ଇସ୍ପାତ ଶିଳ୍ପରେ ଓଡ଼ିଶା ଉଲ୍ଲେଖନୀୟ ଅଭିବୃଦ୍ଧି ହାସଲ କରୁଛି

ଓଡ଼ିଶା ଆଇରନ୍‌ ଓ ଷ୍ଟିଲ୍‌ ଶିଳ୍ପରେ ସ୍କାନ୍‌ ଗ୍ରୁପ୍‌ ବେଶ୍‌ ଜଣାଶୁଣା। ଏହାର ଫ୍ଲାଗଶିପ୍‌ କମ୍ପାନୀ ସ୍କାନ ଷ୍ଟିଲ୍‌ ଲିମିଟେଡ୍‌ ରାଜଗାଙ୍ଗପୁରରେ ଅବସ୍ଥିତ ଏହାର ଇଣ୍ଟିଗ୍ରେଟେଡ୍‌ ଷ୍ଟିଲ୍‌ ପ୍ଲାଣ୍ଟକୁ ପ୍ରତିନିଧିତ୍ୱ କରୁଥିବାବେଳେ ଗ୍ରାହକଙ୍କ ଦ୍ୱାରା ବେଶ୍‌ ଆଦୃତ ହୋଇପାରିଛି। ୨୦୧୪ରେ ଏହା ବିଏସ୍‌ଇରେ ତାଲିକାଭୁକ୍ତ ହେବାର ସଫଳତା ହାସଲ କରିପାରିଛି। ବର୍ଷ ବର୍ଷ ଧରି କମ୍ପାନୀ ଦ୍ୱାରା ଇସ୍ପାତ ତିଆରିରେ ସର୍ବବୃହତ୍‌ ଟିଏମ୍‌ଟି ଉତ୍ପାଦକ ଭାବେ ପରିଚିତ ହୋଇପାରିଛି। କମ୍ପାନୀର ଚେୟାରମ୍ୟାନ ରାଜେଶ ଗାଡ଼ୋଡିଆଙ୍କର ସହ ଏହି ଔଦ୍ୟୋଗିକ ଯାତ୍ରା ସମ୍ପର୍କରେ ଧରିତ୍ରୀର ସ୍ବତନ୍ତ୍ର ଆଲୋଚନା…

ପ୍ର-ଶିକ୍ଷା ଓ ଇସ୍ପାତ ଶିଳ୍ପରେ ଔଦ୍ୟୋଗିକ ଯାତ୍ରା କିପରି ରହିଛି?
ଉ-ମୋର ପ୍ରାରମ୍ଭିକ ଜୀବନଟି ଏକ ଦୃଢ଼ ବ୍ୟବସାୟମୁଖୀ ମନୋଭାବ ଏବଂ ଉଦ୍ୟମଶୀଳତା ପ୍ରତି ଅଭିରୁଚି ଦ୍ୱାରା ଗଠିତ ହୋଇଥିଲା। ମୁଁ ମୋର ବିଟେକ୍‌ ସମ୍ପନ୍ନ କରି ବେଙ୍ଗାଲୁରୁରୁ ଫେରିଲି ଏବଂ ମୋର ପିତାଙ୍କ ସହିତ ଏକ ବାଣିଜ୍ୟ କାର୍ଯ୍ୟ ଆରମ୍ଭ କଲି । ସେ ହିଁ ମୋର ବ୍ୟବସାୟ ନେତୃତ୍ୱ ଦକ୍ଷତାକୁ ଚିହ୍ନଟ କରିଥିଲେ। ୧୯୯୨ରେ ତାଙ୍କ ମାର୍ଗଦର୍ଶନରେ ମୁଁ ଓଡ଼ିଶାର ରାଜଗାଙ୍ଗପୁରରେ ଏକ ଛୋଟ କାରଖାନା ପ୍ରତିଷ୍ଠା କଲି। ଇସ୍ପାତ ଶିଳ୍ପରେ ଉନ୍ନତ ସମ୍ଭାବନା ଦେଖି ମୁଁ ଏହି ଶିଳ୍ପରେ ବ୍ୟବସାୟ ବୃଦ୍ଧି ନିମନ୍ତେ ଏହାକୁ ବିସ୍ତାର କଲି। ଏବେ ସ୍କାନ ଷ୍ଟିଲ୍‌ ଏକ ଅଗ୍ରଗାମୀ ବ୍ରାଣ୍ଡ ଭାବେ ପରିଚିତ, ଯାହା ନୂତନତ୍ୱ, ଗୁଣବତ୍ତା ଏବଂ ଅଦମ୍ୟ ପ୍ରୟାସ ଉପରେ ଆଧାରିତ।

ପ୍ର-ଓଡ଼ିଶାରେ ଇସ୍ପାତ ଶିଳ୍ପର ସ୍ଥିତି କିପରି ଦେଖୁଛନ୍ତି?
ଉ-ଇସ୍ପାତ ଶିଳ୍ପରେ ଓଡ଼ିଶା ଉଲ୍ଲେଖନୀୟ ଅଭିବୃଦ୍ଧି ହାସଲ କରୁଛି। ଏହି କ୍ଷେତ୍ରରେ ଭାରତର ସାମଗ୍ରିକ ସକାରାତ୍ମକ ପ୍ରଗତି ସହିତ ଏହି ଅଭିବୃଦ୍ଧି ମେଳ ଖାଉଛି। ନିକଟରେ ରାଜ୍ୟ ସରକାର ୩୨,୭୩୬ କୋଟି ଟଙ୍କା ମୂଲ୍ୟର ଶିଳ୍ପ ପ୍ରକଳ୍ପଗୁଡ଼ିକୁ ଅନୁମୋଦନ କରିଛନ୍ତି, ଯାହା ରାଜ୍ୟର ଶିଳ୍ପ କ୍ଷେତ୍ରକୁ ଆହୁରି ସୁଦୃଢ଼ କରିବ। ଏହି ଅନୁମୋଦନଗୁଡ଼ିକ ବୃହତ୍‌ ଶିଳ୍ପ ବିନିଯୋଗକୁ ଆକର୍ଷିତ କରିବ। ସମୃଦ୍ଧ ପ୍ରାକୃତିକ ସମ୍ପଦ, ଉତ୍କୃଷ୍ଟ ସ୍ଥାନ ଏବଂ ସରକାରୀ ନୀତି ଓଡ଼ିଶାକୁ ଭାରତର ଏକ ପ୍ରମୁଖ ଇସ୍ପାତ ଶିଳ୍ପ ବଜାର ଭାବେ ପ୍ରତିଷ୍ଠିତ କରିଛି ।

ପ୍ର-ଏ କ୍ଷେତ୍ରରେ ପ୍ରମୁଖ ଆହ୍ବାନ କ’ଣ ରହିଛି?
ଉ-ଓଡ଼ିଶାର ଇସ୍ପାତ ଶିଳ୍ପ କ୍ଷେତ୍ରରେ କଞ୍ଚାମାଲର ମୂଲ୍ୟ ପରିବର୍ତ୍ତନ, ଉଚ୍ଚ ଲଜିଷ୍ଟିକ୍‌ ଖର୍ଚ୍ଚ ଏବଂ ପରିବେଶ ସୁରକ୍ଷା ନିୟମ ଅନୁପାଳନ ଭଳି ଆହ୍ବାନର ସମ୍ମୁଖୀନ ହେବାକୁ ପଡ଼ିଥାଏ। ଭିତ୍ତିଭୂମିର ଅଭାବ ଏବଂ ବିଦ୍ୟୁତ୍‌ ଯୋଗାଣ ସମସ୍ୟା ମଧ୍ୟ ଉତ୍ପାଦନ କ୍ଷମତା ଉପରେ ପ୍ରଭାବ ପକାଇଥାଏ। ବିଶ୍ୱ ବଜାରର ଅସ୍ଥିରତା ଏବଂ ଆମଦାନୀ କ୍ଷେତ୍ରରେ ପ୍ରତିଯୋଗିତା ଦ୍ୱାରା ଚାପ ଆହୁରି ବୃଦ୍ଧି ପାଇଛି। କୁଶଳୀ ଶ୍ରମିକମାନଙ୍କୁ ନିୟୋଜିତ ରଖିବା ମଧ୍ୟ ସହଜ ବ୍ୟାପାର ନୁହେଁ। ଏହାସତ୍ତ୍ୱେ ଓଡ଼ିଶାର ଇସ୍ପାତ ଶିଳ୍ପରେ କ୍ରମାଗତ ଭାବେ ପୁଞ୍ଜି ବିନିଯୋଗ ଫଳରେ ଏଥିରେ ଅଭିବୃଦ୍ଧି ପରିଲକ୍ଷିତ ହେଉଛି।

