ଜେନେଭା, ୨୩।୬ : ଚାଇନାରୁ କରୋନା ଭାଇରସ ଉତ୍ପତ୍ତି ନେଇ କରାଯାଉଥିବା ଦୋଷାରୋପରୁ ଦୂରେଇ ରଖିବାକୁ କରିବାକୁ ଡବ୍ଲୁଏଚଓ ସର୍ବଦା ଏଡ଼ାଇ ଆସିଥିଲା। ଡବ୍ଲୁଏଚଓ ଏଥିପାଇଁ ଚାଇନାକୁ ସିଧାସଳଖ ଦାୟୀ କରି ନାହିଁ। ଗଣମାଧ୍ୟମ ରିପୋର୍ଟ ଅନୁଯାୟୀ, ଏହା ପ୍ରଥମ ଥର ପାଇଁ ଡବ୍ଲୁଏଚଓ ମୁଖ୍ୟ ଉହାନ ଲ୍ୟାବରେ କରୋନା ଭାଇରସ୍ ଲିକ୍ ହୋଇଥାଇପାରେ ବୋଲି ସେ ସୂଚନା ଦେଇଛନ୍ତି। ୟୁରୋପୀୟ ରାଜନେତାଙ୍କ ସହ ବାର୍ତ୍ତାଳାପ ସମୟରେ ଡବ୍ଲୁଏଚଓ ମୁଖ୍ୟ ଟ୍ରେଡୋସ ଘେବ୍ରେୟସସ ଏହାକୁ ସ୍ବୀକାର କରିଛନ୍ତି।
ୟୁରୋପୀୟ ରାଜନେତା ତାଙ୍କ ନାମ ପ୍ରକାଶ କରିନାହାଁନ୍ତି। ସେ କହିଛନ୍ତି ଯେ ଏକ ବ୍ୟକ୍ତିଗତ ଆଲୋଚନାରେ ଘେବ୍ରେୟସସ କହିଛନ୍ତି ଯେ ଏହି ଭୂତାଣୁ ଚାଇନାର ଉହାନ ଲ୍ୟାବରୁ ବ୍ୟାପି ଥାଇପାରେ। କିଛି ଦିନ ପୂର୍ବରୁ,ଡବ୍ଲୁଏଚଓର ମହାନିର୍ଦ୍ଦେଶକ ଖୋଲାଖୋଲି ଭାବରେ କହିଥିଲେ ଯେ ଏହି ଭୂତାଣୁ କେଉଁଠୁ ଆସିଛି ତାହା ଏପର୍ଯ୍ୟନ୍ତ ଜଣା ପଡିନାହିଁ। ଏହା କିପରି ମଣିଷ ଶରୀର ଭିତରକୁ ଗଲା ତାହା ମଧ୍ୟ ଅଜଣା।
ଡବ୍ଲୁଏଚଓ ମହାନିର୍ଦ୍ଦେଶକଙ୍କ ଅନୁଯାୟୀ, କରୋନା ଭୂତାଣୁ ଉତ୍ପତ୍ତି ବିଷୟରେ ନୈତିକ ଦୃଷ୍ଟିରୁ ଅନୁସନ୍ଧାନ କରିବା ଆମର ଦାୟିତ୍ୱ। ଏହାକୁ ଜାଣିବା ପାଇଁ ଯେତେ ଅଧିକ ସମୟ ଲାଗିବ, ସେ ବିଷୟରେ ଜାଣିବା କଷ୍ଟକର ହେବ। ତଦନ୍ତରେ ଚାଇନା କେବେ ମଧ୍ୟ ସହଯୋଗ କରି ନଥିଲା।
୨୦୨୧ରେ ଡବ୍ଲୁଏଚଓ ଦ୍ୱାରା ଗଠିତ ବିଶେଷଜ୍ଞ ପ୍ୟାନେଲ ନିକଟରେ ପ୍ରକାଶିତ ରିପୋର୍ଟରେ କହିଥିଲେ ଯେ କରୋନା ସଂକ୍ରମଣର ଆରମ୍ଭ ବିଷୟରେ ଜାଣିବା ପାଇଁ କୌଣସି ଗୁରୁତ୍ୱପୂର୍ଣ୍ଣ ତଥ୍ୟ ନାହିଁ। ତେବେ ଏହା ମଧ୍ୟ ଆଶଙ୍କା କରାଯାଉଛି ଯେ ବାଦୁଡ଼ିଙ୍କଠାରୁ ଭୂତାଣୁ ମଣିଷ ଭିତରକୁ ପ୍ରବେଶ କରିଥାଇ ପାରନ୍ତି। ଡବ୍ଲୁଏଚଓ ବିଶେଷଜ୍ଞମାନେ ଏହି ପ୍ରସଙ୍ଗ ଉଠାଉଛନ୍ତି ଯେ ଚାଇନାରୁ କରୋନା ଭୂତାଣୁର ଉତ୍ପତ୍ତି ହୋଇଥିବା ଅଭିଯୋଗର ଅନୁସନ୍ଧାନ ଚାଇନା ସାହାଯ୍ୟ କରୁନାହିଁ। ଫଳରେ କରୋନା ମହାମାରୀର ଉତ୍ପତ୍ତି ରହସ୍ୟ ଘେରରେ ରହିଛି।
