କଲମ୍ବୋ,୯।୯ : ୨୦୧୯ରେ ଶ୍ରୀଲଙ୍କାରେ ଇଷ୍ଟର ସଣ୍ଡେ ଆକ୍ରମଣ ଉପରେ ବ୍ରିଟେନ ଚ୍ୟାନେଲ ଏକ ଡକ୍ୟୁମେଣ୍ଟାରୀ ପ୍ରସ୍ତୁତ କରିଥିଲା ଯେଉଁଥିରେ ତତ୍କାଳୀନ ରାଷ୍ଟ୍ରପତି ଗୋଟାବାୟା ରାଜପାକ୍ସେ ଏବଂ ମେଜର ଜେନେରାଲ ସୁରେଶ ସାଲେଙ୍କୁ ଏଥିରେ ସମ୍ପୃକ୍ତି ଥିବା ଅଭିଯୋଗ ହୋଇଥିଲା। ଏଥି ସହିତ ଶ୍ରୀଲଙ୍କା ବ୍ରିଟେନ ଚ୍ୟାନେଲର ଦାବିକୁ ପ୍ରତ୍ୟାଖ୍ୟାନ କରିଛି ଏବଂ ଶନିବାର ଦେଶର ଗୁପ୍ତଚର ମୁଖ୍ୟଙ୍କୁ ସୁରକ୍ଷା କରିଛି। ଏହାପୂର୍ବରୁ ଗୋଟାବାୟା ରାଜପାକ୍ସେ ମଧ୍ୟ ଏହି ଦାବିକୁ ମନଗଢ଼ା ବୋଲି କହିଥିଲେ।
ମଙ୍ଗଳବାର ବ୍ରିଟେନର ଏକ ଚ୍ୟାନେଲ ଶ୍ରୀଲଙ୍କାର ଇଷ୍ଟର ବମ୍ବିଂ ଡିସପ୍ୟାଚ ନାମକ ଏକ ଡକ୍ୟୁମେଣ୍ଟାରୀ ପ୍ରସାରଣ କରିଥିଲା। ଯେଉଁଥିରେ ୨୦୧୯ ଇଷ୍ଟର ଆତ୍ମଘାତୀ ବିସ୍ଫୋରଣରେ କିଛି ସରକାରୀ ଅଧିକାରୀଙ୍କ ସମ୍ପୃକ୍ତି ଥିବା ଅଭିଯୋଗ ହୋଇଛି।
ମନ୍ତ୍ରଣାଳୟ ଏକ ବିବୃତ୍ତିରେ କହିଛି ପ୍ରତିରକ୍ଷା ମନ୍ତ୍ରଣାଳୟ ୩୬ ବର୍ଷ ଧରି ଦେଶ ସେବା କରିଆସୁଥିବା ଜଣେ ଉତ୍ସର୍ଗୀକୃତ ବରିଷ୍ଠ ସୈନିକଙ୍କ ବିରୁଦ୍ଧରେ ହୋଇଥିବା ଅଭିଯୋଗକୁ ଦୃଢ଼ ନିନ୍ଦା କରିଛି। ମନ୍ତ୍ରଣାଳୟ କହିଛି ମେଜର ଜେନେରାଲ ସାଲେ ଡିସେମ୍ବର ୨୦୧୬ ରୁ ଡିସେମ୍ବର ୨୦୧୮ ପର୍ଯ୍ୟନ୍ତ ମାଲେସିଆର ଶ୍ରୀଲଙ୍କା ଉଚ୍ଚ ଆୟୋଗରେ କାର୍ଯ୍ୟ କରୁଥିଲେ।
ସେ ୩ ଜାନୁଆରୀ ୨୦୧୯ ରେ ଭାରତ ଯାଇ ଦିଲ୍ଲୀରେ ନ୍ୟାଶନାଲ ଡିଫେନ୍ସ କଲେଜ ପାଠ୍ୟକ୍ରମ ସମାପ୍ତ କରିବା ପରେ ୩୦ ନଭେମ୍ବର ୨୦୧୯ ରେ ଶ୍ରୀଲଙ୍କା ଫେରିଥିଲେ। ମନ୍ତ୍ରଣାଳୟ କହିଛି ଏହି ଆକ୍ରମଣ ପରଠାରୁ କ୍ରମାଗତ ଶ୍ରୀଲଙ୍କା ସରକାର ସତ୍ୟର ଉନ୍ମୋଚନ ପାଇଁ ପଦକ୍ଷେପ ନେଉଛନ୍ତି।
