ଡ୍ରେସେଲଙ୍କୁ ଦ୍ୱିତୀୟ ସ୍ବର୍ଣ୍ଣ ପଦକ
8:36 amJuly 30, 2021July 30, 2021 / 21

ଟୋକିଓ, ୩୦।୭-
ଆମେରିକାର କାଏଲେବ ଡ୍ରେସେଲ ଅଲିମ୍ପିକ୍‌ ରେକର୍ଡ ଭାଙ୍ଗିବା ସହ ପୁରୁଷ ୧୦୦ ମିଟର ଫ୍ରିଷ୍ଟାଇଲ ଇଭେଣ୍ଟରେ ସ୍ବର୍ଣ୍ଣ ପଦକ ହାସଲ କରିଛନ୍ତି। ସେ ୪୭.୦୨ ସେକେଣ୍ଡ ସମୟ ନେଇ ସ୍ବର୍ଣ୍ଣିମ ସଫଳତା ପାଇଥିଲେ। ପ୍ରତିଦ୍ୱନ୍ଦ୍ୱିତା ତୀବ୍ର ସଂଘର୍ଷପୂର୍ଣ୍ଣ ହୋଇଥିଲା। ଅଷ୍ଟ୍ରେଲିଆର କାଏଲ କାମର୍ସ ମାତ୍ର ୦.୬ ସେକେଣ୍ଡ ସମୟ ଅଧିକ ନେଇ ରୌପ୍ୟ ପଦକରେ ସନ୍ତୁଷ୍ଟ ହୋଇଥିଲେ। ବ୍ରୋଞ୍ଜ ପଦକ ପାଇଥିଲେ ରୁଷିଆର କ୍ଲିମେଣ୍ଟ କୋଲେସ୍ନିକୋଭ। ଚଳିତ ଅଲିମ୍ପିକ୍ସରେ ଡ୍ରେସେଲଙ୍କର ଏହା ହେଉଛି ଦ୍ୱିତୀୟ ସ୍ବର୍ଣ୍ଣ ପଦକ। ପୂର୍ବରୁ ସେ ୪X୧୦୦ ମିଟର ରିଲେ ରେସ୍‌ରେ ସ୍ବର୍ଣ୍ଣ ପଦକ ପାଇଥିବା ଆମେରିକାର ଦଳର ସଦସ୍ୟ ଥିଲେ। ଡ୍ରେସେଲ ଆହୁରି ୪ଟି ଇଭେଣ୍ଟ ପାଇଁ ପଦକ ଦାବିଦାର ଅଛନ୍ତି। ସେ ଆଗକୁ ୧୦୦ ମିଟର ଓ ୫୦ ମିଟର ବଟରଫ୍ଲାଏ ଏବଂ ମିଡ୍‌ଲେ ଓ ମିକ୍ସଡ ମିଡ୍‌ଲେ ରିଲେରେ ଅଂଶଗ୍ରହଣ କରିବେ। ତେଣୁ ସେ ଚଳିତ ଅଲିମ୍ପିକ୍ସ ସନ୍ତରଣ ଇଭେଣ୍ଟର ବ୍ୟକ୍ତିଗତ ବିଭାଗରେ ସବୁଠାରୁ ସଫଳ ବକ୍ସର ହେବା ସମ୍ଭାବନା ରହିଛି। ଅଲିମ୍ପିକ୍‌ ଇତିହାସରେ ମାତ୍ର ୨ ସନ୍ତରଣକାରୀ କୌଣସି ଗୋଟିଏ ଗେମ୍ସରେ ୬ରୁ ଅଧିକ ପାଇଛନ୍ତି। ସେ ହେଉଛନ୍ତି ମାଇକେଲ ଫେଲପ୍ସ ଓ ମାର୍କ ସ୍ପିଜ୍‌। ୨୦୦୮ ବେଜିଂ ଅଲିମ୍ପିକ୍ସରେ ଫେଲପ୍ସ ୮ ଏବଂ ୧୯୭୨ ମ୍ୟୁନିଚ୍‌ ଅଲିମ୍ପିକ୍ସରେ ସ୍ପିଜ୍‌ ୭ ପଦକ ହାସଲ କରିଥିଲେ।