ଗଞ୍ଜାମ,୨୧।୫(ବିଦ୍ୟାଧର ସାହୁ): ଚଳିତବର୍ଷ ଯୁକ୍ତଦୁଇ ବିଜ୍ଞାନରେ ରାଜ୍ୟରେ ୨ୟ ସ୍ଥାନ ଅଧିକାର କରିଛନ୍ତି ଦୁର୍ଗାମାଧବ ବାରିକ l ଗଞ୍ଜାମ ସହର ଦୁର୍ଗାଦେବୀ ସାହି ବାସିନ୍ଦା ତଥା ଶିକ୍ଷକ ପ୍ରମୋଦ କୁମାର ବାରିକ ଓ ମାତା ବନଜା ବାରିକଙ୍କ ପୁଅ ଦୁର୍ଗା ଚଳିତବର୍ଷ ଯୁକ୍ତ ଦୁଇ ବିଜ୍ଞାନରେ ୫୯୬ ନମ୍ବର ରଖି ରାଜ୍ୟରେ ୨ୟ ସ୍ଥାନ ଅଧିକାର କରିଛନ୍ତି l ସେ ବ୍ରହ୍ମପୁରସ୍ଥିତ ନାଳନ୍ଦା ଶ୍ରୀ ଉଚ୍ଚମାଧ୍ୟମିକ ବିଦ୍ୟାଳୟର ଛାତ୍ର ଅଟନ୍ତି। ଦୁର୍ଗାଙ୍କ ଏହି ସଫଳତା ଗଞ୍ଜାମ ପାଇଁ ଗର୍ବ ଆଉ ଗୌରବ l ପିଲାବେଳୁ ମେଧାବୀ ଛାତ୍ର ଥିବା ତୃତୀୟ ଓ ପଞ୍ଚମ ଶ୍ରେଣୀରେ ବୃତ୍ତି ଓ ନବମ ଶ୍ରେଣୀରେ ପଠାଣି ସାମନ୍ତ ବୃତ୍ତି ପାଇଥିଲେ। ମାଟ୍ରିକରେ ମଧ୍ୟ ବ୍ଲକ ଟପ୍ପର ଥିଲେ l ଭଗବାନଙ୍କ ଆଶୀର୍ବାଦ ଆଉ ବାପା ମା’ଙ୍କ ପ୍ରେରଣା ଓ ଶିକ୍ଷକ ଶିକ୍ଷୟିତ୍ରୀଙ୍କ ଉଚିତ ଶିକ୍ଷା ଏହି ସଫଳତା ଆଣିଥିବା ଦୁର୍ଗାମାଧବ ଗଣମାଧ୍ୟମକୁ କହିଛନ୍ତି l ଏହାସହ ନିଷ୍ଠା, ପରିଶ୍ରମ ଓ ଏକାଗ୍ରତା ସଫଳତାର ମୂଳମନ୍ତ୍ର ବୋଲି କହିବା ସହ ଭବିଷ୍ୟତରେ ଭଲ ମଣିଷଟିଏ ହେବା ସହ ଇଞ୍ଜିନିୟର ହେବାର ଲକ୍ଷ୍ୟ ଥିବା କହିଛନ୍ତି l ଗଞ୍ଜାମ ସହରରେ ଏହି ଭଳି ସଫଳତା ପ୍ରଥମଥର ହୋଇଥିବା ଜଣାପଡ଼ିଛି l ଏହି ସଫଳତା ପାଇଁ ଦୁର୍ଗାଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁହ ଛୁଟିଛି l
Dharitri – Odisha’s No.1 Odia Daily
