ସଙ୍କଟରେ ପୁରୀ ସହରର ମଧୁର ଜଳଭଣ୍ଡାର

ପୁରୀ ଅଫିସ,୨୫।୮: ପୁରୀ ସହରର ମଧୁର ଜଳଭଣ୍ଡାର ସରି ସରି ଆସୁଛି। ବ୍ୟାପକ ହୋଟେଲ ଶିଳ୍ପ ଓ ବେଆଇନ ବୋର୍‌ୱେଲ ଖନନ ଯୋଗୁ ମଧୁର ଜଳଭଣ୍ଡାରର ଜଳସ୍ତର କମିବାରେ ଲାଗିଛି। ସମୁଦ୍ରକୂଳବର୍ତ୍ତୀ ଅଞ୍ଚଳରେ ମଧୁର ଜଳଭଣ୍ଡାର ଏକ ଦୁର୍ଲଭ ସମ୍ପଦ। ତାହାର ସଂରକ୍ଷଣ ଏକାନ୍ତ ଆବଶ୍ୟକ ହୋଇଥିଲେ ମଧ୍ୟ ସହରରେ ଠିକ୍‌ ଭାବେ ସଂରକ୍ଷଣ କରାଯାଉ ନ ଥିବା ଦେଖିବାକୁ ମିଳୁଛି। ପୁରୀ ସହରରେ ୬ଶହ ଏକର ପରିବ୍ୟାପ୍ତ ୨ଟି ମଧୁର ଜଳଭଣ୍ଡାର ରହିଛି। ତାହା ହେଉଛି ତାଳବଣିଆ ଓ ବଳିଆପଣ୍ଡା। ୨୦୧୭ ମସିହା ନ୍ୟାଶନାଲ୍‌ ଗ୍ରୀନ ଟ୍ରିବ୍ୟୁନାଲ୍‌ ରାଜ୍ୟ ମୁଖ୍ୟ ଶାସନ ସଚିବଙ୍କୁ ଚିଠି ଲେଖି ଜଣାଇଥିଲେ ଯେ, ପୁରୀର ମଧୁର ଜଳଭଣ୍ଡାର ଅଞ୍ଚଳରେ କୌଣସି ପ୍ରକାର ଜବରଦଖଲ ହୋଇପାରିବ ନାହିଁ। ସେହିଭଳି ରାଜ୍ୟ ସରକାର ମଧୁର ଜଳଭଣ୍ଡାରର ସୁରକ୍ଷା ଦିଗରେ ଆନୁଷଙ୍ଗିକ ପଦକ୍ଷେପ ନେବେ। ମାତ୍ର ସମୟ ସହ ଏହି ନିର୍ଦ୍ଦେଶକୁ ରାଜ୍ୟ ସରକାର ଅବମାନନା କରିଆସିଛନ୍ତି। ବିଡ଼ମ୍ବନା ଏହା ଯେ, ପୁରୀ ସହରର ଅଧିକାଂଶ ହୋଟେଲ ଏହି ମଧୁର ଜଳଭଣ୍ଡାର ଛାତି ଉପରେ ନିର୍ମାଣ ହୋଇଛି। ଲକ୍ଷ ଲକ୍ଷ ପର୍ଯ୍ୟଟକ ପୁରୀକୁ ଆସି ହୋଟେଲରେ ରହୁଥିବା ବେଳେ ହୋଟେଲ ଶିଳ୍ପ ବେଆଇନ ବୋର୍‌ୱେଲ ଖନନ କରି ମଧୁର ଜଳଭଣ୍ଡାରକୁ ଶେଷ କରିବାରେ ଲାଗିଛନ୍ତି।

ଜିଲା ପ୍ରଶାସନ ରାଜ୍ୟ ଜଳ ନିଗମ(ୱାଟ୍‌କୋ)କୁ ପୁରୀ ସହରରେ ଜଳ ଯୋଗାଣ ଦାୟିତ୍ୱ ଦେଇଛି। ଫଳରେ ଉଭୟ ସରକାରୀ ଓ ଘରୋଇ ସଂସ୍ଥା ସମେତ ସହରବାସୀଙ୍କ ଘରକୁ ୱାଟକୋ ଜଳ ଯୋଗାଉଛି। ଦୈନିକ ହଜାର ହଜାର ଲିଟର ଜଳ ଘରୋଇ ହୋଟେଲର ବ୍ୟବହାର କରାଯାଉଥିବା ବେଳେ ଏହାର ଏକ ସିଂହ ଭାଗ ମଧୁର ଜଳଭଣ୍ଡାରରୁ ଯାଉଛି। ଅନ୍ୟପକ୍ଷେ ୱାଟ୍‌କୋ ନଦୀଜଳକୁ ଅତ୍ୟାଧୁନିକ ପଦ୍ଧତିରେ ବିଶୋଧିତ କରି ସହରବାସୀଙ୍କ ସମେତ ଅନ୍ୟ ସଂସ୍ଥାକୁ ଜଳ ଯୋଗାଉଛନ୍ତି। ପୁରୀ ସହରକୁ ପ୍ରବାହିତ ଭାର୍ବଗୀ ଓ କାଦୁଆ ନଦୀର ଜଳକୁ ବ୍ୟବହାର କରି ଜଳ ଯୋଗାଣ କରାଯାଉଛି। ପୁରୀ ସହର ସମେତ ବ୍ୟାପକ ହୋଟେଲ ଶିଳ୍ପକୁ ପାନୀୟ ଜଳ ସମେତ ସ୍ବରେଜ ଜଳ ଯୋଗାଣରେ ୱାଟ୍‌କୋର କ୍ଷମତା ରହିଛି। ମାତ୍ର ପ୍ରଶାସନିକ ଅବହେଳା କାରଣରୁ ହୋଟେଲ ଶିଳ୍ପକୁ ୱାଟକୋ ଅନ୍ତର୍ଭୁକ୍ତ କରାଯାଇପାରୁ ନାହିଁ। ହେଲେ ମଧୁର ଜଳ ଭଣ୍ଡାର ଉପରେ ମାଳମାଳ ହୋଟେଲ ନିର୍ମାଣ ହେବାରେ ଲାଗିଛି। ହୋଟେଲ ନିର୍ମାଣ ପାଇଁ ପ୍ରଶାସନ ପକ୍ଷରୁ ଅନୁମତି ମଧ୍ୟ ମିଳୁଛି। ପୁରୀ ସହରରେ ୱାଟକୋ ଦୈନିକ ୩୯ ମିଲିୟନ ଲିଟର ଜଳ ଯୋଗାଉଛି। ଏଥିରେ ଉଭୟ ଘରୋଇ ଓ ବ୍ୟବସାୟ ଅନୁଷ୍ଠାନ ସାମିଲ ଅଛନ୍ତି। ତେବେ ଅଧିକାଂଶ ହୋଟେଲ ଶିଳ୍ପ ପୁରୀ ସହରର ଦୈନନ୍ଦିନ ଆବଶ୍ୟକର ଅଧା ପରିମାଣ ଜଳ ବୋରୱେଲ ଯୋଗେ ବ୍ୟବହାର କରୁଥିବା ସରକାରୀ ସ୍ତରରେ ଆକଳନ କରାଯାଉଛି। ୱାଟକୋ ପ୍ରବନ୍ଧକ ଭବାନୀ ମହାନ୍ତି କହିଛନ୍ତି, ପୁରୀ ସହରରେ ବ୍ୟବସାୟିକ ଅନୁଷ୍ଠାନ ସବୁ ଜଳ ଯୋଗାଣ ପ୍ରକ୍ରିୟାରେ ସାମିଲ ହୋଇଥିଲେ ମଧ୍ୟ ଏହାର ଏକ ବଡ଼ଭାଗ ବଞ୍ଚିଯାଇଛନ୍ତି। ତେବେ ସ୍ବେରେଜ ଉଦ୍ଦେଶ୍ୟରେ ଅନେକ ହୋଟେଲ ଶିଳ୍ପ ପାଣି ନେଉଥିଲେ ମଧ୍ୟ ପାନୀୟ ଜଳ ନେଉଥିବା ହୋଟେଲ ସଂଖ୍ୟା ଯଥେଷ୍ଟ କମ୍‌।

