ପୂର୍ବାପେକ୍ଷା ଟ୍ରାକ୍ଟର ଚାହିଦା ବଢୁଛି: ସଞ୍ଜିତ କୁମାର

କୃଷି ପ୍ରଧାନ ଦେଶ ଭାରତରେ ବୈଷୟିକ ଜ୍ଞାନକୌଶଳ ଉପଯୋଗ କରାଯାଉଥିବାରୁ ଖାଦ୍ୟଶସ୍ୟ ଉତ୍ପାଦନ ବୃଦ୍ଧି ପାଉଛି। କୃଷି ଯନ୍ତ୍ରପାତି ଭାବେ ଟ୍ରାକ୍ଟରର ସବୁଠାରୁ ରହିଛି ଗୁରୁତ୍ୱପୂର୍ଣ୍ଣ ଭୂମିକା। ବର୍ତ୍ତମାନ ଏ କ୍ଷେତ୍ରରେ ଟ୍ରାକ୍ଟରକୁ ପ୍ରାଥମିକତା ଦିଆଯାଉଛି ବୋଲି କହିଛନ୍ତି ମହିନ୍ଦ୍ରା ଆଣ୍ଡ ମହିନ୍ଦ୍ରା ଲିମିଟେଡ୍‌ର (ଫାର୍ମ ଡିଭିଜନ), ଓଡ଼ିଶା ଏରିଆ ମ୍ୟାନେଜର ସଞ୍ଜିତ କୁମାର। ଟ୍ରାକ୍ଟର ବ୍ୟବହାର ଫଳରେ ସମୟ ବଞ୍ଚିବା ସହ ସ୍ବଳ୍ପ ମୂଲ୍ୟରେ ଚାଷୀର ଚାଷ କାର୍ଯ୍ୟ ଅନେକାଂଶରେ ହୋଇଯାଉଛି। ଟ୍ରାକ୍ଟର କମ୍ପାନୀଗୁଡିକ ନୂଆ ଜ୍ଞାନକୌଶଳରେ ନିର୍ମିତ ବିଭିନ୍ନ ବର୍ଗର ଟ୍ରାକ୍ଟର ବଜାରରେ ଉପଲବ୍ଧ କରାଉଛନ୍ତି। ଓଡ଼ିଶା ବଜାରରେ ମହିନ୍ଦ୍ରା ଟ୍ରାକ୍ଟରର ଚାହିଦା ଏବଂ ଅନ୍ୟ ଯୋଜନା ସମ୍ପର୍କରେ କୁମାରଙ୍କ ସହ ଧରିତ୍ରୀର ଆଳାପ।

ଓଡ଼ିଶା ବଜାରକୁ କିପରି ଦେଖୁଛନ୍ତି। ଏ ନେଇ କେତେ ଆଶାବାଦୀ ?
ଓଡ଼ିଶା ହେଉଛି ଆମ ପାଇଁ ଏକ ପ୍ରମୁଖ ବଜାର। ଦୀର୍ଘ ବର୍ଷ ହେବ ଏଠାରେ ଆମେ ୧ ନମ୍ବର ଟ୍ରାକ୍ଟର ବିକ୍ରେତା ଭାବେ ସୁନାମ ଅର୍ଜନ କରିଛୁ। ଓଡ଼ିଶାରେ ଖଣି ଓ ଶିଳ୍ପ ସଂଖ୍ୟା ବୃଦ୍ଧି ପାଉଛି। ଟ୍ରାକ୍ଟରର ଚାହିଦା ମଧ୍ୟ ବଢ଼ିବାରେ ଲାଗିଛି। କୃଷି ପାଇଁ ବର୍ତ୍ତମାନ ଟ୍ରାକ୍ଟରର ଆବଶ୍ୟକତା ସର୍ବାଧିକ ରହିଛି। କୃଷି ବାଦ୍‌ ଟ୍ରାକ୍ଟରକୁ ମଧ୍ୟ ଅନ୍ୟ କାର୍ଯ୍ୟରେ ବ୍ୟବହାର କରାଯାଉଛି। ଫଳରେ ପ୍ରତିବର୍ଷ ଓଡ଼ିଶା ବଜାରରେ ମହିନ୍ଦ୍ରା ଟ୍ରାକ୍ଟରର ଚାହିଦା ବଢୁଛି। ଆଗାମୀ ଦିନରେ ଏହା ଆହୁରି ବଢ଼ିବ ବୋଲି ଆମେ ଆଶାବାଦୀ।

