ବେଳେ ବେଳେ ଆମ ଖାଦ୍ୟ ପାନୀୟ ଓ ଅନିୟମିତ ଜୀବନ ଶୈଳୀ ଯୋଗୁ ଆମେ ଗଣ୍ଠି ଯନ୍ତ୍ରଣା ଭୋଗ କରିଥାଏ । ସେଥିପାଇଁ ଡାକ୍ତରଙ୍କ ପରାମର୍ଶ କ୍ରମେ କିଛି କିଛି ଖାଦ୍ୟକୁ ପରିତ୍ୟାଗ କରିବାକୁ ପଡିଥାଏ । ଏମିତି ହେଲେ ଗଣ୍ଠି ବା ଜଏଣ୍ଟ ପେନ୍ ଭଲ ହୋଇଥାଏ । ଜଏଣ୍ଟ ପେନ୍ରେ ବିଶେଷ ଭାବେ କ’ଣ କ’ଣ ଖାଇବା ଉଚିତ ନୁହେଁ ତାହା ବି ଆମେ ଜାଣି ରଖିବା ଦରକାର ।
-ଯେଉଁମାନଙ୍କର ଜଏଣ୍ଟ ପେନ୍ ରହିଛି ସେମାନେ କେବେବି ଆର୍ଟିଫିସିଆଲ୍ ସୁଗାର ଖାଇବା ଉଚିତ୍ ନୁହେଁ । କାରଣ ଏହାଦ୍ୱାରା ଶରୀରର ଓଜନ ବୃଦ୍ଧି ହୋଇଥାଏ । ଏଥିରେ ବହୁ ପରିମାଣରେ ପ୍ରୋଟିନ ଥିବାରୁ ଏହା ମାଂସପେଶୀ ଦରଜର କାରଣ ପାଲଟି ଯାଇଥାଏ । ଆଉ ଶରୀରର ଓଜନ ବଢିଯିବା ଫଳରେ ଏହା ଜଏଣ୍ଟ ପେନ୍ ସୃଷ୍ଟି କରିଥାଏ ।
-ଟମାଟୋରେ ରହିଛି ବହୁ ପରିମାଣରେ ୟୁରିକ ଏସିଡ୍ । ଯାହା ଜଏଣ୍ଟ ପେନ୍ ପାଇଁ ଭଲ ନୁହେଁ । ଟମାଟୋ ଖାଇବା ଦ୍ୱାରା ଜଏଣ୍ଟ ପେନ୍ ବଢି ଯାଇଥାଏ । ଟମାଟୋ ଖାଇବା ଦ୍ୱାରା ପାଦ ଫୁଲିଯାଇଥାଏ ଫଳରେ ଜଏଣ୍ଟ ପେନ୍ ବଢିଯାଇଥାଏ । ତେଣୁ ଜଏଣ୍ଟ ପେନ୍ ଥିବା ବ୍ୟକ୍ତିଙ୍କୁ ଟମାଟୋ ଖାଇବାକୁ ବାରଣ କରାଯାଇଥାଏ ।
-ସେହିପରି କିଛି ଭେଜିଟେବଲ ଅଏଲ୍ ମଧ୍ୟ ଜଏଣ୍ଟ ପେନ୍ ପାଇଁ ଭଲ ନୁହେଁ ବୋଲି କୁହାଯାଏ । ଯେମିତିକି ମକା ତେଲ, ସୂର୍ଯ୍ୟମୁଖି ତେଲ, ସୋୟାବିନ୍ ତେଲ । ଏହା ଶରୀରର ଓଜନ ବୃଦ୍ଧି କରି ପାଦ ଉପରେ ଚାପ ପକାଉଥିବାରୁ ଏସବୁ ତେଲ ଖାଇବାକୁ ବାରଣ କରାଯାଇଥାଏ ।
