Posted inଜାତୀୟ

ଫେସ୍‌ବୁକ୍‌କୁ ନେଇ ବଢୁଛି ବିବାଦ

ନୂଆଦିଲ୍ଲୀ, ୩୦।୮: ଭାଜପା ନେତାମାନଙ୍କ ଘୃଣା ଉଦ୍ରେକକାରୀ ଭାଷଣକୁ ରୋକିବାରେ ଫେସ୍‌ବୁକ୍‌ ଇଣ୍ଡିଆର ପାତରଅନ୍ତର ନୀତି ବିରୋଧରେ ଉକ୍ତ ସଂସ୍ଥା କ’ଣ ପଦକ୍ଷେପ ନେଇଛି, ତାହା ଜଣାଇବା ପାଇଁ କଂଗ୍ରେସ ସାଧାରଣ ସମ୍ପଦକ କେ.ସି. ବେଣୁଗୋପାଳ ଏହାର ମୁଖ୍ୟ ମାର୍କ ଜୁକରବର୍ଗଙ୍କ ନିକଟକୁ ପୁଣି ଥରେ ପତ୍ର ଲେଖିଛନ୍ତି। ଫେସ୍‌ବୁକ୍‌ ଇଣ୍ଡିଆ ସହ ଶାସକ ଦଳର ଭିତିରି ବୁଝାମଣା ସମ୍ପର୍କରେ ଓ୍ବାଲ ଷ୍ଟ୍ରିଟ୍‌ ଜର୍ନାଲରେ ଖବର ପ୍ରକାଶ ପାଇବା ପରେ ଏହାକୁ ନେଇ ଭାରତରେ ବଡ଼ ଧରଣର ରାଜନୈତିକ ବିବାଦ ସୃଷ୍ଟି ହୋଇଥିଲା। ବେଣୁଗୋପାଳ ଅଗଷ୍ଟ ୧୭ରେ ଫେସ୍‌ବୁକ୍‌ ସିଇଓଙ୍କୁ ଉକ୍ତ ଘଟଣାର ତଦନ୍ତ ଲାଗି ପତ୍ର ଲେଖିଥିଲେ। ତଦନ୍ତ କେତେବାଟ ଆଗେଇଲା ତାହା ଜଣାଇବା ପାଇଁ ବେଣୁଗୋପାଳ ତାଙ୍କ ପତ୍ରରେ ଦାବି କରିଛନ୍ତି। ଉକ୍ତ ରିପୋର୍ଟ ଭାଜପା-ହ୍ବାଟ୍ସଆପ୍‌ ଭିତିରି ସମ୍ପର୍କର ପର୍ଦ୍ଦାଫାଶ କରିଛି ବୋଲି କଂଗ୍ରେସ ନେତା ରାହୁଲ ଗାନ୍ଧୀ କହିଥିବା ଟାଇମ୍‌ ମାଗାଜିନ୍‌ରେ ପ୍ରକାଶ ପାଇବା ପରେ ଦଳ ପକ୍ଷରୁ ଜୁକରବର୍ଗଙ୍କ ପାଖକୁ ଦ୍ୱିତୀୟ ପତ୍ର ଲେଖାଯାଇଛି। ତଦନ୍ତର ସବିଶେଷ ବିବରଣୀ ସର୍ବସାଧାରଣରେ ପ୍ରକାଶ କରିବାକୁ କଂଗ୍ରେସ ଅନୁରୋଧ କରିଛି। ଭାଜପାର କେତେଜଣ ନେତାଙ୍କ ପ୍ରତି ଫେସ୍‌ବୁକ୍‌ ଏହାର ଘୃଣିତ ମନ୍ତବ୍ୟ ନିୟମାବଳୀ ଲାଗୁ କରୁ ନ ଥିବା ଅଭିଯୋଗ ହେଉଥିବାବେଳେ ସେପ୍ଟେମ୍ବର ୨ରେ ହାଜର ହୋଇ ଏ ସମ୍ପର୍କରେ ଆଲୋଚନା କରିବା ଲାଗି ସୂଚନା ପ୍ରଯୁକ୍ତି ସମ୍ପର୍କିତ ସଂସଦୀୟ ଷ୍ଟାଣ୍ଡିଂ କମିଟି ଇତିମଧ୍ୟରେ ଫେସ୍‌ବୁକ୍‌କୁ ସମନ ଜାରି କରିଛି।