ଜିଏସ୍‌ଟି ଲାଗୁହେବା ପରେ ବଜାରକୁ କିପରି ଦେଖୁଛନ୍ତି। ଏହାଦ୍ୱାରା କ’ଣ ଲାଭ ମିଳିଛି?
ସାମଗ୍ରୀ ଓ ସେବା ଟିକସ (ଜିଏସ୍‌ଟି) ଲାଗୁ ହେବାଠାରୁ ବଡ଼ ବଡ଼ ବ୍ୟବସାୟିକ ଅନୁଷ୍ଠାନ ପାଇଁ ଏହା ଏକ ବରଦାନ ହୋଇଛି। ଏହା ପୂର୍ବରୁ ଅନେକ ପ୍ରକାର ଟିକସ ଦେବାକୁ ପଡୁଥିଲା। ବର୍ତ୍ତମାନ ସେସବୁ ଆଉ ଦେବାକୁ ପଡୁନାହିଁ। ଆମଦାନୀ କ୍ଷେତ୍ରରେ ମଧ୍ୟ ଆଉ ସମସ୍ୟା ହେଉନାହିଁ। ବ୍ୟବସାୟ ଓ ବ୍ୟବସାୟୀଙ୍କ ମଧ୍ୟରେ ଘନିଷ୍ଠତା ବୃଦ୍ଧି ପାଉଛି। ଆଗରୁ ସବୁ ପ୍ରକାର ଟିକସକୁ ମିଶାଇଲେ ବର୍ତ୍ତମାନଠାରୁ ଅଧିକ ରହୁଥିଲା। ଜିଏସ୍‌ଟି ହେବା ଦ୍ୱାରା ମାତ୍ର ୧୨% ଟିକସ ଦେବାକୁ ପଡୁଛି। ଏହାଦ୍ୱାରା ଉଭୟ ଉପତ୍ାଦନକାରୀ ଓ ଉପଭୋକ୍ତାଙ୍କ ମଧ୍ୟରେ ଚାହିଦା ଓ କାରବାର ବୃଦ୍ଧିରେ ସହାୟକ ହେଉଛି।

ବ୍ୟବସାୟ ଉପରେ କରୋନା କିପରି ପ୍ରଭାବ ପକାଇଛି। ପ୍ରଥମ ଲହର ଅପେକ୍ଷା ୨ୟ ଲହରକୁ କିପରି ସାମ୍ନା କରୁଛନ୍ତି?
୨୦୧୯-୨୦ ଆର୍ଥିକ ବର୍ଷ ଶେଷ ଆଡ଼କୁ କୋଭିଡ୍‌ ସଂକ୍ରମଣର ପ୍ରଭାବ ପରିଲକ୍ଷିତ ହୋଇଥିଲା। କରୋନା ନିୟନ୍ତ୍ରଣ ଲାଗି ସରକାର ସାରା ଦେଶରେ କଟକଣା ଜାରି କଲେ। କାରଖାନା ଓ ଶୋ’ରୁମ୍‌ ବନ୍ଦ ରହିବା ଯୋଗୁ କମ୍ପାନୀ ବ୍ୟାପକ କ୍ଷତି ସହିଛି। ମହାମାରୀ ଯୋଗୁ ସବୁ ବର୍ଗ ଆଶଙ୍କା ମଧ୍ୟରେ ରହିଛନ୍ତି। ପ୍ରଥମ ଲହର ପ୍ରାୟ ସବୁ କ୍ଷେତ୍ରକୁ କ୍ଷତି ପହଞ୍ଚାଇଛି। ପ୍ରଥମ ଅପେକ୍ଷା ୨ୟ ଲହରରେ ସରକାର ନିୟମରେ ବିଭିନ୍ନ ପରିବର୍ତ୍ତନ ସହ କୃଷି ଓ ଆନୁଷଙ୍ଗିକ ସମସ୍ତ କ୍ଷେତ୍ରକୁ ଖୋଲା ରଖିଥିଲେ। ଗାଡ଼ି ପଞ୍ଜୀକରଣ ବନ୍ଦ ଥିବାରୁ ସମସ୍ୟା ସୃଷ୍ଟି ହୋଇଥିଲା। ବିକ୍ରି ସୁଯୋଗ ଥିଲେ ମଧ୍ୟ ପଞ୍ଜୀକରଣ ହେଉ ନ ଥିବାରୁ ସ୍ଥିତି ବିଗିଡିଯାଇଥିଲା। ପ୍ରଥମ ଲହରକୁ ସାମ୍ନା କରିବା ପାଇଁ ସମୟ ନ ଥିବା ବେଳେ ପ୍ରସ୍ତୁତ ମଧ୍ୟ ନ ଥିଲୁ। କିନ୍ତୁ ୨ୟ ଲହର ପାଇଁ ଆମେ ପ୍ରସ୍ତୁତି ସହ ଗ୍ରାହକଙ୍କୁ ଆବଶ୍ୟକ ସେବା ଯୋଗାଇ ଦେଇ ଆସିଛୁ।

