ଇଣ୍ଡିଆନ ପ୍ରିମିୟର ଲିଗର ୧୪ତମ ସଂସ୍କରଣ ୨୦୨୧ ଚେନ୍ନାଇରେ ଏପ୍ରିଲ ୯ରୁ ଆରମ୍ଭ ହେବ। ଏଥିପାଇଁ ସବୁ ଦଳ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଯାଇଛି। ପ୍ରଥମ ମ୍ୟାଚ ଡିଫେଣ୍ଡିଂ ଚାମ୍ପିୟନ ତଥା ଆଇପିଏଲର ସଫଳତମ ଦଳ ମୁମ୍ବାଇ ଇଣ୍ଡିଆନ୍ସ ଏବଂ ରୟାଲ ଚ୍ୟାଲେଞ୍ଜର୍ସ ମଧ୍ୟରେ ହେବ। ଏହି ଲିଗ୍ରେ ସର୍ବାଧିକ ଉଇକେଟ ନେଇଥିବା ବୋଲର କିଏ ଜାଣନ୍ତି କି..
କିମ୍ବଦନ୍ତୀ ପେସର୍ ଲାସିଥ ମାଲିଙ୍ଗା ଅବସର ନେଇଥାଇ ପାରନ୍ତି କିନ୍ତୁ ସେ ଆଇପିଏଲର ଶ୍ରେଷ୍ଠ ବୋଲର୍ ଭାବେ ଖ୍ୟାତି ଅର୍ଜନ କରିଛନ୍ତି। ଏହି ପୂର୍ବତନ ମୁମ୍ବାଇ ଇଣ୍ଡିଆନ ତାରକା ୧୨୨ ମ୍ୟାଚ ଖେଳି ମୋଟ ୧୭୦ ଉଇକେଟ ନେଇଛନ୍ତି।
ଆଇପିଏଲର ପରବର୍ତ୍ତୀ ସିଜନରେ ଦିଲ୍ଲୀ କ୍ୟାପିଟାଲ୍ସ ପାଇଁ ଖେଳିବାକୁ ଯାଉଥିବା ଲେଗ ସ୍ପିନର ଅମିତ ମିଶ୍ର ଏହି ଟି -୨୦ ଲିଗରେ ୧୫୦୍ଟି ମ୍ୟାଚରେ ମୋଟ ୧୬୦ ଉଇକେଟ ନେଇଛନ୍ତି। ସର୍ବାଧିକ ଉଇକେଟ ନେବାରେ ସେ ଦ୍ୱିତୀୟ ସ୍ଥାନରେ ଅଛନ୍ତି।
ପୀୟୁଷ ଚାୱଲା ଏପର୍ଯ୍ୟନ୍ତ ଆଇପିଏଲରେ ୧୬୪ଟି ମ୍ୟାଚରେ ୧୫୬ ଉଇକେଟ ନେଇଛନ୍ତି ଏବଂ ସେ ଟପ -୫ ତାଲିକାରେ ତୃତୀୟ ସ୍ଥାନରେ ଅଛନ୍ତି।
ଚେନ୍ନାଇ ସୁପର କିଙ୍ଗ୍ସ ତାରକା ଅଲରାଉଣ୍ଡର ଡ୍ବେନ ବ୍ରାଭୋ ୧୪୦ଟି ମ୍ୟାଚରେ ମୋଟ ୧୫୩ ଉଇକେଟ ନେଇଛନ୍ତି। ସେ ଗୁରୁତ୍ୱପୂର୍ଣ୍ଣ ସମୟରେ ଚେନ୍ନାଇକୁ ଉଇକେଟ ଦିଅନ୍ତି। ସେ ଏହି ତାଲିକାରେ ଚତୁର୍ଥ ସ୍ଥାନରେ ଅଛନ୍ତି।
କେକେଆର୍ ପ୍ରତିନିଧିତ୍ୱ କରିବାକୁ ପ୍ରସ୍ତୁତ ଭେଟେରାନ ଅଫ ସ୍ପିନର ହରଭଜନ ସିଂଙ୍କ ଆଇପିଏଲରେ ମୋଟ ୧୫୦ ଉଇକେଟ ନେଇଛନ୍ତି। ସର୍ବାଧିକ ଉଇକେଟ ନେଇଥିବା ବୋଲର ତାଲିକାରେ ସେ ପଞ୍ଚମ ସ୍ଥାନରେ ଅଛନ୍ତି।
