ନୂଆଦିଲ୍ଲୀ,୭।୨ : କଂଗ୍ରେସ ନେତା ରାହୁଲ ଗାନ୍ଧୀଙ୍କ ଅଭିଯୋଗ ଉପରେ ଭାଜପା କଡ଼ା ଜବାବ ଦେଇଛି। ମଙ୍ଗଳବାରଭାଜପା ନେତା ରବି ଶଙ୍କର ପ୍ରସାଦ କହିଛନ୍ତି ଯେ ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ଭିତ୍ତିହୀନ ଅଭିଯୋଗ କରିଛନ୍ତି। ପ୍ରସାଦ କହିଛନ୍ତି ଯେ ଭାରତର ଭାବମୂର୍ତ୍ତିକୁ କ୍ଷୁର୍ଣ୍ଣ କରୁଥିବା ସମସ୍ତ ବଡ ଦୁର୍ନୀତିରେ ରେ କଂଗ୍ରେସ ଏବଂ ଏହାର ନେତାମାନେ ଜଡିତ ଅଛନ୍ତି।
ରାହୁଲ ଗାନ୍ଧୀଙ୍କ ଆମ ଭାଜପା ସରକାର ବିରୋଧରେ ସଂସଦରେ ହୋଇଥିବା ଭିତ୍ତିହୀନ ଅଭିଯୋଗକୁ ଆମେ ନିନ୍ଦା କରୁଛୁ। ମୁଁ ତାଙ୍କୁ ମନେ ପକାଇ କହିବାକୁ ଚାହୁଁଛି ଯେ ସେ, ତାଙ୍କ ମା ଏବଂ ଭେଣୋଇ ଜାମିନରେ ଅଛନ୍ତି। ମୁଁ ତାଙ୍କୁ ପଚାରିବାକୁ ଚାହେଁ ନ୍ୟାଶନାଲ ହେରାଲ୍ଡ ଏବଂ ଅଗଷ୍ଟା ୱେଷ୍ଟଲାଣ୍ଡ ସ୍କାମ କ’ଣ?
ପ୍ରସାଦ କହିଛନ୍ତି, ନରେନ୍ଦ୍ର ମୋଦିଙ୍କ ପରି ଜଣେ ସଚ୍ଚୋଟ ନେତାଙ୍କ ବିରୋଧରେ ଯେଉଁ ପ୍ରକାର ଲଜ୍ଜାଜନକ ଅଭିଯୋଗ ହୋଇଛି, ଏପରିସ୍ଥଳେ ରାହୁଲ ଗାନ୍ଧୀଙ୍କ ପରିବାରଙ୍କ ସମ୍ପର୍କରେ ସତ୍ୟ ଜଣାଇବାର ଆବଶ୍ୟକତା ରହିଛି। ଭଦ୍ରା ଡିୀଏଲଏଫ ସ୍କାମରେ କ’ଣ ହୋଇଥିଲା? ଡିଏଲଏଫରୁ ଆପଣଙ୍କୁ କିପରି ୬୫ କୋଟି ଋଣ ମୁକ୍ତ ଋଣ ପାଇଲେ? ଏବଂ ଜମି ମଧ୍ୟ ପାଇଲେ। ତୁମେ ଶସ୍ତା ଜମି ନେଇ ଅଧିକ ମୂଲ୍ୟରେ ବିକ୍ରି କଲ ବୋଲି ରବି ଶଙ୍କର ଅଭିଯୋଗ କରିଛନ୍ତି।
ରାହୁଲ କହିଥିଲେ ଯେ ୨୦୧୪ ରେ ଆଦାନୀ ବିଶ୍ୱର ସବୁଠାରୁ ଧନୀ ବ୍ୟକ୍ତିଙ୍କ ତାଲିକାରେ ୬୦୯ ନମ୍ବରରେ ଥିଲେ। ତେବେ କ’ଣ ମ୍ୟାଜିକ ଘଟିଲା ଜଣାନାହିଁ ିସେ ଦୁଇ ନମ୍ବରରେ ପହଞ୍ଚିଗଲେ। ଏହି ସଫଳତା କିପରି ହେଲା? ପ୍ରଧାନମନ୍ତ୍ରୀଙ୍କ ସହ ତାଙ୍କର କ’ଣ ସମ୍ପର୍କ? ମୁଁ ଆପଣଙ୍କୁ କହିବି ଯେ ଏହି ସମ୍ପର୍କ ବହୁ ବର୍ଷ ପୂର୍ବେ ଆରମ୍ଭ ହୋଇଥିଲା ଯେତେବେଳେ ନରେନ୍ଦ୍ର ମୋଦି ମୁଖ୍ୟମନ୍ତ୍ରୀ ଥିଲେ। ସେ ପ୍ରଧାନମନ୍ତ୍ରୀଙ୍କ ପ୍ରତି ବିଶ୍ୱସ୍ତ ଥିଲେ। ଗୁଜରାଟର କ୍ଷମତା ଦଖଲରେ ସେ ମୋଦିଙ୍କୁ ସାହାଯ୍ୟ କରିଥିଲେ।୨୦୧୪ ରେ ମୋଦି ଦିଲ୍ଲୀରେ ପହଞ୍ଚିବା ପରେ ପ୍ରକୃତ ମ୍ୟାଜିକ ଆରମ୍ଭ ହୋଇଥିଲା।
ରାହୁଲ କହିଥିଲେ ଯେ କିଛି ଦିନ ପୂର୍ବରୁ ହଣ୍ଡେନବର୍ଗ ରିପୋର୍ଟ ଆସିଥିଲା ଯେଉଁଥିରେ ଲେଖାଥିଲା ଯେ ଆଦାନୀଙ୍କର ଭାରତ ବାହାରେ ଏକ ଶେଲ କମ୍ପାନୀ ଅଛି, ପ୍ରଶ୍ନ ହେଉଛି କାହାର ଏହି ଶେଲ କମ୍ପାନୀ? କାହାର ହଜାର ହଜାର କୋଟି ଟଙ୍କା ଶେଲ କମ୍ପାନୀ ଭାରତକୁ ପଠାଉଛି? ? ଆଦାନୀ ଏହି କାମ ମାଗଣାରେ କରୁଛନ୍ତି କି? ରାହୁଲ ପ୍ରଶ୍ନ କରିଥିଲେ ପ୍ରଧାନମନ୍ତ୍ରୀ ଆଦାନୀଙ୍କ ସହ କେତେଥର ବିଦେଶ ଯାଇଛନ୍ତି? ପୂର୍ବରୁ ପ୍ରଧାନମନ୍ତ୍ରୀ ଆଦାନୀଙ୍କ ଜାହାଜରେ ବିଦେଶ ଯାତ୍ରା କରୁଥିଲେ କିନ୍ତୁ ବର୍ତ୍ତମାନ ଆଦାନୀ ପିଏମ ମୋଦୀଙ୍କ ଜାହାଜରେ ବିଦେଶ ଯାଉଛନ୍ତି। ୨୦ ବର୍ଷ ମଧ୍ୟରେ ଆଦାନୀ ଭାଜପାକୁ କେତେ ଟଙ୍କା ଦେଇଛନ୍ତି?
