ନୂଆଦିଲ୍ଲୀ,୩୧ ।୧୨: ଦେଶରେ ବେଳକୁ ବେଳ ଭୟଙ୍କର ହେବାରେ ଲାଗିଲାଣି ଓମିକ୍ରନ୍ ସଂକ୍ରମଣ । ଶୁକ୍ରବାର କେରଳରେ ଏକାଥରେ ୪୪ ଜଣ ଓମିକ୍ରନ୍ ସଂକ୍ରମିତ ଚିହ୍ନଟ ହେବା ସମସ୍ତଙ୍କୁ ଚିନ୍ତାରେ ପକାଇ ଦେଇଛି । ଏବେ କୁଆଡେ ବିଶେଷଜ୍ଞମାନେ କହିଲେଣି ପୂର୍ବର ଡେଲ୍ଟା ଭାରିଏଣ୍ଟର ସ୍ଥାନ ନେବାକୁ ଯାଉଛି ଓମିକ୍ରନ୍ । କାରଣ ଓମିକ୍ରନ୍ର ସଂକ୍ରମଣ ଏତେ ଦ୍ରୁତ ଗତିରେ ହେଉଛି ଯେ ଏହା ଅନେକ ରାଜ୍ୟକୁ ବ୍ୟାପିଯିବା ସହ ବଡ ବଡ ଦେଶରେ ଏହା ତାଣ୍ଡବ ଆରମ୍ଭ କଲାଣି । ଏବେ ଦେଶରେ ଓମିକ୍ରନ୍ ଆକ୍ରାନ୍ତଙ୍କ ସଂଖ୍ୟା ୧୨୭୦ ଅତିକ୍ରମ କରିଥିବା କୁହାଯାଉଛି । ଆଗକୁ ଏହା ଆହୁରି ଅଧିକ ବେଗରେ ବଢିବ ବୋଲି ଅନୁମାନ କରାଯାଉଛି । କାରଣ ଖୁବ୍ କମ୍ ସମୟ ମଧ୍ୟରେ ଏହା ଅଧିକାଂଶ ରାଜ୍ୟକୁ ବ୍ୟାପି ସାରିଲାଣି । ସେପଟେ ଓମିକ୍ରନରେ ଦେଶରେ ୨ ଜଣଙ୍କ ମୃତ୍ୟୁ ଆହୁରି ଲୋକଙ୍କ ଚିନ୍ତାକୁ ବଢାଇ ଦେଇଛି । ମୃତକଙ୍କ ମଧ୍ୟରୁ ଜଣେ ମହାରାଷ୍ଟ୍ର ହୋଇଥିବା ବେଳେ ଅନ୍ୟଜଣେ ଉଦୟପୁରର । ସେପଟେ କରୋନା ବେଳକୁ ବେଳ ପୁଣି ବଢୁଥିବା ବେଳେ ଆଗକୁ ବି ସ୍ଥିତି ଅଣାୟତ ହେବ ବୋଲି କୁହାଯାଉଛି । ବିଶେଷଜ୍ଞଙ୍କ ମତ ଯେତେ ସମ୍ଭବ କରୋନା ଭାଇରସର ଓମିକ୍ରନ ସଂକ୍ରମଣଠାରୁ ଦୂରେଇ ରହିବାକୁ ପଡିବ ।
