ୟୁକ୍ରେନ୍‌କୁ ବଢ଼ୁଛି ସହଯୋଗ

କ୍ୱିଭ,୧।୩: ୟୁକ୍ରେନରେ ରୁଷିଆର ଆକ୍ରମଣ ଜାରି ଥିବାବେଳେ ବିଭିନ୍ନ ଦେଶ କ୍ୱିଭ୍‌କୁ ସେମାନଙ୍କ ସାମରିକ ସହାୟତା ପ୍ରଦାନ କରିବାରେ ଲାଗିଛନ୍ତି। ଆମେରିକା ରାଷ୍ଟ୍ରପତି ଜୋ ବାଇଡେନ୍‌ ୩୫୦ ମିଲିୟନ ଡଲାରର ସାମରିକ ଏବଂ ୫୪ ମିଲିୟନ ଡଲାରର ମାନବୀୟ ସହାୟତା ପ୍ରଦାନ ପାଇଁ ଘୋଷଣା କରିଛନ୍ତି। ବୈଦେଶିକ ସହାୟତା ଆଇନ ଅନୁସାରେ ୟୁକ୍ରେନ ପ୍ରତିରକ୍ଷା ବିଭାଗକୁ ଉକ୍ତ ଅର୍ଥ ଦିଆଯିବ ବୋଲି ଆମେରିକା ପରରାଷ୍ଟ୍ର ସଚିବ ଆଣ୍ଟୋନି ବ୍ଲିଙ୍କେନ୍‌ କହିଛନ୍ତି। ବ୍ରିଟେନ ମଧ୍ୟ ୟୁକ୍ରେନ୍‌କୁ ସାମରିକ ସହାୟତା ପ୍ରଦାନ କରିବାକୁ ପ୍ରଧାନମନ୍ତ୍ରୀ ବୋରିସ୍‌ ଜନ୍‌ସନ୍‌ ଘୋଷଣା କରିଛନ୍ତି। ସେଥିମଧ୍ୟରେ ଘାତକ ଅସ୍ତ୍ରଶସ୍ତ୍ର ସାମିଲ କରାଯାଇଛି। ଫ୍ରାନ୍ସ ଡିଫେନ୍ସିଭ୍‌ ଆଣ୍ଟି-ଏୟାରକ୍ରାଫ୍ଟ ସମେତ ଡିଜିଟାଲ ସହାୟତା ଦେଇଛି। ୟୁକ୍ରେନ୍‌କୁ ୨୦୦ ଷ୍ଟିଙ୍ଗର ଏୟାର ଡିଫେନ୍ସ ରକେଟ ଏବଂ ୫୦ ଆଣ୍ଟି-ଟ୍ୟାଙ୍କ୍‌ ସିଷ୍ଟମ ସହ ୪୦୦ ରକେଟ୍‌ ଯୋଗାଇଦେବାକୁ ଡଚ୍‌ ସରକାର ଘୋଷଣା କରିଛନ୍ତି। ଏହା ଜର୍ମାନୀ ସହ ମିଳିତ ଭାବେ ସ୍ଲୋଭାକିଆରେ ଏକ ନାଟୋ ଯୁଦ୍ଧଗୋଷ୍ଠୀକୁ ପାଟ୍ରିଓଟ୍‌ ଏୟାର ଡିଫେନ୍ସ ସିଷ୍ଟମ ପଠାଇବାକୁ ଯୋଜନା କରିଛି। ଜର୍ମାନୀ ୧ ହଜାର ଆଣ୍ଟି-ଟ୍ୟାଙ୍କ ଅସ୍ତ୍ରଶସ୍ତ୍ର, ଭୂମିରୁ ଆକାଶକୁ ନିକ୍ଷେପ ହେଉଥିବା ୫୦୦ ଷ୍ଟିଙ୍ଗର ମିଶାଇଲ ଯୋଗାଣ କରିବ ବୋଲି କହିଛି। କାନାଡା ପ୍ରାୟ ୩୯୪ ମିଲିୟନ ଡଲାରର ଘାତକ ଅସ୍ତ୍ରଶସ୍ତ୍ର ୟୁକ୍ରେନ୍‌କୁ ପଠାଇବା ଆରମ୍ଭ କରିଛି।
୫ ହଜାର ଆଣ୍ଟି-ଟ୍ୟାଙ୍କ୍‌ ରକେଟ୍‌ ସହ ଅଙ୍ଗରକ୍ଷାକାରୀ କବଚ ଏବଂ ଅନ୍ୟ ଅସ୍ତ୍ରଶସ୍ତ୍ର ପଠାଇବାକୁ ନିଷ୍ପତ୍ତି ନେଇଛି। ୧୯୩୯ରେ ସୋଭିଏଟ୍‌ ୟୁନିୟନ ଫିନ୍‌ଲାଣ୍ଡ ଉପରେ ଆକ୍ରମଣ କରିବା ପରଠାରୁ ପ୍ରଥମ ଥର ପାଇଁ ସୁଇଡେନ୍‌ ନିରପେକ୍ଷ ରହିବା ବଦଳରେ କୌଣସି ଯୁଦ୍ଧ ପ୍ରଭାବିତ ଦେଶକୁ ସାହାଯ୍ୟ କରିବାକୁ ଆଗେଇ ଆସିଛି। ବେଲ୍‌ଜିୟମ ୩ ହଜାର ସ୍ବଂୟଚାଳିତ ରାଇଫଲ୍‌, ୨୦୦ ଆଣ୍ଟି-ଟ୍ୟାଙ୍କ ଅସ୍ତ୍ରଶସ୍ତ୍ର ସହ ୩,୮୦୦ ଟନ୍‌ ଇନ୍ଧନ ଯୋଗାଇବାକୁ କହିଛି। ପର୍ତ୍ତୁଗାଲ ନାଇଟ୍‌-ଭିଜନ ଚଷମା, ବୁଲେଟ୍‌ପ୍ରୁଫ୍‌ ଜ୍ୟାକେଟ, ହେଲମେଟ, ଗ୍ରେନେଡ, ଜି-୩ ରାଇଫଲ ସହ ଅନ୍ୟ ଯୁଦ୍ଧାସ୍ତ୍ର ପଠାଇବା ଆରମ୍ଭ କରିଛି। ଗ୍ରୀସ ବିଭିନ୍ନ ପ୍ରକାର ଯୁଦ୍ଧାସ୍ତ୍ର ସହ ମାନବୀୟ ସହାୟତା ପଠାଇବା ଜାରି ରଖିଛି। ୟୁକ୍ରେନ ସୀମା ସଂଲଗ୍ନ ଦେଶ ରୋମାନିଆ ୧୧ ମିଲିଟାରି ହସ୍ପିଟାଲ, ଇନ୍ଧନ, ବୁଲେଟ୍‌ ପ୍ରୁଫ୍‌ ପୋଷାକ, ହେଲମେଟ ସହ ପ୍ରାୟ ୩.୩ ମିଲିୟନ ଡଲାରର ସହାୟତା ପ୍ରଦାନ ନିମନ୍ତେ ଆଗେଇ ଆସିଛି। ସ୍ପେନ୍‌ ୟୁକ୍ରେନ୍‌କୁ ଚିକିତ୍ସା ଉପକରଣ ସହ ଯୁଦ୍ଧାସ୍ତ୍ର ଯୋଗାଣ ନିମନ୍ତେ ଘୋଷଣା କରିଛି। ଚେକ୍‌ ରିପବ୍ଲିକ୍‌ ୪ ହଜାର ମୋର୍ଟାର, ୩୦ ହଜାର ପିସ୍ତଲ, ୭ ହଜାର ଆସଲ୍ଟ ରାଇଫଲ, ୩ ହଜାର ମେଶିନ୍‌ ଗନ୍‌ ସହ ସ୍ନାଇପର ରାଇଫଲ ଏବଂ ୧୦ ଲକ୍ଷ ବୁଲେଟ ୟୁକ୍ରେନ୍‌କୁ ପଠାଇବା ଆରମ୍ଭ କରିଛି।


