୍ଶରେ ଛୋଟପିଲାଙ୍କୁ ଆଣ୍ଟିବାୟୋଟିକ୍ ଖାଇବାକୁ ଦିଅନ୍ତୁ ନାହିଁ। କେତେକ ବ୍ୟକ୍ତିଙ୍କର ଶରୀର ଅନୁସାରେ ଆଣ୍ଟିବାୟୋଟିକ୍ ସୁଟ୍ କରିଥାଏ। ଏହାକୁ ଖାଇବା ସମୟରେ ଯଦି କିଛି ସମସ୍ୟା ଦେଖାଦେଲା ତେବେ ବିଳମ୍ବ ନ କରି ଡାକ୍ତରଙ୍କ ସହ ପରମର୍ଶ କରନ୍ତୁ। କେତେବେଳେ କେଉଁ ଔଷଧ ଖାଇବେ ସେ ନେଇ ଡାକ୍ତରଙ୍କ ନିକଟରୁ ଭଲ ଭାବରେ ବୁଝି ନିଅନ୍ତୁ। ଏହାକୁ ନେଇ ମନରେ କୌଣସି ଦ୍ୱନ୍ଦ୍ୱ ଥିଲେ ତାହା ଡାକ୍ତରଙ୍କ ସହ ପରାମର୍ଶ କରି ଦୂର କରନ୍ତୁ।
