ପ୍ରତ୍ୟେକ ଦିନ ସୋସିଆଲ ମିଡିଆରେ କିଛି ନା କିଛି ଭିଡିଓ ଏବଂ ଫଟୋ ଭାଇରାଲ ହୋଇଥାଏ। ସେଥିରୁ କେତେକ ଭିଡିଓ ଏବଂ ଫଟୋ ହସର ଖୋରାକ ଯୋଗାଉଥିବା ବେଳେ କେତେକ ଭାବପ୍ରବଣ କରିଦିଏ। ସେହିଭଳି ଟୁଇଟରରେ ଏବେ ଏକ ଭିଡିଓ ବହୁତ ଭାଇରାଲ ହେବାରେ ଲାଗିଛି। ”ଭଗବାନ୍ ଯାହା କରନ୍ତି ପ୍ରାଣୀର ମଙ୍ଗଳପାଇଁ। ଏହାକୁ ଦେଖିଲେ ଆପଣଙ୍କୁ ଲାଗିବ ଯେ, ଅଣ୍ଡାଖୋଳ ପାଇଁ ପ୍ରାଣୀଟି ବଡ଼ ବିପଦରେ ପଡ଼ିଛି। ମାତ୍ର କିଛି ସମୟ ପରେ ଦେଖିବେ କିପରି ସାମାନ୍ୟ ଅଣ୍ଡା ଖୋଳ ଯୋଗୁ ବିପଦ ଟଳି ଯାଇଛି। ଏକ ପ୍ରାଣୀ ବଞ୍ଚି ଯାଇଛି। ମିର୍କାଟସ ନାମକ ଏକ ପ୍ରାଣୀ ଅଣ୍ଡା ଖୋଳ ଭିତରେ ମୁଣ୍ଡ ପୂରାଇ ଦେଇଛି। ପରେ ସେ ଏହାକୁ ବାହାର କରିବାକୁ ଚେଷ୍ଟା କରୁଛି ମାତ୍ର ପାରୁ ନାହିଁ। ସେହି ସମୟରେ ଲାଗିବ ଖୋଳ ଲାଗି ସେ ବଡ଼ ହଇରାଣ ହେଉଛି। କିଛି ସମୟ ପରେ ଅଧା ଅଣ୍ଡା ଖୋଳ ଭାଙ୍ଗି ଯାଇଛି। କିଛି ଅଂଶ ତାର ମୁଣ୍ଡରେ ରହି ଯାଇଛି। ଏହି ସମୟରେ ଏକ ଛଞ୍ଚାଣ ତାକୁ ଶିକାର କରିବାକୁ ଆସିଲା ବେଳେ ସେ ଗାତରେ ପଶି ଯାଉଛି। ଅଣ୍ଡା ଖୋଳ ଛଞ୍ଚାଣ ବେକରେ ପଶି ତାକୁ କଷ୍ଟ ଦେଉଛି। ଯାହା ଦ୍ୱାରା ସେ ପ୍ରାଣୀଟିକୁ ଶିକାର କରିପାରୁ ନାହିଁ
ଭିଡିଓକୁ ଭାରତୀୟ ବନସେବା ଅଧିକାରୀ ସୁଶାନ୍ତ ନନ୍ଦ ତାଙ୍କ ଟୁଇଟରରେ ଶେୟାର କରିଛନ୍ତି। ଏହି ଭିଡିଓଟି ଅଧିକ ଭାଇରାଲ ହେବାରେ ଲାଗିଛି।
Just for a smile😊
Shared. pic.twitter.com/ARR58R0H4T— Susanta Nanda (@susantananda3) November 19, 2020
