ବେଙ୍ଗାଲୁରୁ,୩।୪ : କର୍ନାଟକର ଶିବମୋଗା ଜିଲାରେ ଏକ ଅଭାବନୀୟ ଘଟଣା ଘଟିଛି। ଏଠାରେ ଥିବା ଜିଲା ସରକାରୀ ହସ୍ପିଟାଲରୁ ଜଣେ ନବ ଜାତକଙ୍କୁ କୁକୁର ଟାଣିନେଇ ବାହାରକୁ ନେଇ ଝୁଣି ଖାଇଛି। ସୁରକ୍ଷା ଦାୟିତ୍ୱରେ ଥିବା ସୁରକ୍ଷାକର୍ମୀ କୁକୁରଠାରୁ ନବଜାତକଙ୍କୁ ଆଣିବାକୁ ଉଦ୍ୟମ କରିଥିଲେ। ତେବେ ସେତେବେଳକୁ ନବଜାତକଙ୍କର ମୃତ୍ୟୁ ଘଟି ସାରିଥିଲା।
ପ୍ରସୂତୀ ଓ୍ବାର୍ଡରେ କୁକୁର ପଶି ନବଜାତକଙ୍କୁ ଟାଣିନେଇଥିବା ହସ୍ପିଟାଲ ପକ୍ଷରୁ କୁହାଯାଇଛି। ଏସମ୍ପର୍କରେ ଓ୍ବାର୍ଡର କେହି ଜାଣି ପାରି ନ ଥିଲେ।
ଡାକ୍ତରଖାନାର ସୁରକ୍ଷାକର୍ମୀମାନେ କହିଛନ୍ତି, ସେମାନେ କୁକୁର ପାଟିରେ ପିଲାଟିକୁ ଦେଖିଥିଲେ। ତା’ପରେ କୁକୁର ପଉରେ ଗୋଡାଇ ନବଜାତକଙ୍କୁ ଛାଡାଇଈବାକୁ ଉଦ୍ୟମ କରାଯାଇଥିଲା। ଶନିବାର ପ୍ରାୟ ସକାଳ ୭ ଟା ସମୟରେ କୁକୁରଟି ହସ୍ପିଟାଲର ପ୍ରସୂତୀ ୱାର୍ଡ ପାଖରେ ବୁଲାବୁଲି କରୁୁଥିଲା। ନବଜାତକଙ୍କୁ କୁକୁରର କବଳରୁ ଉଦ୍ଧାର କରାଯାଇଥିଲା। ଏହା ପରେ ଡାକ୍ତରମାନେ ତାଙ୍କୁ ପରୀକ୍ଷା କରିଥିଲେ। ସେତେବେଳକୁ ତାଙ୍କର ମୃତ୍ୟୁ ଘଟି ସାରିଥିଲା।
ପୋଲିସ ଏଫଆଇଆର୍ ରୁଜୁ କରି ତଦନ୍ତ ଆରମ୍ଭ କରିଛି। ଶିଶୁର ମାତାପିତା ଏପର୍ଯ୍ୟନ୍ତ ଚିହ୍ନଟ ହୋଇନାହାଁନ୍ତି। ପୋଲିସର ସୂଚନାନୁସାରେ, ପୋଷ୍ଟମର୍ଟମ ପରେ ନବଜାତକଙ୍କର ମୃତ୍ୟୁର ପ୍ରକୃତ ସମୟ ଜଣା ପଡିବ। ଅଧିକାରୀମାନେ ଗର୍ଭବତୀ ମହିଳାଙ୍କ ରେକର୍ଡ ଯାଞ୍ଚ କରିବା ପାଇଁ ନିକଟସ୍ଥ ସମସ୍ତ ଘରୋଇ ଏବଂ ସରକାରୀ ଡାକ୍ତରଖାନା ପହଞ୍ଚିିଛନ୍ତି।