ଟାଇମ୍‌ ମାଗାଜିନ୍‌ରେ ପ୍ରକାଶିତ ରିପୋର୍ଟକୁ ନେଇ ରାହୁଲ ଶନିବାର ପୁଣିଥରେ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି। ଫେସ୍‌ବୁକ୍‌ ଓ ଭାଜପା ନେତାଙ୍କ ମଧ୍ୟରେ ସମ୍ପର୍କ ଏବଂ ସୋସିଆଲ ମିଡିଆ ପ୍ଲାଟ୍‌ଫର୍ମରେ ଘୃଣିତ ବକ୍ତୃତାକୁ ରୋକିବାରେ ବିଫଳତାକୁ ନେଇ ଆମେରିକାର ଟାଇମ୍‌ ପତ୍ରିକାରେ ଖବର ପ୍ରକାଶ ପାଇଥିଲା। ରାହୁଲ କହିଛନ୍ତି, ୪୦ କୋଟି ଭାରତୀୟ ଫେସ୍‌ବୁକ୍‌ ବ୍ୟବହାର କରୁଛନ୍ତି। ଫେସ୍‌ବୁକ୍‌ ମାଧ୍ୟମରେ ପେମେଣ୍ଟ ପାଇଁ ଏହି ସଂସ୍ଥା ନରେନ୍ଦ୍ର ମୋଦି ସରକାରଙ୍କ ଅନୁମୋଦନ ଆବଶ୍ୟକ କରୁଛି। ସେଥିପାଇଁ ହ୍ବାଟ୍ସଆପ୍‌ ଉପରେ ଭାଜପା କବ୍‌ଜା କରିଛି ବୋଲି ରାହୁଲ ଟୁଇଟ୍‌ କରିଛନ୍ତି।
ଭାରତର ଶାସକ ଦଳ ସହ ଫେସ୍‌ବୁକ୍‌ର ସମ୍ପର୍କ ହେଟ୍‌ ସ୍ପିଚ୍‌ ବିରୋଧରେ ଏହାର ଲଢ଼େଇକୁ ଜଟିଳ କରିଛି। ୨୦୧୯ରେ ଫେସ୍‌ବୁକ୍‌ ଇଣ୍ଡିଆର କର୍ମଚାରୀମାନଙ୍କ ସହ ଆଲାଫିଆ ଜୋୟାବ ଏକ ଭିଡିଓ କଲ୍‌ କରି ୧୮୦ଟି ପୋଷ୍ଟ ଉପରେ ଆଲୋଚନା କରିଥିଲେ। ଏହା ଫେସ୍‌ବୁକ୍‌ର ଘୃଣିତ ମନ୍ତବ୍ୟ ରୋକିବା ନିୟମର ଉଲ୍ଲଂଘନ କରୁଥିବା ସେ ଦର୍ଶାଇଥିଲେ। ତେବେ ଆଲୋଚନାର ଅଧାରୁ ଫେସ୍‌ବୁକ୍‌ର ବରିଷ୍ଠ ଅଧିକାରୀ ଶିବନାଥ ଥୁକ୍ରାଲ ସ୍ଥାନ ଛାଡ଼ି ଚାଲିଯାଇଥିଲେ। ଆଲୋଚନାରେ ଭାଜପାର ଆସାମ ବିଧାୟକ ଶିଳାଦିତ୍ୟ ଦେବଙ୍କ ପୋଷ୍ଟ ରହିଥିଲା। ଜଣେ ମୁସଲମାନ ବ୍ୟକ୍ତି ଯୁବତୀଙ୍କୁ ନିଶା ଦେଇ ବଳାତ୍କାର କରିଥିବା ରିପୋର୍ଟ ସମ୍ପର୍କରେ ସେ ନିଜର ମନ୍ତବ୍ୟ ଦେଇ ଲେଖିଥିଲେ, ବାଂଲାଦେଶୀ ମୁସଲମାନମାନେ ଆମ ନାଗରିକଙ୍କୁ ୨୦୧୯ରେ ଟାର୍ଗେଟ କରିବା ଭଳି ଏହି ଘଟଣା। ଫେସ୍‌ବୁକ୍‌ ଏହି ପୋଷ୍ଟକୁ ନ ହଟାଇ ଏହାକୁ ବର୍ଷେରୁ ଅଧିକ ସମୟ ପର୍ଯ୍ୟନ୍ତ ଅନ୍‌ଲାଇନରେ ରଖିଥିଲା। ଟାଇମ୍‌ ଏହା ଉପରେ ପ୍ରଶ୍ନ ଉଠାଇବା ପରେ ଫେସ୍‌ବୁକ୍‌ ଭୁଲ୍‌ ସ୍ବୀକାର କରିଥିଲା। ସେତେବେଳେ ଥୁକ୍ରାଲ ଭାରତ ଓ ଦକ୍ଷିଣ ଏସିଆ ପାଇଁ ଫେସ୍‌ବୁକ୍‌ର ପବ୍ଲିକ୍‌ ପଲିସି ନିର୍ଦ୍ଦେଶକ ଥିଲେ। ତେବେ ବୈଠକରେ ଆଲୋଚନା ହୋଇଥିବା ୧୮୦ ପୋଷ୍ଟ ମଧ୍ୟରୁ ୭୦ଟି ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇଥିବା ଫେସ୍‌ବୁକ୍‌ କହିଥିଲା। ଫେସ୍‌ବୁକ୍‌ର କେତେଜଣ ନୀତି ନିର୍ଦ୍ଧାରକ ଅଧିକାରୀ ସରକାରଙ୍କ ସହ ସମ୍ପର୍କ ରଖିଥିବା କେତେଜଣ ସାମାଜିକ କର୍ମୀ କହିଛନ୍ତି। ଭାଜପାର ୨୦୧୪ ନିର୍ବାଚନ ପ୍ରଚାରରେ ଦଳୀୟ ନେତାଙ୍କୁ ସହାୟତା କରିବାରେ ଥୁକ୍ରାଲ କାର୍ଯ୍ୟ କରୁଥିଲେ ବୋଲି ଅଭିଯୋଗ ହୋଇଛି। ତେବେ ଅଭିଯୋଗକୁ ଫେସ୍‌ବୁକ୍‌ର ଭାରତ ପାଇଁ ଥିବା ପରିଚାଳନା ନିର୍ଦ୍ଦେଶକ ଅଜିତ ମୋହନ ଅଗଷ୍ଟ ୨୧ ବ୍ଲଗ୍‌ରେ ଖଣ୍ଡନ କରିଛନ୍ତି। ଆମେ ମୁକ୍ତ, ସ୍ବଚ୍ଛ ଓ ପକ୍ଷପାତହୀନ ବୋଲି ସେ ଲେଖିଥିଲେ।


Enter your email to get our daily news in your inbox.

All Right Reserved By Dharitri.Com

ମୁଖତାର ଅନସାରି ଗୁରୁତର, ହସ୍ପିଟାଲରେ ଭର୍ତ୍ତି

ନୂଆଦିଲ୍ଲୀ,୨୮।୩: ବାହୁବଳୀ ନେତା ମୁଖତାର ଅନସାରି ଗୁରୁତର ହୋଇପଡିଛନ୍ତି। ବାନ୍ଦା ଜେଲରେ ଥିବା ବେଳେ ତାଙ୍କର ସ୍ବାସ୍ଥ୍ୟ ବିଗିଡି ଯାଇଛି। ଏହା ପରେ ତାଙ୍କୁ ବାନ୍ଦା...

କେଜ୍‌ରିଓ୍ବାଲଙ୍କ ଗିରଫଦାରୀକୁ ନେଇ ଆମେରିକା ଦେଇଥିବା ମନ୍ତବ୍ୟ ଉପରେ କଡ଼ା ଜବାବ ଦେଲା ଭାରତ

ନୂଆଦିଲ୍ଲୀ,୨୮।୩ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲଙ୍କ ଗିରଫଦାରୀ ଏବଂ କଂଗ୍ରେସର ବ୍ୟାଙ୍କ ଆକାଉଣ୍ଟକୁ ଅଚଳ କରାଯିବା ଘଟଣା ଉପରେ ଆମେରିକାର ମନ୍ତବ୍ୟ ଅବାଞ୍ଛିତ ବୋଲି...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

୧୪ ବର୍ଷର ବନବାସ ଶେଷ କରି କାହିଁକି ରାଜନୀତିକୁ ଫେରିଲେ ଛୋଟେ ମିଆଁ

ମୁମ୍ବାଇ,୨୮।୩: ବଲିଉଡ଼ ଅଭିନେତା ତଥା ପୂର୍ବତନ ଏମପି ଗୋବିନ୍ଦା ଗୁରୁବାର ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ନେତୃତ୍ୱରେ ଶିବସେନାରେ ଯୋଗ ଦେଇଛନ୍ତି। ମୁମ୍ବାଇ ଉତ୍ତର ପଶ୍ଚିମରେ ଶିବସେନାର...

ଇଡି ମୋ ସ୍ବାମୀଙ୍କୁ ହଇରାଣ କରୁଛନ୍ତି, ସେ ବହୁତ ଅସୁସ୍ଥ ଅଛନ୍ତି:ସୁନୀତା

ନୂଆଦିଲ୍ଲୀ,୨୮।୩: ଅବକାରୀ ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଗୁରୁବାର କୋର୍ଟରୁ ଆଶ୍ୱସ୍ତି ପାଇନାହାଁନ୍ତି ଏବଂ ତାଙ୍କୁ ଏପ୍ରିଲ ୧ ପର୍ଯ୍ୟନ୍ତ ଇଡି ରିମାଣ୍ଡରେ...

ଅନ୍ୟକୁ ଡରାଇବା ଧମକାଇବା କଂଗ୍ରେସର ସଂସ୍କୃତି…ଓକିଲଙ୍କ ଚିଠିକୁ ନେଇ ଏମିତି କହିଲେ ମୋଦି

ନୂଆଦିଲ୍ଲୀ,୨୮।୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ ଅନ୍ୟମାନଙ୍କୁ ଭୟଭୀତ କରିବା ହେଉଛି କଂଗ୍ରେସର ପୁରୁଣା ସଂସ୍କୃତି। ମାତ୍ର ୫ଦଶନ୍ଧି ପୂର୍ବରୁ ସେ ଏକ ‘ପ୍ରତିବଦ୍ଧ...

ଭାଜପାରେ ମିଶିଲେ ଭାରତର ସବୁଠାରୁ ଧନୀ ମହିଳା ସାବିତ୍ରୀ ଜିନ୍ଦଲ

ନୂଆଦିଲ୍ଲୀ,୨୮।୩: ଆଗାମୀ ସାଧାରଣ ନିର୍ବାଚନ ପୂର୍ବରୁ ଭାରତର ସବୁଠାରୁ ଧନୀ ମହିଳା ତଥା ହରିୟାଣାର ପୂର୍ବ ମନ୍ତ୍ରୀ ସାବିତ୍ରୀ ଜିନ୍ଦଲ(୮୪) ଭାଜପାରେ ସାମିଲ ହୋଇଛନ୍ତି। କିଛି...

ଅଗ୍ନିବୀର ଯୋଜନାକୁ ନେଇ ସରକାର ନେବେ ବଡ ନିଷ୍ପତ୍ତି? ରାଜନାଥ ଦେଲେ ସୂଚନା

ନୂଆଦିଲ୍ଲୀ,୨୮।୩: ଅଗ୍ନିବୀର ଯୋଜନା ସମ୍ପର୍କରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏକ ବଡ଼ ବୟାନ ଦେଇଛନ୍ତି। ସେ କହିଛନ୍ତି ଯେ ଯଦି ଆବଶ୍ୟକତା ପଡେ ତେବେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri