ଆବୁଧାବି,୧୮।୧୦: ଆୟର୍ଲାଣ୍ଡ ପେସର କର୍ଟିସ କାମଫେର ସୋମବାର ନେଦରଲାଣ୍ଡ ବିପକ୍ଷ ବିଶ୍ୱକପ୍ ମ୍ୟାଚ୍ରେ ୪ ବଲରେ ୪ ଉଇକେଟ ନେଇଛନ୍ତି। ୧୦ମ ଓଭରରେ କାମଫେର କ୍ରମାଗତ ବଲରେ କଲିନ ଅକରମ୍ୟାନ, ରିଆନ ଟେନ ଡେସଚେଟ, ସ୍କଟ ଏଡଓ୍ବାଡର୍ସ ଓ ରୋଲଫ ଭାନ ଡର ମରଓ୍ବେଙ୍କୁ ଆଉଟ୍ କରି ନେଦରଲାଣ୍ଡର ବ୍ୟାଟିଂ ଲାଇନ୍ ଅପ୍ର ମେରୁଦଣ୍ଡ ଭାଙ୍ଗି ଦେଇଥିଲେ। ଅକରମ୍ୟାନ କ୍ୟାଚ୍ ଆଉଟ୍ ହୋଇଥିବା ବେଳେ ଡସଚେଟ ଓ ଏଡଓ୍ବାଡର୍ସଙ୍କୁ ଏଲବିଡବ୍ଲ୍ୟୁ ଆଉଟ୍ କରିଥିଲେ। ଏହାର ପରବର୍ତ୍ତୀ ବଲରେ କ୍ଲିନ ବୋଲ୍ଡ ହୋଇଥିଲେ ଭାନ ଡର ମରଓ୍ବେ।
https://twitter.com/tyrion_jon/status/1450060563120214023?ref_src=twsrc%5Etfw%7Ctwcamp%5Etweetembed%7Ctwterm%5E1450060563120214023%7Ctwgr%5E%7Ctwcon%5Es1_&ref_url=https%3A%2F%2Fsports.ndtv.com%2Ficc-t20-world-cup-2021%2Ficc-t20-world-cup-curtis-campher-of-ireland-takes-4-wickets-in-4-balls-against-netherlands-watch-2579410
ଅନ୍ତର୍ଜାତୀୟ ଟି୨୦ କ୍ରିକେଟରେ କ୍ରମାଗତ ୪ ବଲରେ ୪ ଉଇକେଟ ନେବାରେ କାମ୍ଫେର ତୃତୀୟ ବୋଲର। ତାଙ୍କ ପୂର୍ବରୁ ଶ୍ରୀଲଙ୍କାର ଲାସିଥ ମଲିଙ୍ଗା ଓ ଆଫଗାନିସ୍ତାନର ରଶିଦ ଖାନ ଏହି ସଫଳତା ହାସଲ କରିଥିଲେ।