ଆଗକୁ କ’ଣ ସବୁ ଯୋଜନା ଅଛି?
ଓଡ଼ିଶାର ୩୦ ଜିଲାରେ କମ୍ପାନୀର କାରବାର ଭଲ ରହିଛି। ଏହାର ୨ଟି ଷ୍ଟକ୍‌ୟାର୍ଡ ସାଙ୍ଗକୁ ୩୫ଟି ସହଯୋଗୀ ଡିଲରଙ୍କ ଜରିଆରେ ବହୁ ଗ୍ରାହକଙ୍କୁ ଟ୍ରାକ୍ଟର ଯୋଗାଇ ଦିଆଯାଉଛି। ଓଡ଼ିଶାରେ ମହିନ୍ଦ୍ରା ଏସ୍‌ପି ପ୍ଲସ୍‌, ମହିନ୍ଦ୍ରା ଜିଭା ଓ ମହିନ୍ଦ୍ରା ଏକ୍ସପି ପ୍ଲସ୍‌ର ଚାହିଦା ଅଧିକ ରହିଛି। ବର୍ତ୍ତମାନ କୃଷି ପ୍ରତି ଲୋକଙ୍କର ଆଗ୍ରହ ବଢୁଥିବାରୁ ଟ୍ରାକ୍ଟର ବଜାରରେ ମଧ୍ୟ ଉସତ୍ାହ ଦେଖାଦେଇଛି। ଓଡ଼ିଶାରେ ୩୦% ରୁ ଊର୍ଦ୍ଧ୍ୱ ବଜାର ଅଂଶ ହାସଲ କରିଛୁ। ବାର୍ଷିକ ୩୦୦ କୋଟିର କାରବାର ପାଇଁ ଯୋଜନା ପ୍ରସ୍ତୁତ କରାଯାଇଛି।

 

ଗ୍ରାହକଙ୍କୁ କ’ଣ ସୁବିଧା ଓ ସହାୟତା ଦିଆଯାଉଛି?
ସରକାର ବିଭିନ୍ନ ପ୍ରକାର ସହାୟତା କୃଷକଙ୍କୁ ପ୍ରଦାନ କରୁଛନ୍ତି। ବିଭିନ୍ନ ସଂସ୍ଥା ଜରିଆରେ ଚାଷୀଙ୍କୁ ସବ୍‌ସିଡି ସହାୟତା ମଧ୍ୟ ମିଳୁଛି। ଗ୍ରାହକ ସରକାରୀ ସୁବିଧାର ଲାଭ କିଭଳି ନେଇ ପାରିବେ ସେ ନେଇ ସଚେତନତା ସୃଷ୍ଟି କରୁଛୁ। ବିକ୍ରି ପରବର୍ତ୍ତୀ ସେବା ମଧ୍ୟ ଯୋଗାଇ ଦେଉଛୁ। ଗ୍ରାହକଙ୍କୁ ସହାୟତା କଲେ କାରବାର ବୃଦ୍ଧି ପାଇବ ବୋଲି ଆମେ ବିଶ୍ୱାସ ରଖିଛୁ। କମ୍ପାନୀ ପକ୍ଷରୁ ‘ଏମ୍‌ ସୁରକ୍ଷା’ ସୁବିଧା ସବୁ ଗ୍ରାହକଙ୍କୁ ପ୍ରଦାନ କରାଯାଉଛି। ଗ୍ରାହକଙ୍କୁ ଅଗ୍ରାଧିକାର ଦେଇ କମ୍ପାନୀ ଆବଶ୍ୟକ ପଦକ୍ଷେପ ଗ୍ରହଣ କରିଥାଏ।

