ଚଣ୍ଡିଗଡ଼, ୩୦।୮: ଅପରାଧୀ ଏବେ ଆଉ ଆଇନ ବ୍ୟବସ୍ଥାକୁ ଭ୍ରୁକ୍ଷେପ କରୁ ନାହାଁନ୍ତି। ହରିୟାଣାରେ ଘଟିଥିବା ଏକ ହତ୍ୟା ଘଟଣା ଏହାର ଉଦାହରଣ ପାଲଟିଛି। ସ୍ଥାନୀୟ ଯମୁନାନଗରର ଓ୍ବାର୍କଶପ୍ ରୋଡ୍ରେ ଶୋ’ରୁମ୍ରେ ବସିଥିବା ଜଣେ ବ୍ୟବସାୟୀଙ୍କୁ ଦୁଇଜଣ ଅପରାଧୀ ଗୁଳି କରି ହତ୍ୟା କରିଛନ୍ତି। ରଘୁନାଥ ପ୍ରଜାପତି ନାମକ ବ୍ୟବସାୟୀଙ୍କୁ ଅପରାଧୀମାନେ ୬ ଥର ଗୁଳି କରିଛନ୍ତି। ଏହାପରେ ମୋଟର ସାଇକେଲରେ ବସି ଫେରାର ହୋଇଯାଇଥିବା ସିସିଟିଭି ଫୁଟେଜ୍ରୁ ଜଣାପଡ଼ିଛି। ଏବେ ସିସିଟିଭି ଫୁଟେଜ୍ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି। ପୋଲିସ ପକ୍ଷରୁ ଅପରାଧୀଙ୍କୁ ଧରିବା ଲାଗି ତନାଘନା ଆରମ୍ଭ ହୋଇଥିବା ଏସ୍ପି କମଲଦୀପ୍ ଗୋଏଲ୍ ସୂଚନା ଦେଇଛନ୍ତି। ଅପରାଧୀମାନେ ମୁଣ୍ଡରେ କ୍ୟାପ୍ ଏବଂ ମୁହଁରେ ମାସ୍କ୍ ପିନ୍ଧିଥିବା ସେ କହିଛନ୍ତି। ସେଥିପାଇଁ ଅପରାଧୀଙ୍କୁ ଚିହ୍ନଟ କରିବା ସହଜ ହେଉ ନ ଥିବା ଏସ୍ ପି କହିଛନ୍ତି।
