ନିର୍ବାଚନ ଖର୍ଚ୍ଚ ବାହାର କରିବାରେ ବ୍ୟସ୍ତ ନେତା, ନେତ୍ରୀ

ଦେବଗଡ଼, ୨୧ା୨(ଡି.ଏନ୍‌.ଏ.): ଜିଲାର ଏକମାତ୍ର ନିର୍ବାଚନ ମଣ୍ଡଳୀ ଦେବଗଡ଼। ତିନି ବ୍ଲକର ୭୦ପଞ୍ଚାୟତ ଏବଂ ଦେବଗଡ଼ ପୌରପାଳିକାର ୧୧ଟି ୱାର୍ଡକୁ ନେଇ ଗଠିତ ଏହି ନିର୍ବାଚନମଣ୍ଡଳୀ। ହେଲେ ରାଜନୀତିର ପଶାପାଲିେରେ ଆଜି ଏହି ନିର୍ବାଚନ ମଣ୍ଡଳୀ ଓ ଜିଲା ବହୁ ପଛରେ ପଡ଼ିଛି। ରାଜ୍ୟର ଅନ୍ୟ ଜିଲା ଯେଉଁପରି ବିକାଶ କରି ଚାଲିଛି, ତାହା ଏଠାରେ ପରିଲକ୍ଷିତ ହେଉନାହିଁ। ହେଲେ ସୋସିଆଲ ମିଡିଆରେ ଉନ୍ନତିର ସୁନେଲି ସ୍ବପ୍ନ କେତେଜଣ ରାଜନେତା ବାଣ୍ଟି ଚାଲିଛନ୍ତି। କିନ୍ତୁ ଜିଲାର ଉନ୍ନତି ନାହିଁ। ସତେ ଯେପରି ଦେବଗଡ଼ ଉନ୍ନତି କଥା କାହାରି ଚିନ୍ତା ନାହିଁ।
ଦେବଗଡ଼ ରାଜନୀତିରେ ପଞ୍ଚାୟତଠାରୁ ପୌରପାଳିକା ଅବା ଜିଲା ପରିଷଦଠାରୁ ବିଧାନସଭା ନିର୍ବାଚନ ସବୁଥିରେ ଜିତିଲା ପରେ ନେତା, ନେତ୍ରୀମାନେ ଜିତିବା ପାଇଁ ଯେତିକି ଖର୍ଚ୍ଚ ହୋଇଛି ସେହି ଖର୍ଚ୍ଚକୁ କେମିତି ଶୀଘ୍ର ଭରଣା କରିବେ ରାତିଦିନ ଚିନ୍ତା କରୁଛନ୍ତି। ଜିଲାର ଉନ୍ନତି କଥା ଚିନ୍ତା କରିବାକୁ ସମୟ ନାହିଁ। ଯେଉଁଟା ବି ଉନ୍ନତିକରଣ କାର୍ଯ୍ୟ ହେଉଛି ତାହା ସରକାରଙ୍କ ପକ୍ଷରୁ ହିଁ ହେଉଛି। ସେତିକିରେ ହିଁ ନେତାମାନେ ସନ୍ତୁଷ୍ଟ। ଅନ୍ୟପକ୍ଷରେ ଜିତିଥିବା ନେତାମାନଙ୍କର ଜିଲାର ଉନ୍ନତି ପାଇଁ ବ୍ଲୁ ପ୍ରିଣ୍ଟ ପ୍ରସ୍ତୁତ କରିବା କାହାରି ଚିନ୍ତାରେ ନାହିଁ। କେବଳ ଆରୋପ, ପ୍ରତ୍ୟାରୋପରେ ନେତାମାନେ ବ୍ୟସ୍ତ। ସେଇଟା ବି ସୋସିଆଲ ମିଡ଼ିଆରେ ପୋଷ୍ଟ କରୁଛନ୍ତି। ଫଳରେ ଅନ୍ୟ ଜିଲା, ଓଡ଼ିଶାର ଲୋକ ଦେବଗଡ଼ ରାଜନୀତିର ଭିତିରି କଥା ଦେଖି ଚର୍ଚ୍ଚା କରୁଥିବା ଜଣାପଡ଼ିଛି। ଜିଲାର କଥା ପଦାରେ ପଡିଲେ ବି ଦେବଗଡ଼ର ନେତାମାନଙ୍କୁ କିଛି ଫରକ ପଡେ ନାହିଁ। ନିର୍ବାଚନ ଖର୍ଚ୍ଚ କେମିତି ଉଠାଇବେ ସେଥିପାଇଁ ବାଟ ଖୋଜନ୍ତି। ନିଜେ ଠିକାଦାର ସାଜନ୍ତି କିମ୍ବା ନିଜ ଲୋକଙ୍କୁ ଠିକାଦାରୀ କାମ ଦିଅନ୍ତି। ଖାଲି ଏତିକି ନୁହେଁ, ନେତାଙ୍କ ନିଜସ୍ବ ଫଣ୍ଡକୁ କିଛି ଶତକଡାରେ ପିସି ନେଇ ଚୁପ ହୋଇ ରହିଯାଆନ୍ତି। ଏପରିକି କିଛି କର୍ମୀ ଠିକା କାମ ପାଇ ନ ଥିବାରୁ ଅସନ୍ତୁଷ୍ଟ ଥିବା ଦେଖିବାକୁ ମିଳିଛି। ଆଉ କେତେକ କାମକୁ ନିଜର ପଦବୀର ପାୱାର ବଳରେ ବିନା କାମରେ ମିଥ୍ୟା ବିଲ୍‌ କରିଦେବା, କିଛି ସରକାରୀ, ବେସରକାରୀ ଅନୁଷ୍ଠାନରୁ ମୋଟା ଅଙ୍କର ଚାନ୍ଦା ଆଦାୟ କରିବା ମଧ୍ୟ ସୂଚନା ମିଳିଛି। ଯଦି ଶାସକ ଦଳ କିମ୍ବା ବିରୋଧୀ ଦଳ କୌଣସି ଘଟଣାକୁ ନେଇ ସୋସିଆଲ ମିଡିଆ, ଫେସ ବୁକ୍‌ରେ ପୋଷ୍ଟ କରୁଛନ୍ତି ତାହା ହେଲେ ଦୁଇ ଦଳ ମଧ୍ୟରେ ସୋସିଆଲ ମିଡ଼ିଆରେ ଆରମ୍ଭ ହେଉଛି କମେଣ୍ଟ ଯୁଦ୍ଧ। କିଛି ନେତା ଫେକ୍‌ ଫେଶବୁକ୍‌ ଖୋଲି ଏମିତି କମେଣ୍ଟ ଦେଉଛନ୍ତି ଯାହା କହିହେବ ନାହିଁ କି ପଢି ହେବ ନାହିଁ। ତେଣୁ ଏଭଳି କମେଣ୍ଟରୁ ନିବୃତ୍ତ ରହି ସମସ୍ତେ ଦେବଗଡ଼ର ଉନ୍ନତି କଥା ଚିନ୍ତା କରିବାର ବେଳ ଆସିଛି ବୋଲି ବୁଦ୍ଧିଜୀବୀ ମହଲରେ ଆଲୋଚନା ହେଉଛି। ଆଉ କିଛି ନେତା କର୍ମୀ ଅଛନ୍ତି ସେମାନେ ସୋସିଆଲ ମିଡିଆରେ ଜ୍ଞାନ ବାଣ୍ଟିବାରେ ବ୍ୟସ୍ତ। ଯେଉଁ ଜ୍ଞାନ ବାଣ୍ଟୁଛନ୍ତି ସେଇଟା ଯଦି ନିଜ କାମରେ ଲଗାଇବେ କିଛିଟା ହେଲେ ପରିବର୍ତ୍ତନ ହେବ ବୋଲି ଚର୍ଚ୍ଚା ହେଉଛି। ଜିଲାର ଜନସାଧାରଣ ଏବେ ଚା, ପାନ ଦୋକାନ, ମାର୍କେଟରେ ଚର୍ଚ୍ଚା କରୁଛନ୍ତି ଏମାନଙ୍କୁ ଭୋଟ ଦେଇ ନିର୍ବାଚିତ କରିଥିଲୁ କିନ୍ତୁ କିଛି ଫଳପ୍ରଦ ହେଉ ନାହିଁ। ଆଗକୁ ପୁଣି ଆସୁଛି ବିଧାନସଭା ନିର୍ବାଚନ। ବର୍ତ୍ତମାନ ଠାରୁ ନେତା, ନେତ୍ରୀ କର୍ମୀମାନେ ଲବି କରିବାରେ ଲାଗି ପଡ଼ିଲେନି। କିନ୍ତୁ ଆସନ୍ତା ନିର୍ବାଚନରେ ଜିଲାର ସଚେତନ ଭୋଟର ଠିକ ନେତା ବାଛିବେ ଏବଂ ଉଚିତ ଜବାବ ଦେବାକୁ ପ୍ରସ୍ତୁତ ହେଲେଣି।


