ଭଲ ପରିବେଶ ଏବଂ ସ୍ବଚ୍ଛ ସହରରେ ରହିବାକୁ ପ୍ରାୟ ସମସ୍ତେ ସ୍ବପ୍ନ ଦେଖିଥାନ୍ତି। ଯେକୌଣସି ସହରରେ ବସବାସ କରିବାକୁ ହେଲେ ବଜେଟ୍ ଦେଖିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ତେବେ ଏପରି ସମୟରେ ଦୁନିଆର ସବୁଠାରୁ ଶସ୍ତା ସହର, ଯେଉଁଠାରେ ଆପଣ ରହିବାକୁ ନିଶ୍ଚିତ ଇଚ୍ଛା ପ୍ରକାଶ କରିବେ। ‘ଇକୋନୋମିକ୍ ଇଣ୍ଟେଲିଜେନ୍ସ ୟୁନିଟ୍ ୨୦୨୦ ଓ୍ବାଲର୍ଡ ଓ୍ବାଇଡ କଷ୍ଟ ଅଫ୍ ଲିଭିଂ’ ସର୍ଭେ ଉପରେ ଆଧାର କରି ବିଶ୍ୱର ୧୩୦ଟି ସହରର ଏକ ମାନ୍ୟତା ପ୍ରକାଶ କରିଛି। ଏଥିରେ ଭାରତର ଦୁଇଟି ସହର ଦୁନିଆର ସବୁଠାରୁ ଶସ୍ତା ସହର ତାଲିକାରେ ଅନ୍ତର୍ଭୁକ୍ତ ହୋଇଛି।
‘୨୦୨୦ରେ ଓ୍ବାଲର୍ଡ ଓ୍ବାଇଡ କଷ୍ଟ ଅଫ୍ ଲିଭିଂ ସର୍ଭେ’ ଉପରେ ଆଧାର କରି ଇକୋନୋମିକ୍ ଇଣ୍ଟେଲିଜେନ୍ସ ୟୁନିଟ (EIU) ଦ୍ୱାରା ବିଶ୍ୱର ୧୩୦ ସହରର ମାନ୍ୟତା ପ୍ରକାଶ ପାଇଛି। ଏଥିରେ, ଯେଉଁଠାରେ ହଂକଂ ଏବଂ ପ୍ୟାରିସ ସବୁଠୁ ଦାମୀ ସହର ତାଲିକାରେ ଅନ୍ତର୍ଭୁକ୍ତ। ତେବେ ଭାରତର ବେଙ୍ଗାଲୁରୁ ଏବଂ ଚେନ୍ନାଇ ଶସ୍ତା ସହର ତାଲିକାରେ ଅନ୍ତର୍ଭୁକ୍ତ ହୋଇଛି।
ଏହି ସର୍ବେକ୍ଷଣ ଅନୁଯାୟୀ, ଦାମସକସ୍ ଏବଂ ତାସକେଣ୍ଟ ହେଉଛି ଏସିଆର ଦୁଇଟି ସହର ଯାହାକି ବିଶ୍ୱର ସବୁଠାରୁ ଶସ୍ତା ସହର ତାଲିକାରେ ପ୍ରଥମ ଏବଂ ଦ୍ୱିତୀୟ ସ୍ଥାନରେ ରହିଛି। ସର୍ଭେ ଅନୁଯାୟୀ ଭାରତ, ବେଙ୍ଗାଲୁରୁ ଏବଂ ଚେନ୍ନାଇର ଉଭୟ ସହର ମିଳିତ ଭାବେ ୯ମ ସ୍ଥାନରେ ଥିବାବେଳେ ଶେଷ ର଼୍ୟାଙ୍କ୍ରେ ଚେନ୍ନାଇ ଅଷ୍ଟମ, ବେଙ୍ଗାଲୁରୁ ୯ମ ଏବଂ ନୂଆଦିଲ୍ଲୀ ଦଶମ ସ୍ଥାନରେ ରହିଛି। ଏଠାରେ ରହିବା, ଖାଇବା ପିଇବା, ଭଡ଼ା, ଅଫିସକୁ ଯିବା ଏବଂ ବାହାରକୁ ଯିବା ଖର୍ଚ୍ଚରେ ବିଦ୍ୟୁତ୍ ଏବଂ ଜଳ ବିଲ୍ ଅନ୍ତର୍ଭୁକ୍ତ। ଏହା ବ୍ୟତୀତ ସହରର ପରିବହନ, ବଜାର ମଧ୍ୟ ଏହି ସର୍ଭେରେ ଅନ୍ତର୍ଭୁକ୍ତ ହୋଇଛି।
ଦୁନିଆର ସବୁଠାରୁ ଶସ୍ତା ସହର ତାଲିକାରେ ଦାମସକସ ୧ ନମ୍ବରରେ, ତାସକେଣ୍ଟ ୨ ନମ୍ବରରେ, ଲୁସାକା ଏବଂ କାରାକାସ ତୃତୀୟ ସ୍ଥାନରେ, ଆଲମାଟି ୫ମ, କରାଚି ଏବଂ ବୁଏନୋସ ଆଇରେସ ୬ଷ୍ଠ ସ୍ଥାନରେ, ଅଷ୍ଟମ ସ୍ଥାନରେ ଆଲଜେର୍ ଏବଂ ବେଙ୍ଗାଲୁରୁ ଏବଂ ଚେନ୍ନାଇ ଅଷ୍ଟମ ସ୍ଥାନରେ ରହିଛି।