ସରକାରଙ୍କଠାରୁ କମ୍ପାନୀ କ’ଣ ଆଶା କରୁଛି?
ଗୋଟିଏ ସଂସ୍ଥା ବା କମ୍ପାନୀ ସରକାରଙ୍କ ସହଯୋଗ ବିନା କିଛି କରିପାରିବ ନାହିଁ। ବର୍ତ୍ତମାନ ପୁରୁଣା ଦରରେ ସରକାରଙ୍କୁ ସହାୟତା ଯୋଗାଇ ଦେବା କଷ୍ଟକର। କେନ୍ଦ୍ର ସରକାର ତେଲ ଠାରୁ ଆରମ୍ଭକରି ଷ୍ଟିଲ୍‌ ଓ ବିଭିନ୍ନ ଯନ୍ତ୍ରପାତିର ଦର ବଢ଼ାଇଛନ୍ତି। ରାଜ୍ୟ ସରକାର ମଧ୍ୟ ସେମାନଙ୍କର ସବ୍‌ସିଡି ଓ ବକେୟା ଠିକ୍‌ ସମୟରେ ପୈଠ ନ କରିବା ଯୋଗୁ ବିଭିନ୍ନ ସମସ୍ୟା ସୃଷ୍ଟି ହେଉଛି। ସରକାର ଏଭଳି ଘଟଣାକୁ ଗୁରୁତ୍ୱର ସହ ଗ୍ରହଣକରି ସହଯୋଗ ପ୍ରଦାନ କଲେ ଭଲ ହୁଅନ୍ତା।

– ସାକ୍ଷାତ୍‌କାର: ଅଭୟ ଦାଶ


Enter your email to get our daily news in your inbox.

All Right Reserved By Dharitri.Com

ଚଳିତ ଆର୍ଥତ୍କ ବର୍ଷ ୫.୮%କୁ ଖସିବ ଜିଡ଼ିପି

ମୁମ୍ବାଇ,୫-୧୧: ସରକାରଙ୍କ ବିଭିନ୍ନ ପ୍ରଚେଷ୍ଠା ସତ୍ତ୍ୱେ ଚଳିତ ବର୍ଷ ପାର୍ବଣରେ ଚାହିଦା ମନ୍ଥର ରହିବାରୁ ଦେଶର ଜିଡ଼ିପି ଅଭିବୃଦ୍ଧି ଖସିବ। ୨୦୧୯-୨୦ ଆର୍ଥତ୍କ ବର୍ଷରେ ଜିଡ଼ିପି୫.୮%କୁ...

ଆର୍‌ବିଆଇ କାର୍ଯ୍ୟଶୈଳୀକୁ ନେଇ ପ୍ରଶ୍ନବାଚୀ;ଏମ୍‌ପିସିର ଗୁରୁତ୍ୱପୂର୍ଣ୍ଣ ନିଯୁକ୍ତିକୁ ସରକାରଙ୍କ ଅଣଦେଖା

ନୂଆଦିଲ୍ଲୀ: ମାନ୍ଦାବସ୍ଥା ଦେଇ ଗତି କରୁଥିବା ଅର୍ଥ ବ୍ୟବସ୍ଥା କରୋନା ମହାମାରୀ ଯୋଗୁ ସଙ୍କଟ ସ୍ଥିତିକୁ ଚାଲିଯାଇଛି। ମଙ୍ଗଳବାରଠାରୁ ରିଜର୍ଭ ବ୍ୟାଙ୍କର ମୁଦ୍ରାନୀତି କମିଟି(ଏମ୍‌ପିସି) ବୈଠକ...

ହିରୋ ମୋଟୋକର୍ପକୁ ମିଳିଲା ବିଏସ-ଭିଆଇ ସାର୍ଟିଫିକେଟ୍‌

ନୂଆଦିଲ୍ଲୀ, ୧୧।୬: ବିଶ୍ୱର ବୃହତ୍ତମ ଦୁଇଚକିଆ ଯାନ ନିର୍ମାଣକାରୀ ସଂସ୍ଥା ହିରୋ ମୋଟୋକର୍ପ ପ୍ରଥମ ଦୁଇ ଚକିଆ ଯାନ ଭାବେ ବିଏସ-ଭିଆଇ ସାର୍ଟିଫିକେଟ ହାସଲ କରିଛି।...