Enter your email to get our daily news in your inbox.

All Right Reserved By Dharitri.Com

ଦିନେ ଥିଲେ ପ୍ରଧାନମନ୍ତ୍ରୀଙ୍କ ଚାକର, ଏବେ ୨୮୪ କୋଟି ଟଙ୍କାର ମାଲିକ

ଢାକା,୧୮।୭:ବାଂଲାଦେଶ ପ୍ରଧାନମନ୍ତ୍ରୀ ଶେଖ ହସିନାଙ୍କ ଘରେ କାମ କରୁଥିବା ଜଣେ ଚାକର କୋଟିପତି ହୋଇଯାଇଛନ୍ତି। ସେ ବ୍ୟକ୍ତିଗତ ବିମାନରେ ଯାତ୍ରା କରୁଛନ୍ତି ଏବଂ ବର୍ତ୍ତମାନ ଆମେରିକାରେ...

ଘରୁ ବାହାରନ୍ତୁ ନାହିଁ: ଆଡଭାଇଜରି ଜାରି କଲେ ସରକାର

ନୂଆଦିଲ୍ଲୀ/ଢାକା,୧୮।୭: ବାଂଲାଦେଶରେ ସଂରକ୍ଷଣର ଦାବିକୁ ନେଇ ଉତ୍ତେଜନା କାରଣରୁ ସ୍କୁଲ, କଲେଜ ଏବଂ କାର୍ଯ୍ୟାଳୟ ବନ୍ଦ ରହିଛି। ଦେଶର ଅଧିକାଂଶ ସ୍ଥାନରେ ଉତ୍ତେଜନା ପରିସ୍ଥିତି ସୃଷ୍ଟି...

