ଅହମ୍ମଦାବାଦ,୨୬।୧୨: ଭାରତୀୟ ତଟରକ୍ଷୀ ବାହିନୀ ସୋମବାର ଗୁଜୁରାଟର ଆରବ ସାଗର ଉପକୂଳରୁ ଏକ ପାକିସ୍ତାନୀ ବୋଟ୍କୁ ଜବତ କରିଛି। ବୋଟ୍ରେ ଥିବା ୧୦ଜଣ ପାକିସ୍ତାନୀ ନାଗରିକଙ୍କୁ ଗିରଫ କରାଯିବା ସହ ୪୦ କିଲୋଗ୍ରାମ ଡ୍ରଗ୍ସ,ବିଭିନ୍ନ ଅସ୍ତ୍ରଶସ୍ତ୍ର ଏବଂ ଗୁଳି ଜବତ କରାଯାଇଛି। ତେବେ ଡ୍ରଗ୍ସର ଆନୁମାନିକ ମୂଲ୍ୟ ୩୦୦ କୋଟି ଟଙ୍କା ବୋଲି କୁହାଯାଉଛି। ଏହି ଅପରେଶନ ୨୫ ଏବଂ ୨୬ ଡିସେମ୍ବର ରାତିରେ କରାଯାଇଥିବା ଆଇସିଜି ପକ୍ଷରୁ ସୂଚନା ଦିଆଯାଇଛି।
ଆଇସିଜି ଅଧିକାରୀ କହିବା ମୁତାବକ, ଗୁଜୁରାଟ ଏଟିଏସର ଗୁପ୍ତଚର ସୂଚନା ଦେଇଥିଲେ କି ଏକ ପାକିସ୍ତାନୀ ବୋଟ୍ ଭାରତୀୟ ସୀମାକୁ ପ୍ରବେଶ କରୁଛି। ଏହା ପରେ ୨୫ ଏବଂ ୨୬ ଡିସେମ୍ବର ରାତିରେ ଅପରେଶନ ଆରମ୍ଭ ହୋଇଥିଲା। ଏଥିରେ କୋଷ୍ଚଗାର୍ଡର ପ୍ରହରା ଜାହାଜ ଆଇସିଜିଏସ ଅରିଞ୍ଜୟକୁ ନିୟୋଜିତ କରାଯାଇଥିଲା।
