ନୂଆଦିଲ୍ଲୀ,୨୦।୨: ସିଙ୍ଗାପୁର-ଭାରତ ମଧ୍ୟରେ ସହଜ ହେବ ଡିଜିଟାଲ ପେମେଣ୍ଟ। ସିଙ୍ଗାପୁରରେ ରହୁଥିବା ଭାରତୀୟ ୟୁପିଆଇ ମାଧ୍ୟମରେ ସମ୍ପର୍କୀୟଙ୍କୁ ବିନା କୌଣସି ଅସୁବିଧାରେ ଟଙ୍କା ଟ୍ରାନ୍ସଫର କରିପାରିବେ। ମଙ୍ଗଳବାର ଭାରତ ଏବଂ ସିଙ୍ଗାପୁର ମଧ୍ୟରେ ରିଅଲ ଟାଇମ ପେମେଣ୍ଟ ସିଷ୍ଟମ ଲିଙ୍କେଜ ବ୍ୟବସ୍ଥା ଆରମ୍ଭ ହେବ। ଫଳରେ ଦୁଇ ଦେଶ ମଧ୍ୟରେ ଅତି ସହଜରେ ଟଙ୍କା ନେଣଦେଣ ହୋଇପାରିବ। ଭିଡିଓ କନଫରେନ୍ସିଂ ମାଧ୍ୟମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ସିଙ୍ଗାପୁରର ପ୍ରଧାନମନ୍ତ୍ରୀ ଲି ସିନ ଲୋଙ୍ଗ କାର୍ଯ୍ୟକ୍ରମରେ ଉପସ୍ଥିତ ରହି ପେମେଣ୍ଟ ସିଷ୍ଟମ ଲିଙ୍କେଜ ବ୍ୟବସ୍ଥା ଶୁଭାରମ୍ଭ କରିବେ। ଭାରତର ୟୁପିଆଇ ଏବଂ ସିଙ୍ଗାପୁରର ପେ ନାଓ ସଂଯୋଗ ହେବ। ଭାରତରୁ ଆରବିଆଇ ଗଭର୍ନର ଶକ୍ତିକାନ୍ତ ଦାସ ଏବଂ ସିଙ୍ଗାପୁରର ମୁଦ୍ରା ପ୍ରାଧିକରଣର ପରିଚାଳନା ନିର୍ଦ୍ଦେଶକ ରବି ମେନନ ଏହି ସୁବିଧା ଆରମ୍ଭ କରିବେ ବୋଲି ଜଣାପଡିଛି।
