ବେଜିଂ: ସାଧାରଣତଃ ଗୃହପାଳିତ ପ୍ରାଣୀଙ୍କ ମଧ୍ୟରେ ଲୋକଙ୍କର ଅଧିକ ସ୍ନେହ ଥାଏ କୁକୁର ପ୍ରତି । ଏବେ ଏମିତି ଏକ କୁକୁରର ଜନ୍ମଦିନରେ ୧୧ ଲକ୍ଷ ଟଙ୍କା ଖର୍ଚ୍ଚ ହେବା ଚର୍ଚ୍ଚାର ବିଷୟ ପାଲଟିଛି । ଚାଇନାର ଜଣେ ମହିଳା ତାଙ୍କ ପାଳିତ ଡଗି ଡୁଓ ଡୁଓର ଜନ୍ମଦିନରେ ୧୧ ଲକ୍ଷ ଟଙ୍କା ଖର୍ଚ୍ଚ କରିଛନ୍ତି । ଯାହାର ଭିଡିଓ ଏବେ ଟିକ୍ଟକ୍ରେ ଭାଇରାଲ ହେବାରେ ଲାଗିଛି । ଡେଲି ଷ୍ଟାରର ଖବର ଅନୁଯାୟୀ, କୁକୁରର ଜନ୍ମଦିନରେ ମହିଳା ଜଣକ ୫୨୦ଟି ଡ୍ରୋନର ବ୍ୟବହାର କରିଥିଲେ । ଏଥିରେ ‘ଡୁଓ ଡୁଓ ଏ ଭେରି ହାପି ବାର୍ଥ ଡେ’ ଓ ‘ୱିଶ ଡୁଓ ଡୁଓ ଏ ହାପି ୧୦ମ ବାର୍ଥଡେ’ ଲେଖା ଯାଇଥିଲା । କୁକୁର ଜନ୍ମଦିନର ଏହି ଭିଡିଓ ଚାଇନିଜ ପ୍ଲାଟଫର୍ମ ଟିକ୍ଟକ୍ରେ ଅପଲୋଡ ହେବା ପରେ ଏବେ ଏହା ଖୁବ୍ ଭାଇରାଲ ହୋଇଛି । ୩୦ ମିନିଟ ଧରି ଚାଲିଥିବା ଡ୍ରୋନ୍ ଶୋ’ରେ କୁକୁରଙ୍କ ଶବ୍ଦ ଭଳି ହାପି ବାର୍ଥ ଡେ ସଙ୍ଗ ଗାନ କରାଯାଇଥିଲା । ଏହି ଭିଡିଓକୁ ଦେଖିବା ପରେ ସୋସିଆଲ ମିଡିଆ ୟୁଜର୍ସ ଭିନ୍ନ ଭିନ୍ନ ମତ ଦେଇଛନ୍ତି । କେହି କହିଛି ଏହା ଅର୍ଥର ଅପବ୍ୟବହାର, କିଏ କହିଛି ମୁଁ ଆଗାମୀ ଜନ୍ମରେ କୁୁକର ହୋଇ ଜନ୍ମ ହେବାକୁ ଚାହୁଁଛି । ଆଉ କିଏ ଲେଖିଛି ଏମିତି ଅର୍ଥ ନଷ୍ଟ କରିବା ଅପେକ୍ଷା ପ୍ରାଣୀଙ୍କ ଚ୍ୟାରିଟି ପାଇଁ ଖର୍ଚ୍ଚ କରିଥିଲେ ଭଲ ହୋଇଥାଆନ୍ତା । ଏମିତି ଆହୁରି ଅନେକ ।
