ସୋସିଆଲ ମିଡିଆରେ ଏକ ଭିଡିଓ ଏବେ ଭାଇରାଲ ହେଉଛି। ଯେଉଁଥିରେ ଜଣେ ମହିଳାଙ୍କ ସହ କିଛି କୁକୁର ଛୁଆ ମିଶି ଯୋଗ କରୁଛନ୍ତି। ମହିଳା ସୂର୍ଯ୍ୟ ନମସ୍କାର କରୁଥିବା ବେଳେ କୁକୁର ଛୁଆମାନେ ତାଙ୍କୁ ଦେଖି ଠିକ୍ ସେମିତି କରୁଛନ୍ତି।
Good morning with #Yoga friends@ParveenKaswan @NaveedIRS @SudhaRamenIFS @susantananda3 pic.twitter.com/pDXUOiar1f
— Rupin Sharma IPS (@rupin1992) April 13, 2021
ଭିଡିଓରେ ଦେଖିବାକୁ ମିଳିଛି ଘରେ ଜଣେ ମହିଳା ଯୋଗ କରୁଛନ୍ତି। ତାଙ୍କ ସହିତ ୪ଟି କୁକୁର ତାଙ୍କର ଅବିକଳ ନକଲ କରୁଛନ୍ତି। ମହିଳା ଠିଆ ହେଲେ କୁକୁରଛୁଆମାନେ ଠିଆ ହେଉଛନ୍ତି, ବସିଲେ ବସୁଛନ୍ତି, ସୂର୍ଯ୍ୟ ନମସ୍କାର କଲେ ସେମାନେ ମଧ୍ୟ ଠିଆ ହୋଇ ନମସ୍କାର କରୁଛନ୍ତି। ଭିଡିଓରେ ବ୍ୟାକ୍ଗ୍ରାଉଣ୍ଡ ମ୍ୟୁଜିକ୍ରେ ସନାତନ ଧର୍ମ ସମ୍ବନ୍ଧିତ ମନ୍ତ୍ର ଉଚ୍ଚାରଣ କରାଯାଉଥିବା ଶୁଣିବାକୁ ମିଳୁଛି। ଯାହାଦ୍ୱାରା ବାତାବରଣ ଖୁବ୍ ଆନନ୍ଦମୟ ହୋଇଉଠିଛି।
ଭିଡିଓକୁ ବନସେବା ଅଧିକାରୀ ରୁପିନ୍ ଶର୍ମା ସୋସିଆଲ ମିଡିଆରେ ଶେୟାର କରିଛନ୍ତି। ଏଥିରେ ସେ କ୍ୟାପଶନ ଲେଖିଛନ୍ତି, ଯେତେବେଳେ ଆପଣ ବେଷ୍ଟ ଫ୍ରେଣ୍ଡଙ୍କ ସହ ବଜାର ଯାଆନ୍ତି। ଭିଡିଓଟିକୁ ବର୍ତ୍ତମାନ ସୁଦ୍ଧା ୭ ହଜାରରୁ ଅଧିକ ଲୋକ ଦେଖିସାରିଲେଣି। ୬୦୦ରୁ ଅଧିକ ଲୋକ ଲାଇକ୍ କରିଛନ୍ତି। କିଛି ଲୋକ ବେଶ୍ ମଜାଳିଆ କମେଣ୍ଟ ଦେବା ସହ କୁକୁରଛୁଆଙ୍କ ପ୍ରଶଂସା କରୁଛନ୍ତି।
