ଗଞ୍ଜାମ,୨୫।୪: (ବିଦ୍ୟାଧର ସାହୁ ): ଗଞ୍ଜାମ,୨୫।୪: (ବିଦ୍ୟାଧର ସାହୁ ): ଦୁଇ ଦିନିଆ ଗଞ୍ଜାମ ଜିଲା ଗସ୍ତରେ ଆସୁଥିବା ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା ଶନିବାର ଗଞ୍ଜାମ ସହର ସ୍ଥିତ ଐତିହାସିକ ପୋତାଗଡ଼ ଦୁର୍ଗ ପରିଦର୍ଶନ କରିଥିଲେ । କମିଶନର ତଥା ଓଡ଼ିଶା ପର୍ଯ୍ୟଟନ ବିଭାଗ (ଓଡ଼ିଶା )ବଳବନ୍ତ ସିଂହ, ଜିଲାପାଳ ଭି କୀର୍ତ୍ତି ଭାସନ,ଛତ୍ରପୁର ବିଧାୟକ କୃଷ୍ଣ ଚନ୍ଦ୍ର ନାୟକ,ବିଡ଼ିଓ ଅଚ୍ୟୁତାନନ୍ଦ ଯାନୀ, ଏନଏସି ଅଧକ୍ଷା ପ୍ରତିଭା ପାଢ଼ୀ, ଏନଏସି ଇଓ ଅପର୍ଣ୍ଣା ଡାଙ୍ଗୁଆ ପ୍ରମୁଖ ଉପସ୍ଥିତ ଥିଲେ ।ବହୁ ପୁରାତନ ଏହି ଐତିହାସିକ ପୋତାଗଡ଼ର ଉନ୍ନତିକରଣ କାର୍ଯ୍ୟ କିପରି ଚାଲିଛି, ଏଠାରେ ପର୍ଯ୍ୟଟକମାନଙ୍କ ପାଇଁ କ’ଣ ବ୍ୟବସ୍ଥା ରହିଛି ଏବଂ ଏହାର ବ୍ଲୁ ପ୍ରିଣ୍ଟ ପ୍ରସ୍ତୁତ ହୋଇଛି କି ନାହିଁ ବିଭାଗୀୟ ଅଧିକାରୀଙ୍କୁ ପଚାରି ବୁଝିଥିଲେ ଉପମୁଖ୍ୟମନ୍ତ୍ରୀ। ପ୍ରତ୍ନତତ୍ତ୍ୱ ବିଭାଗ ପକ୍ଷରୁ ପୋତାଗଡ଼ରେ ଚାଲିଥିବା ଉନ୍ନତିକରଣ କାର୍ଯ୍ୟ ବର୍ତ୍ତମାନ ବନ୍ଦ ଥିବା ଏବଂ ଧିମା ଗତିରେ ଉନ୍ନୟନ କାର୍ଯ୍ୟ ଚାଲିଥିବା କଥା ପଦାରେ ପଡିଥିଲା। ପର୍ଯ୍ୟଟକମାନଙ୍କୁ ଆକୃଷ୍ଟ କରିବା ଲାଗି ଆକର୍ଷଣୀୟ ମୁଖ୍ୟ ଫାଟକ, ଶୌଚାଳୟ, ପାନୀୟ ଜଳ ବ୍ୟବସ୍ଥା, ହାଇମାକ୍ସ ଲାଇଟ, ଡିସପ୍ଲେ ବୋର୍ଡ ଆଦି ଲଗାଯିବା ପାଇଁ ପୂର୍ବରୁ ବ୍ଲୁ ପ୍ରିଣ୍ଟ ପ୍ରସ୍ତୁତ ହୋଇଥିବା ଆଲୋଚନା ହୋଇଥିଲା। ପୋତାଗଡ଼ରେ ପର୍ଯ୍ୟଟନସ୍ଥଳୀର ସାମଗ୍ରିକ ବିକାଶ ଉପରେ ଉପମୁଖ୍ୟମନ୍ତ୍ରୀ ଗୁରୁତ୍ୱାରୋପ କରିଥିଲେ। ପୋତାଗଡ଼ଠାରେ ନୂତନ ଭାବେ ନିର୍ମାଣ ହୋଇଥିବା କଲ୍ୟାଣୀ ମଣ୍ଡପ ଓ ପୋତାଗଡ଼କୁ ଲାଗି ରହିଥିବା ଋଷିକୂଲ୍ୟା ନଦୀକୁ ସଂଯୋଗ ସ୍ଥଳ ବୁଲି ଦେଖିଥିଲେ ଉପମୁଖ୍ୟମନ୍ତ୍ରୀ । ପୂର୍ବରୁ ଏଠାରେ ୧ କୋଟି ୭୦ ଲକ୍ଷ ଟଙ୍କାରେ ବିଭିନ୍ନ ଉନ୍ନତିମୂଳକ କାର୍ଯ୍ୟ ଚାଲିଥିବାବେଳେ ୨୦୧୮/୧୯ ଆର୍ଥିକ ବର୍ଷରେ ତ୍ରୟୋଦଶ ଅର୍ଥ କମିଶନ ପକ୍ଷରୁ ତିନି କୋଟି ବ୍ୟୟ ଅଟକଳରେ ମାରିଟାଇମ ମ୍ୟୁଜିୟମ, ଐତିହ୍ୟ ଗେଟ୍ ଏବଂ ସାମୁଦ୍ରିକ ସଂଗ୍ରହଳୟ ଇତ୍ୟାଦି ନିର୍ମାଣ ହେବ ବୋଲି ବିଭାଗ ପକ୍ଷରୁ କୁହାଯାଇଥିଲା । ଉପମୁଖ୍ୟମନ୍ତ୍ରୀଙ୍କ ପରିଦର୍ଶନ ବେଳେ ଭାଜପା ଜିଲା ସଭାପତି ସରୋଜ ସାବତ, ଗଞ୍ଜାମ ଏନଏସି ମଣ୍ଡଳ ସଭାପତି ଭଗବାନ ପ୍ରଧାନ, ବିଧାୟକ ପ୍ରତିନିଧି ରାନୁ ବୈଠାରୁ, ଭାଜପା ଯୁବ ନେତା ନିରଞ୍ଜନ ତରାଇ, ପପୁ ମାହାନ୍ତି ପ୍ରମୁଖ ଉପସ୍ଥିତ ଥିଲେ।
