ଟିମ୍ ଇଣ୍ଡିଆର ମଧ୍ୟମ ପେସର୍ ଦୀପକ ଚହର ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ଦୀର୍ଘଦିନର ପ୍ରେମିକା ଜୟା ଭରଦ୍ୱାଜଙ୍କ ସହ ତାଙ୍କ ବିବାହ ସମ୍ପନ୍ନ ହୋଇଛି। ସମ୍ପର୍କୀୟଙ୍କ ଉପସ୍ଥିତିରେ ଉଭୟ ସାତ ଫେରା ନେଇଛନ୍ତି। ଦୀପକ ଏବଂ ଜୟାଙ୍କ ବିବାହର ଅନେକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଦୀପକ ଏବଂ ଜୟା ଦୀର୍ଘଦିନ ଧରି ପରସ୍ପରକୁ ଡେଟ୍ କରୁଥିଲେ। ଆଇପିଏଲ୍ ୨୦୨୧ରେ ଦୀପକ ଷ୍ଟାଡିୟମ୍ରେ ମୁଦି ପିନ୍ଧାଇ ଜୟାଙ୍କୁ ବିବାହ ପ୍ରସ୍ତାବ ଦେଇଥିଲେ।
ଦୀପକ ଚହର ଏ ପର୍ଯ୍ୟନ୍ତ ଟିମ୍ ଇଣ୍ଡିଆ ପାଇଁ ୭ଟି ଦିନିକିଆ ମ୍ୟାଚ ଖେଳିଛନ୍ତି। ସେ ୭ ଉଇକେଟ ନେବା ସହିତ ୧୭୯ ରନ ସଂଗ୍ରହ କରିଛନ୍ତି। ୨୦ଟି ଟି-୨୦ ମ୍ୟାଚ୍ରେ ଚହର ୨୬ ଉଇକେଟ ନେଇଛନ୍ତି। ୬୩ଟି ଆଇପିଏଲ୍ ମ୍ୟାଚରେ ୫୯ ଉଇକେଟ ନେଇଛି। ସେ ଆଇପିଏଲ୍ ୨୦୨୧ରେ ଚେନ୍ନାଇ ପାଇଁ ଖେଳିଥିଲେ।