ଏହି ଦେଶରେ ଅଟା କିଲୋ ୮୦୦, ତେଲ ଲିଟର ୯୦୦ ଟଙ୍କା

ଇସଲାମାବାଦ୍‌,୧୮।୭: ଆଜିକାଲି ପାକିସ୍ତାନ ଗୁରୁତର ଆର୍ଥିକ ସଙ୍କଟରେ ପଡ଼ିଛି। ଚାଇନାର ଋଣ ଅଧୀନରେ ଦେଶର ଅର୍ଥନୀତି ପୋତି ହୋଇଯାଉଛି। ଏକ ଜାମିନ ପ୍ୟାକେଜ ପାଇଁ ସରକାର...

କମଲା ହାରିସ୍‌ ହୋଇପାରନ୍ତି ରାଷ୍ଟ୍ରପତି

ଓ୍ବାଶିଂଟନ,୧୮ା୭: ଆମେରିକାର ଉପରାଷ୍ଟ୍ରପତି କମଲା ହାରିସ୍‌ ଦେଶର ପରବର୍ତ୍ତୀ ରାଷ୍ଟ୍ରପତି ହୋଇପାରିବେ ବୋଲି ରାଷ୍ଟ୍ରପତି ଜୋ ବାଇଡେନ୍‌ କହିଛନ୍ତି। ବାଇଡେନ୍‌ଙ୍କ ସ୍ବାସ୍ଥ୍ୟଗତ ସମସ୍ୟା ଯୋଗୁ ସେ...

ଆମେରିକା ରାଷ୍ଟ୍ରପତି ବାଇଡେନଙ୍କୁ ପୁଣି କରୋନା

ଓ୍ବାଶିଂଟନ୍‌,୧୮।୭: କରୋନାରେ ଆକ୍ରାନ୍ତ ହେଲେ ଆମେରିକା ରାଷ୍ଟ୍ରପତି ଜୋ ବାଇଡେନ । ବାଇଡେନ କୋଭିଡ ପଜିଟିଭ ଚିହ୍ନଟ ହୋଇଥିବା ହ୍ବାଇଟ ହାଉସ ପକ୍ଷରୁ ସୂଚନା ଦିଆଯାଇଛି।...

ସଂରକ୍ଷଣ ବିରୋଧରେ ଆଜି ବାଂଲାଦେଶ ବନ୍ଦ

ଢାକା,୧୮।୭: ବାଂଲାଦେଶର ସରକାରୀ ନିଯୁକ୍ତିରେ ରହିଥିବା ସଂରକ୍ଷଣ ବ୍ୟବସ୍ଥାରେ ସଂସ୍କାର ଦାବିରେ ବିକ୍ଷୋଭକାରୀ ଛାତ୍ରୀଛାତ୍ରମାନେ ଗୁରୁବାର ଦେଶବ୍ୟାପୀ ବନ୍ଦ ଡାକରା ଦେଇଛନ୍ତି। ସଂରକ୍ଷଣ ବ୍ୟବସ୍ଥାରେ ସଂସ୍କାର...

ସମୁଦ୍ରରେ ତୈଳବାହୀ ଜାହାଜ; ୯ ଜଣଙ୍କୁ ଉଦ୍ଧାର କଲା ଭାରତୀୟ ନୌସେନା, ୭ ନିଖୋଜ

ନୂଆଦିଲ୍ଲୀ,୧୭।୭: ଓମାନ ନିକଟ ସମୁଦ୍ରରେ ବୁଡ଼ି ଯାଇଥିବା ତୈଳବାହୀ ଜାହାଜର ୯ ଜଣ କ୍ରୁ ସଦସ୍ୟଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି। ଜାହାଜରେ ସମୁଦାୟ ୧୬...

ଅନ୍ୟ ମହିଳାଙ୍କ ସହିତ ବ୍ୟସ୍ତ ଥିଲେ ସ୍ୱାମୀ; ଇନଷ୍ଟାଗ୍ରାମରେ ତଲାକ କହିଲେ ଦୁବାଇ ରାଜକୁମାରୀ

ନୂଆଦିଲ୍ଲୀ,୧୭।୭: ଦୁବାଇ ଶାସକ ତଥା ୟୁନାଇଟେଡ ଆରବ ଏମିରେଟ(ୟୁଏଇ) ପ୍ରଧାନମନ୍ତ୍ରୀ ମହମ୍ମଦ ବିନ ରଶିଦ ଅଲ ମକତୁମଙ୍କ ଝିଅ ଶେଖ ମହରା ଇନଷ୍ଟାଗ୍ରାମରେ ଛାଡ଼ପତ୍ର ଘୋଷଣା...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri