ନୂଆଦିଲ୍ଲୀ,୩।୪: ଦିଲ୍ଲୀ କ୍ୟାପିଟଲ୍ସ୍ କ୍ରିକେଟ ଟିମ୍କୁ ବଡ଼ ଝଟ୍କା ଲାଗିଛି। ୨୦୨୧ ଆଇପିଏଲ୍ ଆରମ୍ଭ ହେବାର କିଛି ଦିନ ପୂର୍ବରୁ ଦଳର ଷ୍ଟାର ଅଲରାଉଣ୍ଡର ଅକ୍ଷର ପଟେଲଙ୍କ ନମୁନା ପରୀକ୍ଷା ରିପୋର୍ଟ କରୋନା ପଜିଟିଭ୍ ଆସିଛି। ଚେନ୍ନାଇ ସୁପର କିଙ୍ଗସ୍ ଏବଂ ଦିଲ୍ଲୀ କ୍ୟାପିଟଲ୍ସ୍ ମଧ୍ୟରେ ଏପ୍ରିଲ୍ ୧୦ରେ ମ୍ୟାଚ୍ ମୁମ୍ବାଇଠାରେ ହେବ। ଏପରିସ୍ଥଳେ ଅକ୍ଷରଙ୍କୁ କରୋନା ମାର୍ଗଦର୍ଶିକା ପାଳନ କରିବାକୁ ପଡ଼ିବ। ତେଣୁ ସେ ମ୍ୟାଚ୍ରେ ଖେଳି ପାରିବେ ନାହିଁ। ସୂଚନାଯୋଗ୍ୟ, ଏପ୍ରିଲ୍ ୯ରୁ ଭାରତରେ ଟି-୨୦-ଆଇପିଏଲ୍ର ଚଳିତ ବର୍ଷର ସିଜିନ୍ ଆରମ୍ଭ ହେବ। ଏହାର ପ୍ରଥମ ମ୍ୟାଚ୍ ମୁମ୍ବାଇ ଇଣ୍ଡିଆନ୍ସ୍ ଏବଂ ରୟାଲ ଚ୍ୟାଲେଞ୍ଜରର୍ସ ବେଙ୍ଗାଲୁରୁ ମଧ୍ୟରେ ଚେନ୍ନାଇଠାରେ ଏପ୍ରିଲ୍ ୯ରେ ଅନୁଷ୍ଠିତ ହେବ। ଦେଶର ୬ଟି ସହରରେ ଚଳିତ ଥର ଆଇପିଏଲ୍ ମ୍ୟାଚ୍ ଅନୁଷ୍ଠିତ ହେବ।
