ଇଣ୍ଡିଆନ ପ୍ରିମିୟର ଲିଗର ୧୪ତମ ସିଜନରେ ମଙ୍ଗଳବାର ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଏବଂ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ଏକ ରୋମାଞ୍ଚକର ମ୍ୟାଚ ହୋଇଥିଲା। ଏହି ମ୍ୟାଚ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯାଇଥିଲା ଯେଉଁଥିରେ ଆରସିବି ଦିଲ୍ଲୀକୁ ୧ ରନ୍ରେ ପରାସ୍ତ କରିଥିଲା। ଦିଲ୍ଲୀ ଅଧିନାୟକ ରିଷଭ ପନ୍ତ ଏବଂ ଶିମ୍ରେନ୍ ହେଟମିୟରଙ୍କ ଅର୍ଦ୍ଧଶତକ ସତ୍ତ୍ୱେ ସେମାନେ ଟାର୍ଗେଟକୁ ପିଛାବାରେ ମାତ୍ର ଗୋଟିଏ ରନ ପଛରେ ପଡିଯାଇଥିଲେ। ମ୍ୟାଚ ଶେଷରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ଅଧିନାୟକ ବିରାଟ କୋହଲି ରିଷଭ ପନ୍ତଙ୍କ ମୁଣ୍ଡକୁ ଥାପୁଡେଇ ନିଜ ସାନ୍ତ୍ୱନା ପ୍ରଦର୍ଶନ କରିଥିଲେ।
ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ୪୨ ଟି ବଲରେ ଏବି ଡି ଭିଲିୟର୍ସ ୭୫ ରନର ଚମତ୍କାର ଇନିଂସ ଖେଳିଥିଲେ, ଫଳରେ ଆରସିବି ୧୭୧ ରନ ସ୍କୋର କରିଥିଲା। ଏହାର ଜବାବରେ ଦିଲ୍ଲୀ ୧୭୦ ରନ୍ କରିବାରେ ସମର୍ଥ ହୋଇଥିଲା। ହାରିବା ପରେ ପନ୍ତ ବେଶ୍ ନିରାଶ ଦେଖାଯାଉଥିଲେ। ତାଙ୍କୁ ସାନ୍ତ୍ୱନା ଦେଇ କୋହଲି ମୁଣ୍ଡ ଥାପୁଡାଇବା ସହ ତାଙ୍କୁ ବୁଝାଇଥିଲେ। ଏହି ମ୍ୟାଚ୍ରେ ଶିମ୍ରେନ ହେଟମିୟର ୨୫ଟି ବଲରେ ୫୨ ରନ ସଂଗ୍ରହ କରିଥିବାବେଳେ ରିଷଭ ପନ୍ତ ୪୮ଟି ବଲରେ ୫୮ ରନ ସଂଗ୍ରହ କରି ଦିଲ୍ଲୀ କ୍ୟାପିଟାଲ୍ସ ସ୍କୋର ୧୭୦ ରନ କରିଥିଲେ।
Chin up, Rishabh Pant. Who better than Captain Kohli to tell you, it’s all a part of the learning. ❤️#PlayBold #WeAreChallengers #DCvRCB #IPL2021 pic.twitter.com/j10Iz3vBPk
— Royal Challengers Bengaluru (@RCBTweets) April 27, 2021
