ଚଣ୍ଡିଗଡ,୨୭।୬: କଂଗ୍ରେସ ନେତା ନବଜୋତ ସିଂ ସିଦ୍ଧୁ ସୋମବାର ତାଙ୍କ ଭାବିବୋହୂଙ୍କୁ ପରିଚିତ କରାଇବା ସହ ଟୁଇଟରରେ ଫଟୋ ମଧ୍ୟ ଶେୟାର କରିଛନ୍ତି। ସିଦ୍ଧୁ ଏକ ଟୁଇଟ କରି ଦୁର୍ଗା-ଅଷ୍ଟମୀ ଅବସରରେ ନିଜ ପରିବାର ସହିତ ନେଇଥିବା ଯାତ୍ରାର କିଛି ଫଟୋ ପୋଷ୍ଟ କରିଛନ୍ତି। ଗୋଟିଏ ଫଟୋରେ ସିଦ୍ଧୁଙ୍କୁ ତାଙ୍କ ପତ୍ନୀ ନବଜୋତ କୌର ସିଦ୍ଧୁ, ଝିଅ ରାବିୟା ସିଦ୍ଧୁ, ପୁଅ କରଣ ସିଦ୍ଧୁଙ୍କ ସହ ଦେଖିବାକୁ ମିଳିଛି। ଏହି ଫଟୋରେ ଜଣେ ନୂତନ ସଦସ୍ୟ ଇନାୟତ ରାନ୍ଧୱା ମଧ୍ୟ ନଜର ଆସିଛନ୍ତି। ଫଟୋରେ ସିଦ୍ଧୁ ତାଙ୍କ ପରିବାର ସହିତ ଗଙ୍ଗା ନଦୀ କୂଳରେ ପୋଜ ଦେଉଥିବା ଦେଖିବାକୁ ମିଳିଛି। ଅନ୍ୟ ଏକ ଫଟୋରେ ସିଦ୍ଧୁଙ୍କ ପୁଅ କରଣ ଏବଂ ଭାବି ବୋହୂ ନଜର ଆସିଛନ୍ତି।
ନବଜୋତ ସିଂ ସିଦ୍ଧୁ ସୋସିଆଲ ମିଡିଆରେ ଟୁଇଟ କରି ଲେଖିଛନ୍ତି, ପୁଅ ତାଙ୍କ ପ୍ରିୟ ମା’ଙ୍କର ସବୁଠାରୁ ବଡ ଇଚ୍ଛାକୁ ସମ୍ମାନ କରନ୍ତି। ଏହି ଶୁଭ ଦୁର୍ଗା-ଅଷ୍ଟମୀରେ ମା’ ଗଙ୍ଗାଙ୍କ କୋଳରେ, ଏକ ନୂଆ ଆରମ୍ଭ, ଆମର ଭାବି ବୋହୂ ଇନାୟତଙ୍କୁ ପରିଚିତ କରାଉଛି। ଏହି ସମୟରେ ସେମାନେ ପ୍ରୋମିସ ବ୍ୟାଣ୍ଡ ମଧ୍ୟ ଆଦାନପ୍ରଦାନ କରିଥିଲେ। ସୋସିଆଲ ମିଡିଆ ବ୍ୟବହାରକାରୀମାନେ ଏହି ଫଟୋଗୁଡ଼ିକୁ ପସନ୍ଦ କରିଥିଲେ ଏବଂ ଦମ୍ପତିଙ୍କୁ ଅଭିନନ୍ଦନ ବାର୍ତ୍ତା ଦେଇଥିଲେ।