ପ୍ର- ଆଗାମୀ ଦିନରେ କେଉଁ ସବୁ ଯୋଜନାକୁ ରୂପରେଖ ଦେବାକୁ ଯାଉଛନ୍ତି?
ଉ-କମ୍‌ ଖର୍ଚ୍ଚରେ ଉତ୍ପାଦନ, ଉତ୍ପାଦରେ ଉତ୍ତମ ଗୁଣବତ୍ତା ରକ୍ଷା, ନିଷ୍ଠାପର ମାନବ ସମ୍ବଳ ଏବଂ ସୁଦୃଢ଼ ଡିଷ୍ଟ୍ରବ୍ୟୁଶନ୍‌ ନେଟଓ୍ବର୍କ କାରଣରୁ ସ୍କାନ ଷ୍ଟିଲ୍‌ ଆଜି ଘରେ ଘରେ ପରିଚିତ ହୋଇପାରିଛି। ଆମେ ସର୍ବଦା ଦୀର୍ଘକାଳୀନ ସମ୍ପର୍କ ଉପରେ ବିଶ୍ୱାସ କରୁ। ବିଜନେସ୍‌ ପାର୍ଟନର ହୁଅନ୍ତୁ କି ଆମ କର୍ମଚାରୀ, ଆମେ ସମସ୍ତଙ୍କ ସହ ସୁସମ୍ପର୍କ ବଜାୟ ରଖୁ। ଆସନ୍ତା ୬ବର୍ଷ ମଧ୍ୟରେ ୬୦୦ କୋଟି ବିନିଯୋଗରେ ଆମେ ଷ୍ଟିଲ୍‌ ବ୍ୟବସାୟ ସମ୍ପ୍ରସାରିତ କରିବୁ। ସୁନ୍ଦରଗଡ଼ସ୍ଥିତ ଷ୍ଟିଲ୍‌ ପ୍ଲାଣ୍ଟ ସହ ଅନ୍ୟସ୍ଥାନରେ ପ୍ଲାଣ୍ଟ ପ୍ରସ୍ତୁତ କରାଯିବ। ସେହିପରି ଲଜିଷ୍ଟିକ୍‌, ରିଅଲ୍‌ ଇଷ୍ଟେଟ୍‌ ଏବଂ ଗ୍ରୀନ ଏନର୍ଜି କ୍ଷେତ୍ରରେ ମଧ୍ୟ ଆମେ ବ୍ୟବସାୟ ବଢ଼ାଇବାକୁ ଯୋଜନା ରଖିଛୁ। ଆମେ ବାର୍ଷିକ ୧୦ ହଜାର କୋଟି ଟର୍ନଓଭର ଲକ୍ଷ୍ୟ ରଖିଛୁ। ଆମେ ଏନ୍‌ଏସ୍‌ଇରେ ତାଲିକାଭୁକ୍ତ ହେବା ପ୍ରକ୍ରିୟାରେ ଅଛୁ, ଯାହା ଆମର ଶେୟାରକୁ ଉଭୟ ଏକ୍ସଚେଞ୍ଜରେ ବାଣିଜ୍ୟ କରିବାକୁ ସକ୍ଷମ କରିବ।