ଅନ୍ୟପଟେ ୱାଟକୋ କାର୍ଯ୍ୟାଳୟରୁ ମିଳିଥିବା ସୂଚନା ଅନୁଯାୟୀ, ଜୁଲାଇ ସୁଦ୍ଧା ପାନୀୟ ଜଳ ପାଇଁ ୩୦ ହଜାର ୭୯୬, ୩୧୯ଟି ସରକାରୀ କାର୍ଯ୍ୟାଳୟ, ୧୧୬ଟି ଶିକ୍ଷା ଓ ସ୍ବାସ୍ଥ୍ୟ ଅନ୍ୟାନ୍ୟ ଅନୁଷ୍ଠାନ ଓ ୨୭୧ଟି ବ୍ୟବସାୟିକ ଅନୁଷ୍ଠାନ ୱାଟ୍‌କୋଠାରୁ ପାଣି ନେଉଛନ୍ତି। ସେହିଭଳି ସ୍ବେରେଜ ବାବଦକୁ ୭୪୧୭ ଗୃହ, ୭୮୫ ବ୍ୟବସାୟିକ ଅନୁଷ୍ଠାନ ଓ ୫୩ଟି ଅନ୍ୟାନ୍ୟ ଅନୁଷ୍ଠାନ ପାଣି ନେଉଛନ୍ତି। ସେହିଭଳି ସମୁଦାୟ ୩୧ହଜାର ୫୦୨ ଜଣଙ୍କୁ ପାନୀୟ ଜଳ ଯୋଗାଣ ଓ ୮୨୫୫ ଜଣଙ୍କୁ ସ୍ବରେଜ ବାବଦକୁ ଜଳଯୋଗାଣ କରାଯାଉଛି। ପୁରୀରେ ହୋଟେଲ ସଂଖ୍ୟା ଅତି କମ୍‌ରେ ଏକ ହଜାର ହେବ। ଏହା ମଧ୍ୟମରେ ବଡ଼ବଡ଼ ହୋଟେଲଠାରୁ ଆରମ୍ଭ କରି ଲଜିଂ ପର୍ଯ୍ୟନ୍ତ ସମସ୍ତେ ସାମିଲ। ମାତ୍ର ଏମାନଙ୍କୁ ଜଳଯୋଗାଣ ପାଇଁ ବାଧ୍ୟ କରାଯାଉ ନାହିଁ। ସେହିଭଳି ମଧୁର ଜଳଭଣ୍ଡାର ଅଞ୍ଚଳରେ ବୋରୱେଲ ନିର୍ମାଣ ବେଆଇନ ହୋଇଥିଲେ ମଧ୍ୟ ଏନେଇ କାହାରି ନିଘା ନାହିଁ। ଏନେଇ ଉପଜିଲାପାଳ ଭବତାରଣ ସାହୁ କହିଛନ୍ତି, ସମ୍ପୃକ୍ତ ଅଞ୍ଚଳରେ ବୋରୱେଲ ନିର୍ମାଣ ପାଇଁ ବ୍ୟବସାୟିକ ଅନୁଷ୍ଠାନକୁ ଅନୁମତି ଦିଆଯାଉନାହିଁ। ଯାଞ୍ଚ ମଧ୍ୟ କରାଯାଉଛି। ବୁଦ୍ଧିଜୀବୀ ହେକ୍ଟର ମିଶ୍ର କହିଛନ୍ତି, ପୁରୀର ମଧୁର ଜଳଭଣ୍ଡାରକୁ ସୁରକ୍ଷା ଦେବା ଦରକାର। ପର୍ଯ୍ୟଟନ କ୍ଷେତ୍ର ଭାବେ ପୁରୀ କ୍ରମାଗତ ଭାବେ ବିକାଶ ହେଉଛି, ଏଣୁ ଗ୍ରୀନ ଟ୍ରିବ୍ୟୁନାଲ୍‌ର ନିର୍ଦ୍ଦେଶ କ୍ରମେ ରାଜ୍ୟ ସରକାର ଓ ଜିଲା ପ୍ରଶାସନ ମିଳିତ ଭାବେ ମଧୁର ଜଳଭଣ୍ଡାରକୁ ସୁରକ୍ଷା ଦେବା ଦରକାର।


Enter your email to get our daily news in your inbox.

All Right Reserved By Dharitri.Com

ପୁରସ୍କାର ପରେ ପରିଷ୍କାର ନାହିଁ

ଅନୁଗୋଳ ଅଫିସ,୧୮ା୧୧ – ସ୍ବଚ୍ଛ ପରିବେଶ ସହ ଅନ୍ୟ ଉନ୍ନତିକର କାର୍ଯ୍ୟ ପାଇଁ ଗତବର୍ଷ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟକୁ ମିଳିଥିଲା କାୟାକଳ୍ପ ପୁରସ୍କାର। ମୋଟ୍‌...

ରୋଷେଇ କଲା ସମୟରେ ଭୟାବହ ଅଗ୍ନିକାଣ୍ଡ: ସ୍ତ୍ରୀ ମୃତ, ସ୍ବାମୀ ଗୁରୁତର

ନୟାଗଡ଼ ଅଫିସ, ୩୧।୮: ରୋଷେଇ ସମୟରେ ଭୟାବହ ଅଗ୍ନିକାଣ୍ଡ ଘଟି ସ୍ତ୍ରୀଙ୍କ ମୃତ୍ୟୁ ଘଟିଥିବା ବେଳେ ସ୍ବାମୀ ଗୁରୁତର ହୋଇଛନ୍ତି। ଏଭଳି ଅଭାନୀୟ ଘଟଣା ଘଟିଛି...

