ଅଷ୍ଟ୍ରେଲିଆର ଡେଭିଡ୍ ୱାର୍ନର ସୋସିଆଲ ମିଡିଆରେ ସଦାସର୍ବଦା ଆକ୍ଟିଭ ରହିଥା’ନ୍ତି। ଖାସ୍ କରି ସେ ତାଙ୍କର ନିଜର ନିଆରା ଅନ୍ଦାଜ ପାଇଁ ଚର୍ଚ୍ଚାରେ ରହିଥା’ନ୍ତି। ଏମିତି କି ଭାରତୀୟ ସିନେମା ପ୍ରତି ତାଙ୍କର ଟିକିଏ ଅଲଗା ଭଲପାଇବା ରହିଛି, ଯାହାକୁ ସେ ସୋସିଆଲ ମିଡିଆ ମାଧ୍ୟମରେ ଶେୟାର କରିଥା’ନ୍ତି ।
ୱାର୍ନର ପ୍ରାୟତଃ ଇନ୍ଷ୍ଟାଗ୍ରାମରେ ବଲିଉଡ୍ ଏବଂ ଟଲିଉଡ୍ର ଡ୍ୟାନ୍ସ-ଡାଏଲଗ ଭିଡିଓଗୁଡ଼ିକୁ ଶେୟାର କରିବାକୁ ପସନ୍ଦ କରନ୍ତି। ସେ ଅଲ୍ଲୁ ଅର୍ଜୁନଙ୍କ ଫିଲ୍ମ ‘ପୁଷ୍ପା’ ପାଇଁ ବେଶ ଚର୍ଚ୍ଚାରେ ରହିଛନ୍ତି। ପୂର୍ବରୁ ପୁଷ୍ପା ଲୁକ୍ ପାଇଁ ଭାରତୀୟ କ୍ରିକେଟର ରବୀନ୍ଦ୍ର ଜାଡେଜା ବେଶ ଫେମସ୍ ହୋଇଥିଲେ । ଡେଭିଡ ୱାର୍ନର ପୁଷ୍ପା ଫିଲ୍ମର ଶ୍ରୀବଲୀ ଗୀତର ହୁକ୍ ଷ୍ଟେପକୁ କପି କରିଛନ୍ତି । ତାଙ୍କର ନୂତନ ଇନ୍ଷ୍ଟାଗ୍ରାମ ପୋଷ୍ଟରେ ଡେଭିଡ ୱାର୍ନର ଏକ ଡ୍ୟାନ୍ସ କ୍ଲିପ ଶେୟାର କରିଛନ୍ତି, ଯେଉଁଥିରେ ସେ ଶ୍ରୀବଲୀ ଗୀତରେ ଅଲ୍ଲୁ ଅର୍ଜୁନଙ୍କ ହୁକ୍ ଷ୍ଟେପକୁ ଦେଖିପାରିବେ। ୱାର୍ନର ଏହି ଷ୍ଟେପକୁ ଏତେ ଭଲ ଭାବରେ କପି କରିଛନ୍ତି ଯେ, ନିଜେ ଫିଲ୍ମର ହିରୋ ଅଲ୍ଲୁ ଅର୍ଜୁନ ମଧ୍ୟ ଏହି ଭିଡିଓ ଉପରେ କମେଣ୍ଟ ଦେବାରେ ନିଜକୁ ଅଟକାଇ ପାରିନାହାନ୍ତି। ୱାର୍ନରଙ୍କ ପୂର୍ବରୁ ରବୀନ୍ଦ୍ର ଜାଡେଜା, ଶିଖର ଧାୱନ, ଇଶାନ କିଷନ, ସୂର୍ଯ୍ୟ କୁମାର ଯାଦବ ଏବଂ ପୂର୍ବତନ ପ୍ରଶିକ୍ଷକ ଆର. ଶ୍ରୀଧରଙ୍କ ଭଳି କ୍ରିକେଟରମାନେ ମଧ୍ୟ ପୁଷ୍ପା ଫିଲ୍ମର ସଂଳାପ ଏବଂ ନୃତ୍ୟରେ ନିଜ ଷ୍ଟେପ ଶେୟାର କରିଥିଲେ।
https://www.instagram.com/davidwarner31/?utm_source=ig_embed&ig_rid=b0a1221a-afa4-43f0-9fad-de0f96dc55b2
