ଛତ୍ରପୁର,୭ା୮(ଦିଲୀପ ସାମଲ): ଗଞ୍ଜାମ ଜିଲା ଛତ୍ରପୁର ବ୍ଲକ ଅନ୍ତର୍ଗତ ମୁନିସିପେଣ୍ଠ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ହିଞ୍ଜିଳିକାଟୁ ଉପଖଣ୍ଡ ଚିକିତ୍ସାଳୟର ଅଧୀକ୍ଷକ ଡାକ୍ତର ଶ୍ରୀକାନ୍ତ ସାହୁ ନେତୃତ୍ୱରେ ଏକ ଜିଲାସ୍ତରୀୟ ୩ ଜଣିଆ ପ୍ରତିନିଧି ଦଳ ଶୁକ୍ରବାର ପରିଦର୍ଶନ କରିଛନ୍ତି। ଏହି ଟିମ୍ରେ ଡା. ପଲ୍ଲବୀ ପରିଡା ଓ ଡା. ପ୍ରେମାନନ୍ଦ ଥିଲେ। ସ୍ବାସ୍ଥ୍ୟକେନ୍ଦ୍ରରେ ଏହି ଟିମ୍ ଇଞ୍ଜେକ୍ସନ ପ୍ରିଭେନସନ କଣ୍ଟ୍ରୋଲ ଆଦିର ସମୀକ୍ଷା କରିଛନ୍ତି। ଏଥିସହ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ପ୍ରସବ ଗୃହ, ଅସ୍ତ୍ରୋପଚାର ଗୃହ, ପରୀକ୍ଷାଗାର କେନ୍ଦ୍ର, ଓପିଡି, ଆଇପିଡି ଏବଂ ଅନ୍ୟାନ୍ୟ ୟୁନିଟ୍ଗୁଡ଼ିକ ବୁଲି ଦେଖିଥିଲେ। ସ୍ବାସ୍ଥ୍ୟକେନ୍ଦ୍ର୍ର ସମସ୍ତ ୟୁନିଟ୍ଗୁଡ଼ିକ ଗାଇଡଲାଇନ୍ସ ଅନୁସାରେ ସବୁ କାର୍ଯ୍ୟ ଠିକ୍ ରୂପେ ତ୍ୱରାନ୍ବିତ ହେଉଥିବାରୁ ଟିମ୍ ଅଧୀକ୍ଷକ ଡାକ୍ତର ସ୍ବାଧୀନ ରଥ ଏବଂ ଅନ୍ୟମାନଙ୍କୁ ପ୍ରଂଶସା କରିଥିଲେ । ଏହି ଅବସରରେ ଡାକ୍ତର ଅଜିତ ନାୟକ, ପିଏଚଇଓ ବରୁଣ ପାଣିଗ୍ରାହୀ, ବିପିଏମ ଶଶାଙ୍କ ଶେଖର ପଣ୍ଡା, ବିଏଏମ ଦେବାଶିଷ ପାତ୍ର, ବିଡ଼ିଏମ ଶିବାନୀ ସେନାପତିଙ୍କ ସମେତ ଫାର୍ମାସିଷ୍ଟ ଓ ନର୍ସ ମାନେ ଉପସ୍ଥିତ ଥିଲେ l