ଜିଓ ଇଣ୍ଟରକନେକ୍ସନ ମାମଲା;ଏୟାରଟେଲ୍‌, ଭୋଡାଫୋନ ଦେଇପାରନ୍ତି ୩୦୫୦ କୋଟି ପେନାଲ୍ଟି

ନୂଆଦିଲ୍ଲୀ,୧୮-୬: ଟେଲିକମ୍‌ ଡିପାର୍ଟମେଣ୍ଟର ସମସ୍ତ ନିଷ୍ପତ୍ତି ନେଉଥିବା ସଂସ୍ଥା ଡିଜିଟାଲ କମ୍ୟୁନିକେଶନ୍ସ କମିଶନ(ଡିସିସି) ସୋମବାର ଭାରତୀ ଏୟାରଟେଲ ଓ ଭୋଡାଫୋନ ଆଇଡିଆ ଠାରୁ ପେନାଲ୍ଟି ଆଦାୟ...

ବିଏସ୍‌ଏନ୍‌ଏଲ୍‌ ଭିଆର୍‌ଏସ୍‌ ଲାଗି ୭୦ ହଜାର ଆବେଦନ

ନୂଆଦିଲ୍ଲୀ,୧୨-୧୧: ଭାରତ ସଞ୍ଚାର ନିଗମ ଲିମିଟେଡ(ବିଏସ୍‌ଏନ୍‌ଏଲ୍‌) କର୍ମଚାରୀଙ୍କ ଲାଗି ନିକଟରେ ଆସିଥିବା ସ୍ବେଚ୍ଛାକୃତ ଅବସର ଯୋଜନା(ଭିଆର୍‌ଏସ୍‌)ର ଲାଭ ନେବାକୁ ବର୍ତ୍ତମାନ ସୁଦ୍ଧା ପ୍ରାୟ ୭୦ ହଜାର...

ପି-ନୋଟ୍‌ସ ଜରିଆରେ ୮୨,୬୧୯ କୋଟି ନିବେଶ

ମୁମ୍ବାଇ,୨୪।୬: ଭାରତୀୟ ପୁଞ୍ଜି ବଜାରରେ ପାର୍ଟିସିପେଟରୀ ନୋଟ୍ସ(ପି-ନୋଟ୍ସ) ଜରିଆରେ ମେ’ ଶେଷ ସୁଦ୍ଧା ନିବେଶ ପ୍ରାୟ ୧୪୦୦ କୋଟି ଟଙ୍କା ବୃଦ୍ଧି ପାଇ ୮୨,୬୧୯ କୋଟି...

ଶିଳ୍ପ ଶ୍ରମିକଙ୍କ ନୂଆ ଖାଉଟି ମୂଲ୍ୟ ସୂଚୀ ସିରିଜ

ନୂଆଦିଲ୍ଲୀ: ଶିଳ୍ପ ଶ୍ରମିକଙ୍କ ଲାଗି ଖାଉଟି ମୂଲ୍ୟ ସୂଚୀ(ସିପିଆଇ-ଆଇଡବ୍ଲ୍ୟୁ)ର ନୂଆ ସିରିଜକୁ କେନ୍ଦ୍ର ଶ୍ରମମନ୍ତ୍ରୀ ସନ୍ତୋଷ ଗଙ୍ଗଓ୍ବାର ଗୁରୁବାର ଶୁଭାରମ୍ଭ କରିଛନ୍ତି। ଏହି ସିରିଜକୁ ବ୍ୟବହାର...

ଅପରାଧ କମାଉଛି ଜନଧନ ଖାତା

ନୂଆଦିଲ୍ଲୀ,୯।୧୧: କେନ୍ଦ୍ର ସରକାର ବର୍ତ୍ତମାନ ଆର୍ଥତ୍କ ଅନ୍ତର୍ଭୁକ୍ତୀକରଣକୁ ଗୁରୁତ୍ୱ ଦେଉଛନ୍ତି। ଏହି ପଦକ୍ଷେପ ଅନ୍ତର୍ଗତ ରାଜ୍ୟ ସ୍ତରରେ ଜନଧନ ଯୋଜନା ଦ୍ୱାରା ଲୋକଙ୍କ ବ୍ୟାଙ୍କ ଖାତା...

Advertisement
Archives

Model This Week