ମୁମ୍ବାଇ, ୧୭।୯ : ଶିବାଜୀ ପାର୍କରେ ଅନୁଷ୍ଠିତ ହେବାକୁ ଥିବା ଦଶହରା ରାଲି ସମ୍ପର୍କରେ ଉଦ୍ଧବ ଠାକରେ ଏବଂ ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ସମର୍ଥକଙ୍କ ମଧ୍ୟରେ ମୁହାଁମୁହିଁ ସ୍ଥିତି ସୃଷ୍ଟି ହୋଇଛି। କାହାକୁ ରାଲି ପାଇଁ ବିଏମସି ଏପର୍ଯ୍ୟନ୍ତ ନିଶ୍ଚିତ କରି ନାହିଁ। ରିପୋର୍ଟ ହୋଇଛି ଯେ ବିଏମସି ଉଭୟ ପକ୍ଷର ଆବେଦନକୁ ନେଇ ଦ୍ୱନ୍ଦ୍ୱରେ ପଡିଛି ଏବଂ ନିଷ୍ପତ୍ତି ନେବାକୁ ଅସମର୍ଥ। ଅପରପକ୍ଷରେ ଉଦ୍ଧବ ଠାକରେ ମାତୋଶ୍ରୀ ଠାରେ ଏକ ସଭା ଡାକି ଦଶହରା ରାଲି ପାଇଁ ଭିଡ଼ ଜମା କରିବାକୁ କହିଛନ୍ତି।
ଏହି ସମୟରେ କେନ୍ଦ୍ର ମନ୍ତ୍ରୀ ତଥା ପୂର୍ବତନ ଶିବସେନା ନେତା ନାରାୟଣ ରାଣେ ବିବାଦରେ ଏଣ୍ଟ୍ରି କରିଛନ୍ତି। ସେ ଏଏହି ପ୍ରସଙ୍ଗରେ ଉଦ୍ଧବଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି ଯଦି ଆମେ ଚାଲି ଆସିବାରୁ ଉଦ୍ଧବ ଠାକରେଙ୍କ ଶିବସେନାକୁ ଭୂମି ମଧ୍ୟ ମିଳୁନାହିଁ। ପ୍ରକୃତ ଶିବସେନା ଶିନ୍ଦେଙ୍କର। ଆଗାମୀ ଦିନରେ ସେମାନେ ଧନୁ ଏବଂ ତୀର ମଧ୍ୟ ପାଇବେ ବୋଲି ରାଣେ ଦୃଢ଼ୋକ୍ତି ପ୍ରକାଶ କରିଛନ୍ତି।
ଦଶହରା ରାଲି ପାଇଁ ଦିନ ଯେତିକି ପାଖେଇ ଆସୁଛି। ମୁମ୍ବାଇରେବାକ୍ ଯୁଦ୍ଧର ତୀବ୍ରତା ବୃଦ୍ଧି ପାଇବାରେ ଲାଗିଛି। ଶିବସେନା ମୁଖ୍ୟ ଉଦ୍ଧବ ଠାକରେ କ୍ରମାଗତ ଭାବରେ କହୁଛନ୍ତି ଯେ ପ୍ରତିବର୍ଷ ଭଳି ଶିବସେନା ଶିବାଜୀ ପାର୍କରେ ଦଶହରା ରାଲିର ଆୟୋଜନ କରିବେ। ଅପରପକ୍ଷରେ, ବିସିସିଆଇ ମଧ୍ୟ ଦଶହରା ରାଲି ପାଇଁ ଶିନ୍ଦେଙ୍କ ଗୋଷ୍ଠୀଙ୍କଠାରୁ ଏକ ଆବେଦନ ପତ୍ର ଗ୍ରହଣ କରିଛି। ନିଜକୁ ପ୍ରକୃତ ଶିବ ସୈନିକ ବୋଲି କହି ଶିବାଜୀ ପାର୍କରେ ଦଶହରା ରାଲି କରିବାକୁ ଶିନ୍ଦେଙ୍କ ଗୋଷ୍ଠୀଙ୍କଦାବି କରୁଛନ୍ତି। ବିଏମସି ଏପର୍ଯ୍ୟନ୍ତ ଏ ବାବଦରେ କୌଣସି ନିଷ୍ପତ୍ତି ନେଇନାହିଁ। ଆସନ୍ତା ୫ ଅକ୍ଟୋବରରେ ବିଜୟାଦଶମୀରେ ଶିନ୍ଦେଙ୍କ ଦେଶହରା ରାଲିର ଆୟୋଜନକୁ ନେଇ ଦ୍ୱନ୍ଦ୍ୱ ଜାରି ରହିଛି। ଉଦ୍ଧବ ଠାକରେ ଏବଂ ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ସମର୍ଥକଙ୍କ ମଧ୍ୟରୁ କେହି ପଛକୁ ହଟିବାକୁ ପ୍ରସ୍ତୁତ ନୁହଁନ୍ତି ।