Enter your email to get our daily news in your inbox.

All Right Reserved By Dharitri.Com

ମା’ଙ୍କୁ ମୁଣ୍ଡିଆ ମାରି ଆଶୀର୍ବାଦ ନେଲେ ମୁଖ୍ୟମନ୍ତ୍ରୀ

କେନ୍ଦୁଝର,୨୪ା୬: ମୁଖ୍ୟମନ୍ତ୍ରୀ ହେବା ପରେ ପ୍ରଥମଥର ପାଇଁ ନିଜ ଜିଲା କେନ୍ଦୁଝରକୁ ଦୁଇ ଦିନିଆ ଗସ୍ତରେ ଆସି ସୋମବାର ଦ୍ୱିତୀୟ ଦିନରେ ନିଜ ଜନ୍ମମାଟିରେ ପାଦ...

ବିନା ବିଦ୍ୟୁତ୍‌, ଯନ୍ତ୍ରରେ ହେବେ ଜଳ ସେଚନ

ରାଇକିଆ,୨୪।୬(ପ୍ରଦୀପ ବେହେରା): ଚାଷୀଙ୍କୁ ବିନା ବିଦ୍ୟୁତ୍‌ ଏବଂ ଯନ୍ତ୍ରରେ ଜଳ ସେଚନର ସୁବିଧା ମିଳିବ। ଏଥିପାଇଁ କନ୍ଧମାଳ ଜିଲା ରାଇକିଆ ବ୍ଲକ ଗୁମାମହା ପଞ୍ଚାୟତର ବାନ୍ଦା...

ଛତିଶା ନିଯୋଗ ବୈଠକରେ ରଥଯାତ୍ରା ପାଇଁ ହେଲା ନୀତି ନିର୍ଘଣ୍ଟ, ଜାଣନ୍ତୁ କେତେବେଳେ ଆରମ୍ଭ ରଥଟଣା

ପୁରୀ,୨୪।୬: ଶ୍ରୀମନ୍ଦିର ଛତିଶା ନିଯୋଗ ଗୁରୁତ୍ୱପୂର୍ଣ୍ଣ ବୈଠକରେ ଶ୍ରୀଗୁଣ୍ଡିଚା ଯାତ୍ରା ପାଇଁ ନୀତି ନିର୍ଘଣ୍ଟ ହୋଇଛି। ଦିନ ୧ଟା ୧୦ରେ ପହଣ୍ଡି ଆରମ୍ଭ ହୋଇ ୨ଟା...

କର୍ମଚାରୀଙ୍କୁ ପୁରସ୍କୃତ କଲେ ଜିଲାପାଳ

ଛତ୍ରପୁର,୨୪।୬(ସନ୍ତୋଷ ପାଢ଼ୀ ): ଗଞ୍ଜାମ ଜିଲାପାଳ ଦିବ୍ୟ ଜ୍ୟୋତି ପରିଡା ଜିଲା ମୁଖ୍ୟ କାର୍ଯ୍ୟାଳୟ ଛତ୍ରପୁରଠାରେ ଜିଲା କୋଷାଗାରର ଦୁଇ କର୍ମଚାରୀଙ୍କୁ ୨୦୨୪-ମାର୍ଚ୍ଚ ପୁରସ୍କାର ପୁରସ୍କାର...

ସର୍ପ ଦଂଶନରେ ଚାଲିଗଲା ସାପ ଧରାଳିଙ୍କ ଜୀବନ

ବୀରମହାରାଜପୁର,୨୪।୬: ସୁବର୍ଣ୍ଣପୁର ଜିଲା ବୀରମହାରାଜପୁର ଥାନା ପରିସରରେ ଏକ ଅଭାବନୀୟ ଘଟଣା ଘଟିଛି। ସାପ ଧରାଳି ଜଣକ ଥାନା ଭିତରେ ଲୋକଙ୍କୁ ସାପ ଦେଖାଉଥିବା ବେଳେ...

ଜନ୍ମମାଟିରେ ମା’ଙ୍କ ହାତରୁ ପଖାଳ ଖାଇଲେ ମୁଖ୍ୟମନ୍ତ୍ରୀ, କହିଲେ…

କେନ୍ଦୁଝର,୨୪ା୬(ନରେଶ ଚନ୍ଦ୍ର ପଟ୍ଟନାୟକ): ମୁଖ୍ୟମନ୍ତ୍ରୀ ହେବା ପରେ ପ୍ରଥମଥର ପାଇଁ ନିଜ ଜିଲା କେନ୍ଦୁଝରକୁ ଦୁଇ ଦିନିଆ ଗସ୍ତରେ ଆସି ସୋମବାର ଦ୍ୱିତୀୟ ଦିନରେ ନିଜ...

ଗଞ୍ଜାମ ଜିଲାରେ ୩୧ ପ୍ରତିଶତ ବର୍ଷା କମ୍‌, ଚାଷୀଙ୍କୁ ଯୋଗାଇ ଦିଆଯିବ…

ଛତ୍ରପୁର,୨୪ା୬(ସନ୍ତୋଷ ପାଢ଼ୀ/ଦିଲ୍ଲୀପ ସାମଲ ): ଗଞ୍ଜାମ ଜିଲାରେ ୩୧ ପ୍ରତିଶତ ବର୍ଷା କମ୍‌ ହୋଇଛି। ସୋମବାର ଜିଲାସ୍ତରୀୟ ପ୍ରାକୃତିକ ବିପର୍ଯ୍ୟୟ କମିଟି ବୈଠକରେ ଏହା ପ୍ରକାଶ...

ବଦଳିବ ଲକ୍ଷ୍ମୀ ବସ୍‌ର ନାଁ? ଜାଣନ୍ତୁ କ’ଣ କହିଲେ ପରିବହନ ମନ୍ତ୍ରୀ

ଭୁବନେଶ୍ୱର,୨୪।୬: ରାଜ୍ୟର ପ୍ରତି କୋଣ ଅନୁକୋଣରେ ଗଡ଼ୁଛି ଲକ୍ଷ୍ମୀ ବସ୍‌ । ପୂର୍ବରୁ ଥିବା ବିଜେଡି ସରକାର ଏହି ଯୋଜନା ଆରମ୍ଭ କରିଥିଲେ । ତେବେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri