ନୂଆଦିଲ୍ଲୀ,୩୦।୪: କଗ୍ରେସର ବରିଷ୍ଠ ନେତା ପି.ଚିଦାମ୍ବରମ ଶନିବାର ଦେଶବ୍ୟାପି କୋଇଲା ସଙ୍କଟ ଉପରେ ପ୍ରତିକ୍ରିୟା ରଖିଛନ୍ତି। ଦେଶରେ ପ୍ରଚୁର ମାତ୍ରାରେ କୋଇଲା ମହଜୁଦ ରହିଛି, ବୃହତ ରେଳ ନେଟଓ୍ବାର୍କ ଓ ଥର୍ମାଲ ପାଓ୍ବାର ପ୍ଲାଣ୍ଟ ବି ରହିଛି। ତଥାପି ବିଦ୍ୟୁତ୍ ଅଭାବ ଜାରି ରହିଛି ବୋଲି ଚିଦାମ୍ବରମ ଟୁଇଟ କରି କହିଛନ୍ତି। ଏଥିସହ ସେ ଲେଖିଛନ୍ତି, ଏଥିପାଇଁ ମୋଦି ସରକାରଙ୍କୁ ଦୋଷ ଦିଆଯାଇପାରିବ ନାହିଁ, ଏହା କେବଳ କଂଗ୍ରେସର ୬୦ବର୍ଷର ଶାସନକାଳ ଦାୟୀ ବୋଲି ଚିଦାମ୍ବରମ କହିଛନ୍ତି। ସୂଚନାଯୋଗ୍ୟ, ଶନିବାର କଂଗ୍ରେସ ନେତା ପି. ଚିଦାମ୍ବରମ ଟୁଇଟ କରି ଲେଖିଛନ୍ତି, କୋଇଲା, ରେଲଓ୍ବେ କିମ୍ବା ଶକ୍ତି ମନ୍ତ୍ରଣାଳୟରେ କୌଣସି ଅଭାବ ନାହିଁ। ଦୋଷ ତ ଏହି ବିଭାଗର ମନ୍ତ୍ରୀ ଥିବା କଂଗ୍ରେସ ନେତାମାନଙ୍କର ରହିଛି। ଏଥିସହ ସେ ଥଟ୍ଟା କରି କହିଛନ୍ତି, ଯାତ୍ରୀବାହୀ ଟେନ୍ଗୁଡ଼ିକୁ ବାତିଲ କରିବା ଏବଂ କୋଇଲା ଟ୍ରେନ୍ର ସହଜ ଯାତ୍ରା ପାଇଁ ମୋଦି ସରକାର ସଠିକ୍ ସମାଧାନ ବାହାର କରିଦେଖାଇଛନ୍ତି। ଏହା କେବଳ ମୋଦି ସରକାରରେ ହିଁ ସମ୍ଭବ। ମୋଦି ଅଛନ୍ତି ତ ସବୁ ସମ୍ଭବ ବୋଲି ପି. ଚିଦାମ୍ବରମ କହିଛନ୍ତି।