ପ୍ର- ନବାଗତଙ୍କ ପାଇଁ କ’ଣ ବାର୍ତ୍ତା ରହିବ?
ଉ- ବ୍ୟବସାୟରେ ସଫଳତା ପାଇଁ ଦୂରଦୃଷ୍ଟି ସମ୍ପନ୍ନ ହେବା ଆବଶ୍ୟକ। ସବୁବେଳେ ଉତ୍ପାଦରେ ଉତ୍ତମ ଗୁଣବତ୍ତାକୁ ପ୍ରାଧାନ୍ୟ ଦେବା ଦରକାର। ସତର୍କତା ସହ ପୁଞ୍ଜିନିବେଶ ଦ୍ୱାରା ଦୀର୍ଘକାଳୀନ ଅଭିବୃଦ୍ଧି ସୁନିଶ୍ଚିତ କରାଯାଇପାରିବ। ସୁସମ୍ପର୍କ ସ୍ଥାପନ କରିବା ସହ ଆହ୍ବାନର ମୁକାବିଲା ପାଇଁ ସର୍ବଦା ପ୍ରସ୍ତୁତ ରହିବା ଦରକାର। ସବୁବେଳେ ଶିକ୍ଷାଗ୍ରହଣ ପ୍ରକ୍ରିୟ ଜାରି ରଖିବା ଉଚିତ।

-ସାକ୍ଷାତ୍‌କାର: ଅନୁରାଧା ମହାରଣା, ଭୁବନେଶ୍ୱର


Enter your email to get our daily news in your inbox.

All Right Reserved By Dharitri.Com

ମାଡ଼ି ଆସୁଛି ବାତ୍ୟା ‘ଅକ୍ୱାନ’: ଆତଙ୍କିତ ସମୁଦ୍ର ତଟବର୍ତ୍ତୀ ଅଞ୍ଚଳବାସୀ

ଗଞ୍ଜାମ,୧୯।୧୧(ବିଦ୍ୟାଧର ସାହୁ ): ବାତ୍ୟା ଅର୍ଣ୍ଣବର ତାଣ୍ଡବ ଲୋକଙ୍କ ମନରୁ ଲିଭି ନ ଥିବା ବେଳେ ବାତ୍ୟା ଅକ୍ୱାନକୁ ନେଇ ଚିନ୍ତାରେ ଅଞ୍ଚଳବାସୀ l ବାତ୍ୟା ଅକ୍ୱାନ…

୧୦୦ ରନ ପୂର୍ବରୁ ୫ ୱିକେଟ ପଡ଼ିଲା, ତା’ପରେ ଟିମ ଇଣ୍ଡିଆ ଉପରେ ଜୋରଦାର ପ୍ରେସର; ୬୮୦ ରନରେ ଇନିଂସ ଘୋଷଣା କଲା ନ୍ୟୁଜିଲ୍ୟାଣ୍ଡ

ନୂଆଦିଲ୍ଲୀ,୧୯।୧୧: ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ ବର୍ତ୍ତମାନ ‘ବେସିନ ରିଜର୍ଭ’ (Basin Reserve) ଠାରେ ଚାଲିଛି। ଗୁରୁବାର (ନଭେମ୍ବର ୧୯) ଆରମ୍ଭ ହୋଇଥିବା…

ବାତ୍ୟା ମୁକାବିଲା ପାଇଁ କୋରାପୁଟ ପ୍ରଶାସନ ପ୍ରସ୍ତୁତ:  ୧୬ ଭୂସ୍ଖଳନ ପ୍ରବଣ ଅଞ୍ଚଳ ଉପରେ ରହିଛି ନଜର…

କୋରାପୁଟ,୧୯ା୧୧(ଅମିତାଭ ବେହେରା ) ସମ୍ଭାବ୍ୟ ବାତ୍ୟା ‘ଅକ୍ୱାନ’କୁ ନେଇ ସଜାଗ ହୋଇଛି କୋରାପୁଟ ଜିଲା ପ୍ରଶାସନ। ବାତ୍ୟା ମୁକାବିଲା, ଉଦ୍ଧାର ଓ ରିଲିଫ୍‌ କାର୍ଯ୍ୟ ପାଇଁ ସମସ୍ତ…

ଅଶାନ୍ତ ସମୁଦ୍ରରେ ଫସିଲେ ଆନ୍ଧ୍ର ମତ୍ସ୍ୟଜୀବୀ, ସହଯୋଗର ହାତ ବଢ଼ାଇଲା ଗଞ୍ଜାମ ପ୍ରଶାସନ

ଛତ୍ରପୁର,୧୯।୧୧(ଦିଲ୍ଲୀପି ସାମଲ): ସମ୍ଭାବ୍ୟ ବାତ୍ୟା ଓ ସମୁଦ୍ରର ଅଶାନ୍ତ ପରିସ୍ଥିତି ଯୋଗୁ ନିଜ ଅଞ୍ଚଳକୁ ଫେରି ନ ପାରି ଓଡ଼ିଶା ଉପକୂଳରେ ଆଶ୍ରୟ ନେଇଛନ୍ତି ଆନ୍ଧ୍ରପ୍ରଦେଶର ମତ୍ସ୍ୟଜୀବୀ।…

ବାତ୍ୟା ଅକ୍ବାନ ମୁକାବିଲା ପ୍ରସ୍ତୁତିର ସମୀକ୍ଷା କଲେ ମହାକାଳପଡ଼ା ବିଧାୟକ, ଆଶ୍ରୟସ୍ଥଳୀରେ ଲୋକଙ୍କୁ ଭେଟି ଦେଲେ ସାହସ

ମହାକାଳପଡ଼ା,୧୯ା୧୧(ପ୍ରତାପ ଚନ୍ଦ୍ର ସ୍ୱାଇଁ): ମାଡ଼ି ଆସୁଛି ବାତ୍ୟା ଅକ୍ବାନ । ଏହାକୁ ମୁକାବିଲା ପାଇଁ ରାଜ୍ୟ ସରକାର ଉପକୂକ ଅଞ୍ଚଳରେ ଆଲର୍ଟ ଜାରି କରିଛନ୍ତି । ଏ…

ଭାରତକୁ ଧମକ ଦେଇଥିବା ପାକିସ୍ତାନୀ ମନ୍ତ୍ରୀ ମୁସାଦିକ ଆସୁଛନ୍ତି ଦିଲ୍ଲୀ, ଜାଣନ୍ତୁ ସେ କ’ଣ କହିଥିଲେ…

ଇସଲାମାବାଦ/ନୂଆଦିଲ୍ଲୀ,୧୯।୧୧: ପାକିସ୍ତାନ ମନ୍ତ୍ରୀ ମୁସାଦିକ ମଲିକ, ଯିଏ ପୂର୍ବରୁ ଭାରତ ବିରୋଧରେ ଧମକ ଦେଇଥିଲେବର୍ତ୍ତମାନ ତାଙ୍କର ଆଗାମୀ ଭାରତ ଗସ୍ତ ଆଲୋଚନାର ବିଷୟ ପାଲଟିଛି। ସେ ପଡ଼ୋଶୀ…

ବାତ୍ୟା ଅକ୍ବାନ, ୯ ହଜାର ଲୋକଙ୍କୁ ଆଶ୍ରୟସ୍ଥଳୀକୁ ନେଲା ପ୍ରଶାସନ

ରାଜନଗର,୧୯ା୧୧ (ଭାସ୍କର ରାଉତରାୟ ): ବଙ୍ଗୋପସାଗରରେ ସୃଷ୍ଟି ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ କେନ୍ଦ୍ରାପଡ଼ା ଜିଲା ପ୍ରଶାସନ ପକ୍ଷରୁ ତତ୍ପରତା ପ୍ରକାଶ ପାଇଛି । କେନ୍ଦ୍ରାପଡ଼ା ଜିଲାପାଳ…

‘ସେହୱାଗ’ ହୋଇଥିବାର ମୂଲ୍ୟ ଆର୍ଯ୍ୟବୀରଙ୍କୁ ଦେବାକୁ ପଡ଼ିଛି; କାହିଁକି ଏମିତି କହିଲେ ପିତା ବୀରେନ୍ଦ୍ର ସେହଓ୍ବାଗ? ଜାଣନ୍ତୁ ଏହାର କାରଣ

ନୂଆଦିଲ୍ଲୀ,୧୯।୧୧: ବୀରେନ୍ଦ୍ର ସେହୱାଗ କ୍ରିଜରେ ଥିବାବେଳେ ନିର୍ଭୀକ ବ୍ୟାଟିଂ ପାଇଁ ଏବଂ ମାଇକ୍ରୋଫୋନ ସାମ୍ନାରେ ନିଜ ମତାମତକୁ ସ୍ପଷ୍ଟ ଓ ଖୋଲାଖୋଲି ଭାବେ ରଖିବା ପାଇଁ ଜଣାଶୁଣା;…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?