ଫେରିବେ ୧୪୭୦: କ୍ୱାରାଣ୍ଟାଇନ୍‌ କଡ଼ାକଡ଼ି କରିବାକୁ ଦାବି

ବିଜେପୁର,୨୬ା୪(ଡି.ଏନ୍‌.ଏ.) : କରୋନା ପ୍ରତିହତ ପାଇଁ କରାଯାଇଥିବା ଦ୍ବିତୀୟ ପର୍ଯ୍ୟାୟ ଲକ୍‌ଡାଉନ୍‌ ଖୋଲିବାକୁ ଆଉ ମାତ୍ର ୭ ଦିନ ବାକି ରହିଛି। ଏହା ଖୋଲିବା ମାତ୍ରକେ...

ଜବତ ହେଲା ୨୬ ଲକ୍ଷ ଟଙ୍କାର ବ୍ରାଉନସୁଗାର

ଭଦ୍ରକ ଅଫିସ, ୬।୮: ଭଦ୍ରକ ଜିଲା ପୁରଣାବଜାର ପୋଲିସ ଶୁକ୍ରବାର ନଙ୍ଗାମହଲା ଅଞ୍ଚଳରୁ ୨୬୦ ଗ୍ରାମ୍‌ ବ୍ରାଉନସୁଗାର ଜବତ କରିଛି। ପୋଲିସ ଘଟଣାରେ ସମ୍ପୃକ୍ତ ୨ଜଣ...

ଚିକିତ୍ସା ଅଭାବରୁ ଚାଲିଗଲା ମା’ -ଶିଶୁଙ୍କ ଜୀବନ

ଝାରସୁଗୁଡ଼ା ଅଫିସ,୨୧ା୯: ଝାରସୁଗୁଡ଼ା ଜିଲା ମୁଖ୍ୟ ଚିକିତ୍ସାଳୟରେ ମଙ୍ଗଳବାର ପ୍ରସବ ପରେ ଜଣେ ପ୍ରସୂତି ଓ ନବଜାତ ଶିଶୁର ମୃତ୍ୟୁ ହୋଇଛି। ମୃତକଙ୍କ ପରିବାର ଲୋକେ...

ଡାକ୍‌ତରଖାନା ପରିସର ପାଲଟିଛେ ମଶାମାଛିକର ଭୂସରଗ

ଅତାବିରା, ୫।୩ (ଡି.ଏନ୍‌.ଏ.)- ବରଗଡ଼ ଜିଲା ଅତାବିରା ବ୍ଲକ ଲରମ୍ଭାରେ ଥିବାର ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ପରିସରକେ ବାହାରର ଅସ୍‌କୁରା ପାଏନ୍‌ ପଶୁଛେ। ପରିସରରେ ସବୁବେଲେ ପାଏନ୍‌...

ନିମ୍ନମାନର କାମ, ବାରମ୍ବାର ଭୁଶୁଡୁଛି ସ୍ପର

ରାଜନଗର, ୩ା୮(ଡି.ଏନ୍‌.ଏ.): ରାଜନଗର ବ୍ଲକର ଜୀବନରେଖା କେରେଡ଼ାଗଡ଼-ଅଳତାଙ୍ଗ ବନ୍ୟା ପ୍ରତିରୋଧକ ବନ୍ଧ ପ୍ରତି ହଂସୁଆ ନଦୀ ବିପଦ ସୃଷ୍ଟି କରିଛି। ହଂସୁଆ ମୁହଁରେ ଥିବା ବନ୍ୟା...

ବାଉରୀଯୋର ପୋଲ ଉପରେ ୭ଫୁଟ ପାଣି: ବୀରମହାରାଜପୁରରୁ ରେଢ଼ାଖୋଲ, ବୌଦ୍ଧକୁ ଯୋଗାଯୋଗ ବିଚ୍ଛିନ୍ନ

ଅମରପାଲି, ୧୩।୮(ଡି.ଏନ.ଏ.): ବୀରମହାରାଜପୁର-ରେଢ଼ାଖୋଲ ରାସ୍ତାର ପିତାମହୁଲ ନିକଟ ବାଉରୀଯୋର ପୋଲ ଉପରେ ପ୍ରାୟ ୭ଫୁଟ ପାଣି ଜମି ପ୍ରବାହିତ ହେଉଥିବାରୁ ଉକ୍ତ ବାଟ ଦେଇ ଯାତାୟତ...

Advertisement
Archives

Model This Week