ନୂଆଦିଲ୍ଲୀ, ୨୩।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁଜରାଟର ଦୋହାଦ ଜିଲାରେ ଏକ ନିର୍ବାଚନୀ ସଭାକୁ ସମ୍ବୋଧିତ କରି କଂଗ୍ରେସକୁ ଟାର୍ଗେଟ କରିଛନ୍ତି। ସେ କହିଛନ୍ତି, ଆଦିବାସୀମାନେ ଆମର ଭାଇ ଓ ଭଉଣୀ। ଦେଶର ସ୍ବାଧୀନତା କ୍ଷେତ୍ରରେ ତାଙ୍କର ବହୁତ ଅବଦାନ ରହିଛି। ଆମ ସରକାର ଆଦିବାସୀଙ୍କ ଜୀବନରେ ପରିବର୍ତ୍ତନ ଆଣିଛନ୍ତି। କିନ୍ତୁ କଂଗ୍ରେସ ଗତ ରାଷ୍ଟ୍ରପତି ନିର୍ବାଚନରେ ଆଦିବାସୀ ମହିଳା ଦ୍ରୌପଦୀ ମୁର୍ମୁଙ୍କୁ ପରାସ୍ତ କରିବାକୁ ଚେଷ୍ଟା କରିଥିଲା। କଂଗ୍ରେସରେ ପରିବାରବାଦ, ଜାତିବାଦ, ସାମ୍ପ୍ରଦାୟିକତା ଏବଂ ଭୋଟ ବ୍ୟାଙ୍କ ରାଜନୀତିର ଏକ ଆଦର୍ଶ ଅଟେ। କଂଗ୍ରେସ କେବଳ ଗୁଜରାଟ ନୁହେଁ, ସମଗ୍ର ଦେଶକୁ ବରବାଦ କରିଦେଇଛି।
ସୂଚନାଯୋଗ୍ୟ, ଗୁଜରାଟରେ ବିଧାନସଭା ନିର୍ବାଚନ ପାଇଁ ଦୁଇଟି ପର୍ଯ୍ୟାୟରେ ମତଦାନ ଅନୁଷ୍ଠିତ ହେବ। ପ୍ରଥମ ପର୍ଯ୍ୟାୟ ମତଦାନ ଡିସେମ୍ବର ୧ରେ ଏବଂ ଦ୍ୱିତୀୟ ପର୍ଯ୍ୟାୟ ଡିସେମ୍ବର ୫ରେ ଅନୁଷ୍ଠିତ ହେବ। ଭୋଟ ଗଣନା ଡିସେମ୍ବର ୮ରେ ହେବ।
