ଦିଗପହଣ୍ଡି,୪ା୨(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ଚଷାନିମଖଣ୍ଡି ପଞ୍ଚାୟତ ପୋଡ଼ାବାଡ଼ି ଗ୍ରାମରେ ବୁଧବାର ସିପିଆଇର ଶାଖା ସମ୍ମିଳନୀ ଅନୁଷ୍ଠିତ ହୋଇଯାଇଛି । କମ୍ରେଡ. ବିଶିକେଶନ ବଢ଼େଇଙ୍କ ଅଧ୍ୟକ୍ଷତାରେ ଆୟୋଜିତ ସମ୍ମିଳନୀରେ ସିପିଆଇ ଗଞ୍ଜାମ ଜିଲା କମିଟି ସଦସ୍ୟ କମ୍ରେଡ. ଅଳକ ନାଥ ମିଶ୍ର ଅତିଥିଭାବେ ଯୋଗଦେଇ ରାଜ୍ୟ ଓ ଜାତୀୟ ସ୍ତରରେ ସାମ୍ପ୍ରତିକ ରାଜନୈତିକ ସ୍ଥିତି ସମ୍ପର୍କରେ ଆଲୋଚନା କରିଥିଲେ । ଦରଦାମ ବୃଦ୍ଧି ରୋକିବାରେ ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କ ବିଫଳତାକୁ ସେ ତୀବ୍ର ସମାଲୋଚନା କରିଥିଲେ । ସରକାରୀ ଧାନମଣ୍ଡିମାନଙ୍କରେ କଟନି ଛଟନି ନାଁରେ ଚାଷୀଙ୍କୁ ଶୋଷଣ କରାଯାଉଛି ବୋଲି ସେ ଉଲ୍ଲେଖ କରିଥିଲେ । ଗ୍ରାମର ପୋଖରୀ ପୁନଃରୁଦ୍ଧାର କରାଯିବା ସହ ଗ୍ରାମକୁ କଂକ୍ରିଟ ରାସ୍ତା ନିର୍ମାଣ କରିବା ନେଇ ଦାବି କରିଥିଲେ ।
ତାଳପଡ଼ା, ପୋଡ଼ାବାଡ଼ି, ଧେରେଣ୍ଡି, ନୂଆଗୁମା, ପୁରୁଣାଗୁମା ଗ୍ରାମକୁ ଲକ୍ଷ୍ମୀ ବସ ଚଳାଚଳ କରିବା। ସମସ୍ତ ଯୋଗ୍ୟ ହିତାଧିକାରୀଙ୍କୁ ରାସନ କାର୍ଡ ପ୍ରଦାନ କରିବା ସହ ଚାଉଳ ଯୋଗାଇଦେବା। ବୃଦ୍ଧା ବୃଦ୍ଧ ଓ ଦିବ୍ୟାଙ୍ଗଙ୍କୁ ଭତ୍ତା ପ୍ରଦାନ କରାଯିବ। ଭୂମିହୀନଙ୍କୁ ଜମି ଓ ଗୃହହୀନଙ୍କୁ ଆବାସ ଯୋଜନାରେ ସାମିଲ କରାଯିବା। ଦଖଲ ଜଙ୍ଗଲ ଜମିର ସମ୍ପୃକ୍ତ ପରିବାରଙ୍କୁ ପଟ୍ଟା ଯୋଗାଇଦେବା। ପୋଡ଼ାବାଡ଼ି ଗାଁ ଠାରୁ ପନାଡ ଗାଁକୁ କଂକ୍ରିଟ ରାସ୍ତା ନିର୍ମାଣ କରାଯିବା।
ଗ୍ରାମସଭା କରାଯାଇ ବିଭିନ୍ନ ପ୍ରକଳ୍ପ ନିର୍ମାଣ ପାଇଁ ସରକାରୀ ଅନୁଦାନ ଯୋଗାଇଦେବା ପ୍ରଭୃତି ଦାବି ନେଇ ସମ୍ମିଳନୀରେ ସବିଶେଷ ଆଲୋଚନା କରାଯାଇ ପ୍ରସ୍ତାବ ଗୃହୀତ କରାଯାଇଥିଲା। ସମସ୍ତ ଜନ ସମସ୍ୟାର ସ୍ଥାୟୀ ସମାଧାନ ପାଇଁ ପାର୍ଟି ପକ୍ଷରୁ ଗଣ ଆନ୍ଦୋଳନ ପାଇଁ ନିଷ୍ପତ୍ତି ନିଆଯାଇଥିଲା। ଏହି ସମ୍ମିଳନୀରେ ସିପିଆଇ ଶାଖା ସମ୍ପାଦକ କମ୍ରେଡ. ସୋମନାଥ ଦଳାଇ, ସହ – ସମ୍ପାଦକ କମ୍ରେଡ. ରାଜେଶ କୁମାର ଦଳାଇ, ସକ୍ରିୟ ସଭ୍ୟ ଲକ୍ଷ୍ମୀ ଦଳାଇ, ଶଙ୍କର ସେଠୀ, ପ୍ରଦୀପ କୁମାର ଦଳାଇ, ଦୁର୍ଯୋଧନ ପ୍ରଧାନ, ଯୁବରାଜ ପ୍ରଧାନ, ହରିଶ୍ଚନ୍ଦ୍ର ଦଳାଇ, ରାମକୃଷ୍ଣ ଦଳାଇ, ତପସ୍ଵିନୀ ନାୟକ ପ୍ରମୁଖ ବହୁ ସଂଖ୍ୟକ ପାର୍ଟି ସଦସ୍ୟ ଉପସ୍ଥିତ ଥିଲେ ।
