ମୁମ୍ବାଇ,୬।୫:ଆଇପିଏଲ ୨୦୨୧ ଅର୍ନିଦ୍ଦିଷ୍ଟ କାଳ ପାଇଁ ବାତିଲ କରାଯାଇଛି। ଧୀରେ ଧୀରେ ଖେଳାଳିମାନେ ନିଜ ଘରକୁ ଫେରୁଛନ୍ତି। ଏହି ସମୟରେ ଚେନ୍ନାଇ ସୁପର କିଙ୍ଗ୍ସର ଅଧିନାୟକ ମହେନ୍ଦ୍ର ସିଂ ଧୋନୀ ପ୍ରଶଂସକଙ୍କ ହୃଦୟ ଜିତିଛି। ଆଇପିଏଲ୍ ସ୍ଥଗିତ ହେବା ପରେ ସାଥୀ ଖେଳାଳିଙ୍କ ସହ ଏକ ଭର୍ଚୁଆଲ ବୈଠକରେ ଧୋନୀ କହିଛନ୍ତି ଯେ ଭାରତରେ ଆଇପିଏଲ ଚାଲିଥିବାରୁ ବିଦେଶୀ ଖେଳାଳି ଏବଂ ସପୋର୍ଟ ଷ୍ଟାଫ୍ଙ୍କୁ ବିଦେଶକୁ ଫେରିବା ପାଇଁ ପ୍ରାଥମିକତା ଦେବା ଉଚିତ୍। ଜଣେ ସିଏସକେ ସଦସ୍ୟ କହିଛନ୍ତି, ଧୋନୀ ହୋଟେଲର ଛାଡିବା ଦଳର ଶେଷ ବ୍ୟକ୍ତି ହେବେ। ସେ ବିଦେଶୀ ଏବଂ ପରେ ଭାରତୀୟ ଖେଳାଳିଙ୍କୁ ଘରକୁ ପଠାଇବା ପରେ ନିଜେ ଘରକୁ ଯିବେ ବୋଲି ନିଷ୍ପତ୍ତି ନେଇଛନ୍ତି। ସମସ୍ତେ ନିରାପଦରେ ନିଜ ଘରେ ନ ପହଞ୍ଚିବା ପର୍ଯ୍ୟନ୍ତ ସେ ଘରକୁ ଯିବେ ନାହିଁ ଧୋନୀ ପଣ କରିଛନ୍ତି। ଭାରତରେ କରୋନାର ଦ୍ୱିତୀୟ ଲହର କାୟା ବିସ୍ତାର କରିଥିବାବେଳେ ବିଦେଶୀ ଖେଳାଳି ଏନେଇ ଭୟଭୀତ ଅଛନ୍ତି।
ଦିଲ୍ଲୀର ଖେଳାଳିଙ୍କ ପାଇଁ ଚାର୍ଟାର୍ଡ ବିମାନ ପାଇଁ ସିଏସ୍କେ ସ୍ବତନ୍ତ୍ର ବ୍ୟବସ୍ଥା କରିଛି। ଚେନ୍ନାଇ ଖେଳାଳିଙ୍କ ପାଇଁ ଏକ ଦଶ ସିଟ ବିଶିଷ୍ଟ ବିମାନ ରାଜକୋଟ ଏବଂ ମୁମ୍ବାଇ ଛାଡିବ। ଏଥି ସହିତ ଅନ୍ୟ ଖେଳାଳିମାନେ ସାରେ ବେଙ୍ଗାଲୁରୁ ଏବଂ ଚେନ୍ନାଇ ଯାତ୍ରା କରିବେ। ଆଇପିଏଲରେ ଅଂଶଗ୍ରହଣ କରୁଥିବା ଇଂଲଣ୍ଡର ୧୧ ଖେଳାଳିଙ୍କ ମଧ୍ୟରୁ ଆଠ ଜଣ ବୁଧବାର ଘରକୁ ଫେରିଛନ୍ତି। ଆସନ୍ତା ୪୮ ଘଣ୍ଟା ମଧ୍ୟରେ ଇଂଲଣ୍ଡର ସୀମିତ ଓଭର ଫର୍ମାଟ ଅଧିନାୟକ ଇୟନ ମୋର୍ଗାନ, ଡେଭିଡ ମଲାନ ଏବଂ କ୍ରିସ ଜୋର୍ଡାନ ଭାରତ ଛାଡିବେ ବୋଲି ଆଶା କରାଯାଉଛି। ଆଇପିଏଲରେ ଅଂଶଗ୍ରହଣ କରୁଥିବା ଅଷ୍ଟ୍ରେଲୀୟ କ୍ରିକେଟରମାନେ ଶୀଘ୍ର ଚାର୍ଟାର୍ଡ ବିମାନ ଦ୍ୱାରା ମାଲଦ୍ୱୀପ ଅଭିମୁଖେ ଯାତ୍ରା କରିବେ, ଯେଉଁଠାରେ ସେମାନେ ଅଷ୍ଟ୍ରେଲିଆ ସୀମା ଖୋଲିବାକୁ ଅପେକ୍ଷା କରିବେ।
