ନୂଆଦିଲ୍ଲୀ,୨୧।୭: ରାଜଧାନୀ ଦିଲ୍ଲୀରେ କରୋନା ଭାଇରସ କାୟା ବିସ୍ତାର କରିଥିବା ବେଳେ ଏବେ ଏହା ବିଦାୟ ନେବାକୁ ଯାଉଥିବା କୁହାଯାଉଛି। ଜୁନ୍ରେ ଏଠାରେ ପିଜିଟିଭଙ୍କ ସଂଖ୍ୟା ଚିନ୍ତାର କାରଣ ପାଲଟିଥିବା ବେଳେ ସେତେବେଳେ ଦିଲ୍ଲୀରେ ପଜିଟିଭ ହାର ୩୨ ପ୍ରତିଶତ ଥିଲା। ଏବେ ଏହା କେବଳ ୭ ପ୍ରତିଶତ ରହିଥିବା କୁହାଯାଇଛି। ଦିଲ୍ଲୀରେ କରୋନା ଟେଷ୍ଟକୁ ବଢାଇ ଦେବା ପରେ ଗୋଟିଏ ଦିନରେ ପାଖାପାଖି ୪ ହଜାର ସଂକ୍ରମିତଙ୍କୁ ଚିହ୍ନଟ କରାଯାଉଥିଲା। ହେଲେ ଏବେ ପ୍ରାୟ ୪୯ ଦିନ ପରେ ଏଠାରେ ମାତ୍ର ୯୫୪ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏଠାରେ କରୋନା ସଂକ୍ରମିତଙ୍କ ସଂଖ୍ୟା ୧ଲକ୍ଷ ୨୩ ହଜାର ଅତିକ୍ରମ କରିଥିଲେ ବି ଏବେ କେବଳ ୧୫ ହଜାର ରୋଗୀଙ୍କର ଚିକିତ୍ସା ଚାଲିଛି। ଲଗାତାର ଏକ ସପ୍ତାହ ପର୍ଯ୍ୟନ୍ତ ପ୍ରଥମଥର ଲାଗି କେବଳ ଦିଲ୍ଲୀରେ ପଜିଟିଭଙ୍କ ସଂଖ୍ୟା କମ୍ ହୋଇଛି ବୋଲି କୁହାଯାଉଛି। ଦେଶ ମଧ୍ୟରେ କେବଳ ଦିଲ୍ଲୀରେ ହିଁ ପ୍ରତିଦିନ ସବୁଠାରୁ ଅଧିକ କରୋନା ଟେଷ୍ଟ କରାଉଥିବା ଦାବି କରାଯାଉଛି। ଏଠାରେ ଏବେ ପାଖାପାଖି ୭୭ ପ୍ରତିଶତ ବେଡ୍ ଖାଲି ପଡିଛି। ଅଧିକାଂଶ ଲୋକେ ଘରେ ରହି ଚିକିତ୍ସିତ ହେଉଛନ୍ତି।
